فتاة توثق الحل مع زحمة الرياض شئ واحد وقفت النوم هو الحل ….

وقف التصوير يالله نكمل الطريق للبيت اهم شي التفاعل والمشاهدات

يعد وقوف المركبة بجانب الطريق او داخل الأحياء السكنية والنوم داخلها مخالفة (أمنية) حيث سيتوجب على الدوريات الأمنية التأكد من الحالة الصحية لمن في داخل المركبة وقد تحرر مخالفة امنية بحق السائق اذا كان هناك بلاغ أمني من سالكي الطريق أو سكان الحي اذا كانت حالته الصحية سليمه.

هي لو تلاحظ موقفة بمكان مخصص للوقوف

المشكلة في الاشتباه في حالة من في داخل السيارة اذا شوهد بوقوف دون حراك وليس نظامية الموقف من عدمه .

مافي زحمه طيب الطريق يمشي

اكبر غلط انك تنام طول الساعات والمكيف شغال راح يجيك كتمه من المكيف ..

المضحك الطريق سالك وماهو زحمه محنه تصوير

خطر النوم بالسيارة، اذا السيارة مافيها أكسجين بسبب اشتعال حريق او شي آخر راح يخليك تموت وانت نايم

المشاهدات لعبة في العالم اغلب من يصور سخافة مثل هذي هدفه المشاهدات وتفعيل حسابه ..

وين الحيا من الناس

جربوا معاناتنا، كنتوا تركبون وراء وتذاكرون وتنامون أو تتسلون بجوالاتكم وحنا نصارع الزحام. لولا الله أنعم علي بالمقدرة على القيادة وعدم توفر المادة الزائدة لاستقدام سائق شخصي كان حاط سواق من 25 سنه.

هي فكره ممتازه لبعض الحالات، بعض الناس رجعته من الدوام تاخذ ساعة ساعتين وقت الذروة اخر العصر وبعد المغرب الطريق يكون سالك اكثر، غفوه ساعة قبل الطريق تخليه يوصل بدون ضغط ومايحتاج ينام

نامي بالدوام مب بالطريق 🤕

يعني زاحفه وكذا

وليه ماتنام في بيتهم وتترك هالخرابيط لاكن ضعافه العقل عند بعضهن تحاول تسوي اي شي مثل الرجال عشان تثبت انها كفو #العقل_نعمه

والله ما الومها المسكينة .... احنا تقريبا ننزل الرياض 4 مرات كل شهر ومع التعب وارهاق و زحمة الرياض والله نوقف ناخذ غفوة ما يمدي تسوق من الزحام .

جمعت بين قلة الحيا وقلة العقل ومن نشر مقطعها

من بغى الدح ماقال اح ، سابقا كان في سواق يوديها ويجيبها مثل الاميره ، الان هي الي جابته لنفسه سواقه وزحمه وحر ومخالفات

الي اشوفه بالمقطع يعتبر الطريق سالك وين الزحمة 🙂

قيلولة السياره عندي من ٦ سنين تقريبا شرط اساسي وبشكل شبه يومي 😌 ياهي تريح الجسم . لدرجة كثير من الموظفين عندنا يقولون كيف تنام واقولهم ان الموضوع صار له لذه وراحة للجسم .

بدون مكيف ؟

الطريق سالك وماشيه الامور لكن بعضهم مسوي عبيط ويبي مشاهدات وبعضهم ينقل اي شي يبي مشاهدات بعد

لحد يصدق ويضحك عليكم مجرد ما خلصت تصوير شغلت سيارتها ومشت

وش فيه المترو يحل ٩٠٪ من هدا المشكلة توقف اقرب محطة مترو لبيتها وبلاش الهبل هذا

متعوده دايمن😉

تصدّق كثيرا ما افكر بالتوقف على جانب الطريق حتى تخف الزحمه لكن اعرف الرياض حتى قبل الفجر زحمة.

حركات السلافع مقرفة وسامجة

@eMoroor استخدام مخالف لموقف الطواريءالمخصص لإخلاء المركبات في الحوادث والاعطال ونشر فكرة مخالفه مستحدثه تعرقل الطرق الرئيسية cc

أنا ماشوف الزحمة الطريق سالك

يا حظ القصار يقدرون يسونها

يعني قلك ظرافة وروقان وكوميديا سوداء.

واضح ان الطريق ماشي مافيه زحمة لكن لاغراض التصوير

ليه أثارت الجدل مليون حل ولا تنامين بالشارع وين اهلها ذي

والله قد سويتها بالدائري الجنوبي رايح للشفا وزحمه غير طبيعيه بالليل وقفت ع جنب نسمت الدرايش وشغلت المكيف ونمت تقريباً 4 ساعات 😁👌🏼

البنت اللي عندها زوج المفترض تحمدين ربك وتقدرين الحياة اللي عايشتها شوفي غيرك وشلون يتمرمط