فرص القبول في #جامعة_الملك_عبدالعزيز بموزونة الثانوية والقدرات عن طريق مسارات واعد للتميز النوعي #سكاو

لاهنت ممكن ترد على استفساري احتاج استشيرك🙏🏻

تفضل اخوي \ اختي

زاد فضلك ، ايش افضل ادخل كلية العلوم و احول تحويل داخلي لكلية الهندسة بعزوز ، او اضمن مقعدي بالهندسة الصناعية بجدة و احاول احول منها لعزوز مع ان التحويل الخارجي اصعب؟

اسأل نفسك ياخوي سؤال, هل مهم عندك تتخرج مهندس, ولا تتخرج مهندس من جامعة الملك عبدالعزيز بالتحديد؟ لان الدخول للعلوم والتحويل للهندسة طريق سهل, بس الصعوبة في التنافس على التحويل الداخلي والخوف من انك تحصل على درجة منخفضة في اي مادة فتأثر على معدلك ويصعب عليك التحويل. فاذا تحس انك تجيب فل مارك في جميع المواد في السنة الاولى بكلية العلوم انقبل فيها وبعدين حول داخليا للهندسة. لكن اذا المهم بالنسبة لك التخصص نفسه بغض النظر عن اي جامعة تدرس فيها, تقدر تدخل جامعة جدة, وتضمن المقعد من البداية وتحاول على التحويل الخارجي بعد سنتين باذن الله (مو الصيف القادم اللي بعده حسب الشروط) فاذا ما حولت لاقدر الله انت ضامن مقعد في الهندسة هناك وبتتخرج مهندس باذن الله قريب لي نصحته هذه النصيحة العام الماضي والآن هو خلص السنة الاولى في جامعة جدة كلية الهندسة ومرتاح وبيكمل فيها باذن الله في منصة قبول حط الهندسة في جامعة الملك عبدالعزيز رغبتك الاولى حتى لو كانت حمراء, وانتظر الترقيات على امل توصل موزونتك لاقل موزونة يتم القبول فيها وخلي الهندسة الصناعية في جامعة جدة رقم ٢ واللي بيكون عليها الكاس باذن الله بالتوفيق

تسلم ما قصرت ، يعني هل تشوف ان مخاطرة التحويل الداخلي بدون ضمان المقعد عشان اسم الجامعة ما تسوى ؟ واذا دخلت كلية العلوم هل احول بعد سنة او بعد سنتين؟

الله يسلمك التحويل الداخلي مو مخاطرة، بس مو مضمون يعني يعتمد على مستواك ومذاكرتك فاذا مطمئن انك تجيب باذن الله الفل مارك فتحويلك باذن الله مضمون تقديم طلب التحويل في الترم الثاني لك بالجامعة والنتائج تطلع في الصيف

السلام عليكم ، انا طموحي طب خاصة جامعة الملك عبدالعزيز وماعندي وسيله له الا اني ادخل شيء واحول له عندي خيارات تمريض جده ، دكتور بصريات جده ، لو دخلت تمريض او دكتور بصريات وحولت تحويل داخلي للطب ثم بعد سنه اخرى احول تحويل خارجي جامعة الملك عبدالعزيز يمدي؟ هل هو شبه مستحيل ؟

وعليكم السلام ورحمة الله وبركاته التحويل الخارجي الى جامعة الملك عبدالعزيز لازم تدرس في جامعتك اللي انقبل فيها سنتين, بمعنى اذا انقبلت تمريض في جامعة جدة, ثم حولت الى الطب في جامعة جدة في السنة الاولى, لازم تدرس السنة الثاني في جامعة جدة ثم تقدم على التحويل الخارجي الى جامعة الملك عبدالعزيز (مو الصيف القادم, الصيف اللي بعده) فالخطة اللي انت راسمها تعتبر كويسة خاصة انك لو حولت طب جدة يصير عالاقل ضمنت انك تخرجت طب باذن الله حتى لو انقبلت في جامعة جدة طب مباشرة, لازم تدرس سنتين ثم تقدم تحويل خارجي الى جامعة الملك عبدالعزيز

متى يفتح التحويل الخارجي بجامعة الملك عبدالعزيز ؟

قريبا باذن الله الاعلان، اتوقع الاسبوع القادم او اللي بعده بالكثير

السلام عليكم بكره بينزلون الفرز الثاني دبلوم عن بعد جامعة الملك عبد العزيز ؟

وعليكم السلام ورحمة الله وبركاته مافيه وقت محدد او عدد مرات معلنة للفرز, اذا توفرت مقاعد يرشحون دفعة اضافية حسب المتوفر تابع البوابة وفالك القبول يارب

يارب العالمين

متى يفتح تقديم الدبلوم المدفوع الحضوري بجامعة عزوز؟

الدبلومات المسائية الحضورية برسوم دراسية في جامعة الملك عبدالعزيز للحين ما تحدد موعد القبول فيها بس غالبا خلال الشهر القادم باذن الله

السلام عليكم سكاو جزاك الله خير عندي استفسار بسيط انا بجامعة الملك عبدالعزيز خريجة كلية الاتصال والاعلام علاقات عامه ، معدلي٤،٦٤ استحق مرتبة الشرف وماكتبت لي لأني حملت انقلش لفل١، وكثير من دفعتي حملوه واستحقو مرتبة الشرف كيف يقولون انها مومن مواد التخصص ف وش تنصحني؟ارفع معامله

وعليكم السلام ورحمة الله وبركاته الف مبروك التخرج ياختي والف مبروك التفوق من شروط الحصول على مرتبة الشرف ما ترسبي في اي مادة سواء في التخصص او عامة, لكن انصحك بما انها المستوى الاول للغة الانجليزية تراجعي العمادة او ترسلي معاملة وتستفسري عن المرتبة على امل تتعدل بالتوفيق

الحين لو قدمت بالمنصه على تخصصات واعد كيف اختار التسريع الاكاديمي او مسار التميز النوعي

السلام عليكم سكاو ، هل لازم أحط تخصصات واعد رغبه أولى عشان يستدعوني للمقابله ولا عادي ثانيه وكذا ؟

السلام عليكم ورحمة الله وبركاته اذا انقبلت في جامعة جده تخصص التفسير وعلوم القرآن هل يمديني احول تخصص ؟

رد ب الخاص انستقرام

سكاو متى ينزل النوعي ب جده للموهوبين ؟

السلام عليكم عندي استفسار انا متخرجه من الثانوي عام ٢٠١٥ و درست دبلوم سكرتاريه طبية عام ٢٠١٩ ونفسي اكمل دبلوم تخصص اداره اعمال ايش ممكن اسوي عشان انقبل ؟

السلام عليكم جاني اخضر على برنامج واعد للتميز النوعي كلية الصيدلة ممكن اعرف ايش المتطلبات اللي لازم ارفقها في الملف وهل في تحويل للطب بعد دراسة اول سنه ؟

سكاو احط بطاقتي الراجحي ويقول البيانات خطأ العطل من الاودس يعني ولا لازم اطلع الاهلي

متى تقديم المسائي في عبدالعزيز ؟