علي الفضالة : • ليش التعليم « أونلاين » بالعشر الأواخر من رمضان ؟!

اول شيء الصلاة والعبادة اهم من المدارس والعشر الأواخر فيها ليلة القدر خير من الف شهر .. ثاني شي اعتقد علشان الناس تجهز حق العيد .. ثالث شيء ما يصير كل قرار يطلع ، نعترض عليه ..

كلام غير موفق من بوراشد أنت معترض على أوقات صلاة التراويح و لا الأون لاين ؟! أولا لابد من وقت ل وقت المدرسين و الطلبة يستخدمون الأون لاين نحن في عصر الرقمنه لازم نواكب التطور و أيضا تحسبا لا قدر الله اذا حصلت ظروف طارئة مو مثل آخر مرة بعض المدرسين و الطلبة يوسراتهم مقفلة ثم الناس في العشر الأواخر ما تنشغل بس بالصلاة هم ينشغلون بالتسوق حق العيد وهذا أيضا من مصلحة التجار

ليش عباله الاونلاين عن طريق تيمز مافيه تدريس و دراسه!؟ تيمز بحر من طرق التدريس الحديثة لكنه للأسف مو مطبق بوزارتنا بالشكل الصحيح.و دام ان يبت طاري الدول المتطوره،تراهم دامجين التعليم بين حضوري و اونلاين بالاسبوع الدراسي،،الا احنا..ما نعرف الاونلاين الا بوقت ذروة المطر والغبره.

إلى الأخ على الفضاله عمرك متعدي 60 و هذا كلامك و انت منو لما تكلم وزارة التربيه وهيه من وزارة الدوله بهذا الكلام و ليش ما تقول نخلي أطفالنا يعتكفون بالمساجد و طاعت الله في عشر الأواخر و يرتاح الأب او الأم من زحمة الطريق و المدارس

هههههههه يعني العشر ايام هذه بتاثر على تحصيلهم 🤣🤣🤣🤣 والله انت ما تقوم الصبح تودي مدارس وتجيبهم الظهر وتداوم والا ما كان قلت هذا الكلام غير الدوام .

اعتقد ان ادخال ( الاونلاين ) ضمن خطط الوزاره الدراسيه امر موفق و مستحق !! العصر اللي نعيشه اليوم تتسابق فيه الحكومات و القطاع الخاص نحو التحول الرقمي و ادارة الاعمال عن بعد وبالتالي يجب ان يتم تعليم و تعويد الطلبه و الطالبات و حتى اولياء امورهم على مواكبة هذا التطور المتسارع و كيفيه التعامل معه !! عدا عن الفائده اللي راح تجنبها الوزاره من الجهوزيه الدائمه للطلبه و الكادر التعليمي للدراسه عن بعد و عدم انقطاع التحصيل العلمي لأي سبب كان يدعوا ( لتعطيل ) الدراسه الحضوريه مثل انتشار الاوبئه و احوال الطقس و غيرها من امور طارئه !! و هنا المفترض على وزارة التربية ان تخصص يوم في الاسبوع او ايام معينه في كل كورس للدراسه عن بعد ، حتى تتحقق الاستفاده المرجوه مما سبق ذكره !! @MOEKUWAIT

كلها ١٠ ايام صارت تضييع مستقبل الأولاد أخوي علي ترى قمت اتسولف عن أمور مهمه و أكثر كلامك غير مهم

انا ارد البيت ثنتين متى انام ومتى اقعد ومتى ابدل للعيال الامر صعب لا توقع سهل ياخوي نقعد من سبع الصبح ومواصلين لين نروح القيام وعشر ايام ما تاثر

يدري أن نوم ما ننام؟المره دوام ترد تدخل المطبخ، تالي تلم و تنظف و ترتب المطبخ و السفره حتى لو في خدم ، تالي تسبح و زين اذا قدرت تتقهوى، إذا عندها عيال بدرسهم ما تخلص الى جريب ال١٢ تالي تصلي ماكو وقت، تالي السحور و تنطر لي اذان الفير تصلي و تنام ساعتين