فكر فيها ..!! متى راح تتملك عقارك ..! عزيز طالب #السكن مستأجر وضيعت سنينك ولا تجيد الادخار ماخذ طريق القروض الاستهلاكية وانت محتاج لسكن ولا تاخذ من منتجات سكني مدعومة من الدولة وإيجابياتها اكثر من سلبياتها {متشرط } ليه وش تبي اكثر من كذا ؟ - تنوع المنتجات (... شقق - تاون هاوس - فلل ) - تنوع البرامج المدعومة * منتج وحدات جاهزة * منتج وحدات تحت الإنشاء * منتج بناء ذاتي * ارضك دعمك * برنامج القسط المسير - إعفاء من الضريبة التصرفات العقارية - تمويل مدعوم ٢.٥٩ - احياء نموذجية - خصومات لمستفيدين سكني #سكني #منتجات_سكني #عقار #عقارات #مسكن_موثوق_العقارية #علوم_عقاريةshow more

لاتضلل ياعبدالمحيدتاخذ قرض مليون تحسب عليك بمليونين والدعم ١٠٠،٠٠٠فقط واللي راتب اقل من عشرةدعم١٥٠ صعب التقديم على قرض عقاري بالصورة هذي لانه راح ياكلك وياكل مستقبلك تماما من الحلول رفض القرض ل٨٠٠ألف وتكون فوائده مدعومة بالكامل او قرض حسن مثل شركة ارامكو ومعادن مليون و٢٠٠قرض حسن

اتفق معك نسبيا .. سؤال هل تستأجر شقة ب ٤٠ الف وهيا سابقا ب ٢٠ الف وراتبك ١٠ الاف ريال ؟ الوضع صاير ضغط مو طبيعي على المستأجرين .. نتكلم عن حلول للسكن ودعم حكومي للمواطنين ليه ما ياخذها ؟ ليس السبب تضخم فوائد البنوك لان مازال المواطن يشتري من السوق التجاري .. ننتظر حلول وعندنا دعم حكومي يوفر برامج كثيرة.. شكرا لك على مرورك القادم اجمل باذن الله ..

بعد التحية لك خذ لك لفه تويتر وشف الناس اللي بتتنازل عن بيوتها عشان القسط عالي ولا اللي اخذ له شقة ومهب قادر ينام زين من ازعاج الجيران او من ريحة الاكل اللي تجيه من الشقق المجاورة خذ لك لفه على الحارات وشف البيوت الجاهزه المعروضه من سنين ولم يتم شرائها بسبب ان الفايدة مرتفعة

حياك الله عبدالله ،وش دخل حارات في مشاريع سكني مدعومة من الحكومة .. ما تكلمنا في تجاري .. شكرا لك على مرورك ..

إذا تم استحداث برامج تسهيلات غير ربوية بإذن الله راح نقدم على مشاريع سكني مافينا حمل ولا احنا بكفو محاربة الله في الدنيا والعذاب في الاخرة اخوي عبدالمجيد جميع القروض البنكية ربوية اذا في شي غير كذا ياليت تدلنا طال عمرك

نتكلم عن برامج حكومية دعم للمواطن لتملك السكن .. بنوك وفتوى هذا قرارك شخصي تتخذه .. نتمى للجميع سلامة التعاملات و تملك المسكن لا ارغب ان اشوف احد من حد على شي ما يبيه اتوقع الفكرة وصلت .. ادخر واحرص على الادارة المالية تستطيع ان تتملك خاصه إذا انت خارج المدن الرئيسية.. الله يوفقنا وياك لما يحب ويرضى .. شكرا على مرورك ..

تسويق غير موفق يحسس المستمع تراك اشغلتنا بنعطيك الي نبي واذا مااخذت بنحط الغلط كله عليك مافيه احد ياعزيزي مايتمنى الملك لكن ابحث في المسببات للرفض .

ليس بتسويق هذه مشاريع دولة الله يحفظك .. اليوم الكثير يعاني من ارتفاعات الايجارات وقروض والخ .. كيف نحل ونوجه ونوعي لطرق التملك عن طريق الدعم الحكومي .. توعيه لا اقل ولا اكثر .. ادخل على موقع سكني مشاريع ودعم وأسعار اقل من السوق لتملك المواطن .. شكرا على مرورك

وش تنتظر عزيزي الباحث عن سكن تعال عشان تتضخم أرصدتنا وأنت تعيش باقي حياتك بالفقر .. والمليون تحسبه عليك البنوك مليونين في انتظارك جحر تحت مسمى فيلا دوبلكس لا يفصلك عن جارك سوى بلكة ٢٠ سم وش هالدلع عزيزي الباحث عن السكن اخلص علينا وهات رواتبك طوال ٢٥ سنة نحن في انتظارك 😁

يهاوشنا عشان نشتري عقار 😂 حاضر بكرا بروح اشتري

غيرك محتاج دعم حكومي لتملك السكن .. جيب حلول للي ارتفعت عليهم الايجارات ومتورطين في قروض استهلاكية وغيرها .. شكرا لك على مرورك أتحفتنا 😜