فضفضة عن موسم الشمال التركي بعد صيف طويل فيها وتنقّل بين مدنه وقراه ومرتفعاته… في أشياء اعجبتني جدًا هذا الصيف، وفي أشياء بصراحة ما اعجبتني أبدًا! اخترت لكم 4 أشياء أعجبتني ❤️ مقابل 4 أشياء ما أعجبتني 💔 وبعضها يمكن تتوقعونه… لكن فيه نقطتين تحديدًا أتوقع بتختلفون معي عليها... 😅 بدون مجاملة ولا تهويل… هذه تجربتي كما عشتها 👇 واللي زاروها هذا الصيف وشرايكم فيه اشياء ماذكرتها ايجابية او سلبية ؟show more

الأسعار هناك لا يكتبها الأتراك، يكتبها إقبالنا نحن. كلما طلبنا الرفاهية نفسها، رفعوا ثمنها، وكلما دفعنا بصمت، ظنوا أن هذا هو ثمن رضانا. نحن من علّمهم الغلاء بكرمنا، ثم عدنا نشتكي منه.

ليت الكل يطلق كلامك يعضهم يتعامل معنا كتعاملة مع صرافة 🏧

عندنا مثل بالقصيم يقول : قال من امرك قال من نهاك انت فعلا جبت الشيء الملاحظ في تركيا نعم مرتفع على الاسعار العالم مرتفع لكن بالذات اماكن السياحه ياء الخليجيين الارتفاع عجيب وغريب ولكن زي ما قلت لك طالما انه لاقيين ناس تدفع ومهما رفع السعر راح يلقى ناس تدفع وراح يرفع وراح تدفع

العيوب الملحوظة اللي انا ذكرتها انا اتجنبها مطعم مااعجبني سعره اضرب الباب سمسار مااتعامل طريق سي احاول اكون حذر فيه ومثل ماذكرت انت من امرك ومن نهاك

طيب اخ يوسف كيف يوصل صوت السائح لتعديل الوضع في الشمال التركي واقصد فيه المطاعم والسيارات والفنادق والشقق ؟؟؟

هم اسمع لنا اكثر منكم المهم السايح يسمع مو المتكسب

اللي يسافر ووقته كله بالمطاعم والكافيهات لايسافر يقعد في ديرته مليانه مطاعم ‼️ السفر زيارة معالم الدول ومعارضها ومتاحفها والاختلاط بشعبها وموروثه ثم الترويح عن النفس بتجربة القوارب البحريه والزيبلاينات والتليفريك والعاب البحر والاستمتاع بالشواطي

قارن مع اسطنبول نشوف الاكل والسيارات

ولايتقارن فرق الثرى والثرياء

انا من عشاق السياحة في الشمال التركي من 2014 ولمدة ستة أعوام كنت اروح سنوياً وإنقطعت عنها بسبب جائحة كورونا، ولكن بعد ما رجعت الأمور لوضعها الطبيعي لاحظت إرتفاع الأسعار 🔥 لذلك إستبعدت الشمال التركي ❌️ ولكني في نفس الوقت لم أقطع عن تركيا فإستبدلتها بي إسطنبول. تحياتي لك 🌹🌹

جنسية عربيه سيطرت على تأجير السيارات و المطاعم و بعض جماعتنا يطبل و يروج لهم مقابل وجبه ( رخيص ) .. استغلال و غلاء و عدم احترام ..!!

👍🏻👍🏻

أبها والطائف والباحة رحتلها أفضل منها بمليار مره الجو بارد أمطار ضباب أخلاق السعوديين وطيبتهم واحترامهم شيء لايوصف ماشاء الله قررت ريال واحد معاد اصرفه خارج السعودية 🇸🇦 المواطن والوطن أولى أصرف فيه أموالي راحة نفسية في السعودية 🇸🇦❤️❤️❤️ وأهلها الطيبين

ما خرب السياحة في تركيا الا العرب اللي عايشين هناك و اتخذوها سمسرة إلا ما ندر منهم و اللي فتحو مطاعم او يديرون المطاعم هناك او بالشقق و السيارات

غلاء مصطنع تأجير السيارات في شهر ٧ و ٨ تصل ٩٠ دولار وشهر ٩ تنزل ٥٠٪ يعني الغلاء مصطنع. بالاضافه المطاعم غاليه جدا. الشي الغريب ويفترض تدخل الاجهزه الرقابيه اغلب المحلات في المولات وللاسف براندات عالميه يرفعون السعر بالكمبيوتر عندهم في الصيف ونهاية الموسم ترجع الاسعار لطبيعتها

اللي يمدحها أما توه في السفر أو له مصلحة وشقق وشركات سياحية والحريم اللي بستغلن النساء تعالي الى الشمال التركي وكل وحده ٥٠٠٠ الاف ريال تأخذ منها في أسبوع دراهمكم استثمروها في مشاريع مو تعطونها شعوب دول آخرى

تحصل مطعم جوار الماركت يبيع المشروب بأكثر من ضعف سعره في الماركت هل السائح منقطع عن الغوث حتى تدبل السعر ! أضف ملاحظة وهي متكرره تمييز بعض موظفي المطاعم في الخدمة بين السائح والمواطن ، وهو ناتج عن قصور في فهم أن السائح ليس عبء هو دعم للاقتصاد متى لم تحسن معاملته بحث عن غيرك

لحد يروحلهم نصيحة لوجه الله وبس

زرتها هذي السنة التوبة عاد أزورها غلاء سويسرا 🇨🇭 وأكثر واستغلال وأخلاق خرا الا من رحم ربي وشوارع ضيقه وزحمه وعدم وجود مواقف كل القرى طرقها لاتوجد وسائل سلامة لا حواجز حديد ولا حواجز اسمنيه اسقط لأسفل الوادي حبة دجاج ٢٠٠ ريال 🫠 الكرتون فيه ١٠ حبات ب ١٤٠ الخليجين بس يدفعو😵‍💫

ههههههههههههههههه

طرحك جميل ومفيد وأعتقد حسب رأيي المتواضع بأن اللي سبق جاء للشمال التركي يتكون لديه خبرة في التعامل مع هذه الأمور ويستطيع تقليل التكاليف سواءا بالسكن أو الأكل والأهم موعد السفر بحيث يحاول تجنب موسم الذروة بحيث يكون قبله أو بعده والله أعلم

اللي يروح لها يحتاج شويت عرف ودبره والا لا يروح كل شي سيء تقدر تتفاداه اذا عرفت الديرة اهم شي لا تسلم نفسك للاماكن السياحية والسماسرة وانت طيب

أحسنت👍

اتفق معاك بكل نقاطك وبالذات المطاعم الشمال اسوأ مطاعم للاسف واتعسها وغلاء على الفاضي وهذي السنه طرابزون اغلى من اسطنبول نفسها

صحيح 100٪

في حلين لمسألة الغلاء وهي التواصل مع اي شخص ثقة قبل الموسم يجيب سيارة من اي مدينة أخرى وللمطاعم الذهاب للمطاعم الشعبية الخاصة بالأتراك وليس السياحية

طريقتي انا وازيد عليها ابتعد عن اماكن تجمع السياح

يا سلام عليك خاصة اوزنجول .. واحد سفرته كاملة في اوزنجول ويتكلم عن غلاء المطاعم

اتفق معك مطاعم الشمال التركي ضعيف حتى مطبخ الشمال التركي فقير. هم مشهورين في كفته اكشبات والسمك. اما اجار السيارات والسكن في غلا لكن اذا تسال اصحب المصلحة يقولك عنا الموسم فقط شهرين بعكس باقي المدن في تركيا لذلك يرفعون الاسعار. الان الشمال التركي رح يعيش ركود سياحي واسعار منخفضة لغاية شهر تموز القادم

صحيح لكن مو مبرر للاستغلال والغلاء شهرين خذ حقك بمنطق سيارة 🚗 وزنها 100 كيلو تاجرها ب100$ وقيمتها اللي انت ربحان منها 40$ مو منطق لو حسبها ب60 قلنا موسمه لكن هو يبغى يستغل وبجشع

بالنسبة لجودة المطاعم في موجودة في سوق ميدان بطرابرون وريزا عند سكوير كوب الشاي الشهير وفي مولات طرابزون بعد بالإضافة إلى اوزونغول واللي ما انصح فيها بالذات للمبالغة الكبيرة بالأسعار وطبعا ما تقارن جودتها بمطاعم اسطنبول وعموما في كل مدينة بالعالم يوجد الجيد والسيئ والبحث افضل

بالنسبة للسكن انصح بتطبيق Airbnb يقدم لك مئات الشقق والفلل في الشمال التركي كله من راسك لرأس المالك او المسؤول وباسعار تنافسية وابتعد عندالشركات السياحية

من أصدق ما نُقل عن الشمال التركي

اينما ذهب ابو دشداشه فأنه سيرفع الاسعار ،،، اهل البوسنه ارتفعت الاسعار عندهم بسبب السائح الخليجي هكذا وجدت هناك

استغلال من يوم تنزل في مطارهم لين تمشي من مطارهم التوبة عاد أروحلها تحس قراصنه وعصابات مهب ناس عاديين في الاسواق كلن يغمز للآخر ارفع السعر غير اغسلهم الطامة غبي ويبقى يضحك عليا يحلم 💭

كلام الشخص على اليمين صحيح

صيف هذا العام الاكثر جمالاً من حيث الطبيعة والاكثر ارتفاعاً للاسعار بشكل جنوني بالذات في طرابزون وماحولها في همسي وصل سعر وجبة كباب لسخص واحد 800 ليره ما اعرف لحد وين راح يوصلون

والله اكثر شى ما اعجبني ان بعض المواقع السياحية الجميلة لمن يعرفها سابقاً ، فقدت جزء كبير من طبيعتها وجمالها وبساطتها بكثرة المطاعم والمقاهي وغيرها من محلات البيع وكأنك داخل سوق وكل هذا على حساب الطبيعة والمناظر الجميلة وتحديداً مرتفعات حيدر نبي وهمسي كوي .

أي واحد يتكلم عربي لا تثق فيه

حتى انا 🫣🫣😂

طيب كم واحد اتسطر كفوف من الاتراك.

من دخلوا العرب ( السوريين ) و ( اليمنيين) و الناطقين بالعربية المجال السياحي شقق وفنادق وسيارات رفعوا اسعارهم لانهم طماعين مو شايفين خير وينظرون للخليجي ماكينة سحب ألي أنا ما أتعامل معهم بتاتا أبحث عن ارباب العمل الأتراك وأتفق معهم مباشرة بدون وسيط .

فضفضة عن الشمال التركي (أشياء أعجبتني وأشياء ما أعجبتني) المتحدث الأول: لي فترة في فمي ماء عن الموسم السياحي في الشمال التركي، بس أقول خلي الموسم ينتهي، خلي آخر الموسم السياحي. أشياء أعجبتني هذا الصيف في الشمال التركي -لأني أنا طوّلت في الشمال التركي، وإذا قلت الشمال التركي معناها أقصد طرابزون وريزا بالذات- أشياء أعجبتني، أشياء مميزة صارت أو كانت هذا الموسم، وأشياء ما أعجبتني. وخليني أكون إيجابي وأبدأ بالشيء الإيجابي أو بالشيء اللي أنا أعجبني: الموسم السياحي أو السياحة في الشمال التركي اللي لاحظته هذا الصيف: إن المنتج السياحي أصبح مشكّل على ذائقة السائح الخليجي؛ كل شيء متوفر، كل شيء يبغاه السائح الخليجي متوفر، هذا شيء جميل. تعاملهم أفضل وأفضل من السنوات الماضية، هذا شيء جميل. الجو خيالي؛ اللي زار الشمال التركي هذا الصيف ويقارنها في آخر عشر سنوات.. يعني تخيلوا بداية أغسطس والثلج موجود، والأجواء باردة، والطبيعة فوق الخيال! هذا شيء مميز أنا لاحظته في الشمال التركي. مطار ريزا هذه السنة أخذ البساط عن مطار طرابزون، وخفف الضغط عن مطار طرابزون؛ أشوفه شيء إيجابي ومميز وأعجبني في موسم الشمال التركي. الأشياء اللي ما أعجبتني -هذه يبغالها تكوة-: أول شيء: أنا ما أتكلم عن الغلاء العام، أتكلم عن غلاء غير مبرر في المطاعم بالذات؛ غير مبرر، أسعار تخلي الواحد اللي يبغى يطلب.. يطْلع! ثاني حاجة: أسعار السيارات، غلاء غير مبرر غير مبرر فقط في الشمال التركي، باقي المدن الأسعار طبيعية. فاللي ما أعجبني غلاء غير مبرر في بعض المطاعم، بعض اللي يعني فتحوا، بعض المطاعم والكافيهات السعودية والخليجية والعربية وصلوا الأسعار بطريقة جنونية. الأسعار ما فيها شك، في غلاء غير طبيعي في الشمال التركي ممكن ينفّر الكثير وممكن الكثير ما يرجع للشمال التركي بسبب هذا الغلاء اللي صار في الموسم أو هذا الموسم. شيء ما أعجبني: الطرق في طرابزون، بالذات في طرابزون وحتى ريزا، أتكلم عن الأماكن السياحية اللي عليها الدعس: أوزنجول، آيدر، همسكوي، كايا باشي، صراحة الطرق من سيئ إلى أسوأ؛ يعني نتكلم عن طريق ديميركابي أجمل قرى الشمال التركي في الصيف، الطريق هذه السنة أسوأ من السنوات الماضية. آيدر.. طريق إيلفيت، طريق قرية كفرون بعد آيدر سيئ جداً جداً. همسكوي اللي راحوا للشلال طريق سيئ. آخر شيء ما أعجبني: السمسرة والسمسرة والسمسرة! السماسرة سواء العرب أو الأتراك يحسسونك إن السائح جاي من كوكب آخر، ما يعرف شيء اسمه تطبيقات: «الدنيا زحام، احجز مبكر، الغلا».. والله وش رايك؟ المتحدث الثاني: والله أكبر خطأ للسائح العربي بصفة عامة.. المتحدث الأول: إيوه؟ المتحدث الثاني: هي الاتكالية.. المتحدث الأول: يعني العيب في السائح العربي مو في السمسار؟ المتحدث الثاني: يعني أكيد في السمسار، ويشاركه السائح العربي اللي هي الاتكالية والثقة العمياء. المتحدث الأول: يعني هو لو ما وجد اللي يسمع له ما.. ما انضحك عليه؟ المتحدث الثاني: صحيح، يعني هو لو يتعب نفسه ع التطبيقات ويحجز لنفسه أفضل له، ويقارن بالأسعار، لكن يعطي الاتكالية والثقة العمياء لأي واحد كمان يتحدث اللغة العربية فهذه مصيبة. المتحدث الأول: طيب أنت ما دام دخلت معي، وش الأشياء اللي أعجبتك واللي ما أعجبتك في هذا الموسم؟ المتحدث الثاني: الموسم هذا أعجبني صراحة مطار طرابزون. المتحدث الأول: الله! والله أنت تخالف الناس! المتحدث الثاني: لا والله، السرعة.. رحلتي كانت في الذهاب والعودة 100%. المتحدث الأول: والله 100%! المتحدث الثاني: أنا أتكلم عن شهر يوليو، ما أتكلم عن شهر أغسطس. المتحدث الأول: طيب واللي ما أعجبك؟ المتحدث الثاني: والله المطاعم بصفة عامة، جودة الطعام مقارنة بالأسعار. المتحدث الأول: عاد أنت جيت على الجرح، أنا من أكثر واحد يسب مطاعم الشمال التركي، المطاعم سيئة في الشمال التركي؛ أنا أقول سيئة مقارنة بالمدن الأخرى، ممكن غيري يشوفها كويسة، بس أنا لما أقارنها بالمدن الأخرى...

حبيت كلامي مكتوب اعجبني

✅✅✅✅✅✅✅

التطبيقات مب دايماً ارخص احيانا السمسار ارخص ترا التطبيق يديره سماسرة نفس الشي وفيه عيب ماذكرته لازم يكون معاك كاش في مرتفعات ايدر ومافي ارسال انترنت