فايز المالكي: بشرى لخريجي الثانوية مبلغ مائة ألف ريال تمويل تعليمي لمن اراد اكمال دراسته الجامعية من بنك التنمية الاجتماعية.

تفاصيل التمويل واتركوا الرجال في حاله

كم قيمة الإعلان ! كم نسبة الفائدة ووش مصلحة بنك التنمية ! ولماذا لم تذكر هامش الربح من عملية التمويل في ثنايا هذا الإعلان ويتم ايضاح كل شيء بدقة مراعاة لأحوال الناس حيث ان بينهم من هو جاهل ويصدق مباشرة ؟ الإعفاء ليس مطلقا وانما وفق ما يرد في وثيقة التامين بين البنك وشركة التامين وهناك استثناءات . اتمنى ذكر كافة التفاصيل وإيضاح ان هناك ضمانات وشروط من توفير كفيل وسند لامر وهناك عقد مبرم فالموضوع ليس عمل خيري او تطوعي حتى يكون المطلع على اطلاع تام ، ودمتم بالف خير .

فايز فاهم غلط❌❌ انا ادرس بنتي في العام الواحد ب 150 الف ريال مع السكن والاعاشه والمواصلات وقدامها 6 سنوات طب ..🤷‍♂️ 100 الف ماتجيب سياره اصلاً التعليم يحتاج كل سنه 100 الف على الاقل والا تبيه يدرس اولى جامعه وبعدها وين يروح يتهوق في ديون بدون فايده

اكذب واحد فايز المالكي

الخبر

ومن أين يسدد الطالب التمويل.!؟! خدمات: التعليم، والعدل، والصحة، والأمن، خدمات ضرورية للعقل ، والصحة، وحفظ الحقوق والحياة الكريمة، ومستقبل الوطن وأجياله. يجب ان تقدم للمواطن مجانا،خاصة الفقراء منهم. فليست مجالا للتجارة ،أو التضييق على الفقير.

الحين.المالكي يسوي لبنك التنمية دعاية ! 😂. يابنك التنمية انتم مصعبينها على المواطنين بشروطكم المعقدة. راتب لا يزيد عن 14500 !وش دخلك براتبه ان شاء الله مية الف ! التزامات لا تزيد عن 30% وفوقها لازم كفيل ! يبون يصعبونها هذا قصدهم !! يارجل اذا التزامات الشخص قليلية يروح ياخذ من البنك ابرك واسهل واسرع مرونه منكم !!

تنويه: احذروا الكذابين و المنتفعين. تنويه و نصيحة: انتبهوا لأنفسكم و احذروا فخ الديون، لن تستطيعوا الخروج منه. و عقلك في راسك اعرف خلاصك

الادمي هذا كل إعلاناته مضلله قبل كم يوم يعلن عن مركز لعلاج الامراض النفسيه ويمدح وفي الاخير اتصلوا عليهم الناس طلع علاج اسبوع واحد يكلف فوق 22 الف 😎

بنك التنمية الاجتماعية يبغى له تحديث ولا ويش ذا النظام اللي لازم كفيل لا وكفيل حكومي او عسكري والمصيبة انك ما راح تلاقي احد يكفلك ليش ما يسوون طريقة الاستقطاع من الراتب بالاتفاق مع البنوك الخاصة

بشري رائعة ديون قبل مايتوظف ياسلام على الابداع

هاذا اللي يلوي حنكه يتطنز ويسخر من البدو والقبايل يعنني فنان مبدع صدق من قال قرود على حيود ⁉️😎🐵

100 الف تقسيم 250 ريال شهريا يعني 400 شهر بالسنوات تطلع 33 سنه و 3 أشهر! والموقع الحكومي الرسمي ينص على فتره السداد على 4 سنوات يأخي لمتى مثل هالاشكال تتلاعب بمشاعر الناس عشان تكون بس في الصورة ومحد ينساها!

ايوه صحيح بس فيه شررروووط تعجيزيه بشرط كفيل لايوجد لديه اللتزامات وين تلقاه ثانيا من بيكفل طالب لاقدامه ولا وراه من وين يقسطها ليش الكذب عيني عينك وتعشمون الناس مساكين في شي من المستحيلات إذا ودهم يقرضونهم فيعطونهم ويسجلونها عليهم دين حتى يصير عنده وظيفه ويقسطها 👍

الكفيل الحاله قصة ، واذا حصلت كفيل بعد شقاء لازم ما يكون عنده التزامات .. شيلوا قصة الكفيل بسند امر وريحو الناس .. هذا من غير حد الراتب الي ١٤٥٠٠

سلامااات وين عمل جامعاتنا ليش ماتقبل هالطلاب ترى الأعداد مقبوله وليست بتلك الإشكاليات ‼️‼️‼️

إعجاز وإحباط لأبنائنا من وين يا حسره يسدد 250ريال وهو يدرس 💔 بعد الثانوية أبنائنا في حيره من أمرهم هل يتوضف عسكري أو هل يواصل دراسته المستحيلة بعد الثانوية بسبب القدرات المهم أنا الان نتمنى أنهم لازالوا صغار نشبنا بهم وصرفتهم ومتابعتهم اشد علينا الان من تربيتهم وهم صغار 😭😭😭

اتوقع مافيه احد راح تنطبق عليه الشروط 👇🏻👇🏻

بشرى مين اللي بيسددها انت والله من زمان عجزت اتقبلك

٦٠٠ شرط تلقا قدامك . ماتنطبق علي احد وحتي لو ياخذها من وين يسدد . وظفوه براتب جيد ٦٠٠٠ الاف تكفيه وراتبه راجع لميزانيه الدوله ايش المشلكه ان توظف يتزوج يشتري بيت يكون اسره من جمع بين اثنين بالحلال له اجر كبير فمابالك ملايين السباب ولبنات طق عمر الواحد٤٠

من وجهه نظري جميع شروط صندوق التنمية الاجتماعية تحتاج لمراجعه شروط قرض الزواج شروط ترميم المسكن وغيرها الصندوق يبذل جهد للتيسير على المواطنين ولكن الشروط صعب تحقيقها الأفضل عدم تحديد الراتب مادام البنك سوف يستقطع من المواطن أتمنى مراجعه شروط القروض وخاصه الكفيل ونسبه الراتب

كذابين يافايز لا يغرك كلامهم من خمس سنوات نقدم ويرفضون والعذر اقبح من الفعل اما العمر لا يسمح وإلا عليك تمويل او قرض من البنك لا يسمح وأعذارهم كلها تعقيدات فقط اما الدولة ما قصرت ما انشأت هذا البنك إلا لخدمة الشعب ولكن لا سامح القائمين على ادارته

⭕️تذكرت قاعده بالبزنس سمعتها اثناء دراستي (لكورس واحد) فقط يسمى (قانون البزنس) تقول : "كيف تخدع العميل قانونيا" و هذا ما يحاول الأخ بالمقطع تطبيقه لصالح (برنامج تمويلي) للبنك، و المستفيد هما (البنك+ و قطاع التعليم الأهلي) .. يدري و يدرون بالبنك و بالتعليم الأهلي إن الدولة (الله يعزها) منذ عهد المؤسس رحمة الله عليه و اسكنه فسيح جناته وهي متكفلة بالتعليم العام كله مجانا.. بل و الجامعي ايضا و فوق انه مجان (تعطي مكافأة) بعد 🙏 .. اقول .. يا شين التميلح و الاستذكاء لما يجي بطبع (وش مصلوحي و أنا المصلح الخير) 😤😤👊🏻

وليه نحدهم على الهم والديون وهم بعز شبابهم اصبحت الجامعات كلها برسوم بدل ما اخذ مكافأة صرت ادفع لهم كل شهر 250 ربال يستهينون ب 250 ريال مايدرون انها ربنا لا تكفيه شهر بنزين رايح جاي للجامعه 😑

هذا الكلام حلو ولكن الحقيقة غير ذلك أنا قدمت عليهم ولكن للأسف لديهم شروط تعسفيه وغير منطقية وتعجيزية لايمكن لاحد ان يستفيد من هذا البنك ومن شروطهم كفيل حكومي فقط لايوجد لديه التزامات مالية لايوجد كفيل بدون التزامات وقلت لهم سوف اعمل لكم استقطاع من البنك مباشر وتم الرفض وشكرا

اول يوظفون المتخرجين من الجامعات لهم سنين مهندسين وصيادلة ودكاتره وشهادات عليا. بعدين يعطون خريجي الثانويه يكملون تعليمهم.

كيف القصد 250 ريال ومدة السداد للقرض ال100000 مائة الف ،، اربع سنوات ولا يزيد دخله عن 14500 ريال طيب اذا هو خريج ثاوني ولايملك وظيفه ويبي يكمل دراسته يعطونه قرض او تكفله استاذ/ فايز؟؟😅

كيف بشرى الطالب يادوب يشتري وجبة فطور

يعني واحد توه متخرج ثانوي من وين له دراهم يدرس الا اذ ابوه دعمه

أنا ماخد منهم قرض ٢٨٦ ألف أعطوني منها ٢٦٦ ألف اخذو ٢٠ ألف ريال رسوم إداريه كيف تقول مافي رسوموبسددهم ٢٩٨٠ كل شهر

دعايات فقط مابه شيء ناس تاخذ مبالغ على الاعلانات يوم تروح تقدم ما تلاقي الا التعقيد

الله يجزاك خير ويرحم والديك والله عندي اللهم أحفظهم إبني توه متخرج ثانوية إنشاء الله، ان شاءالله،، يفرجها الله بقدم على الموقع ((جزاك الله خير))

طيب : ما عنده فلوس يكمل تعليمه👈 وراح يتورط بقرض 100 ألف ريال. . يقسطها 250 ريال👈 يعني أكثر من 25 سنة يسددها

غريبه،،معقوله يافاير ماتعرف ضروف الطلبه المتخرجين حديثاً ؟!!🙄‼️ طيب من وين تبيهم يسدّدون من راتب أبوه ولا من راتب امه ولا انت عندك فاعل خير راح يسدد عنهم،،اوووه ولا انت اللي بتسدد ياذيبان لأجل انك حنين وتحب تفعل الخير،،ولا تدري شكلك هالايام مطفر وتبي لك كم إعلان تضبط امورك 👌‼️