فهد العموش : لماذا لا نقدر ونحترم من يحضُر في الوقت المطلوب للمناسبات ⁉️

الي يتكلم فيه كبر وأستعلاء على مباشرين القهوه او المضيفين الي يسميهم قهوجيه وندري انهم قهوجيه لاكن ماتإمرهم بهاالشكل قل صب القهوه الله يعافيك ولاعليك أمر مهوب نهر ونتر وكإنك مغصوب تعزم انا لو من الي ماسك الدله حطيتها ومشيت والرزق ع الله

ماعمرنا خلينا القهوه لين تجتمع الناس وس هالنظام هذا لو جانا رجال واحد من يوم يجلس صبينا له القهوه العالم ذي تألف سلوم من عندها والا وش بلاهم

عيب الاسلوب هذا تبي تعالج مشكله ثانوية بالاساءة لمن يقوم بخدمتكم ونهره لحاجته المادية لذلك رغم انه من الممكن اشرف واكرم واثبت اصلاً منك عيب عيب عيب الاسقاطات لاكمال مابك من نواقص

غير صحيح كلام فيه مبالغة وبالاصح المعلومة مغلوطة ومحد يسويها وكل من جا تُصب له القهوة وتقدم له الضيافة وماسمعت ولاشفت غير كذا الا في هذا المقطع

مرة سفلت بواحد من اخويانا عازمنا على عشا ، وعازم شيخ معروف. جيته ومعي 3 من اخوياي ع الساعه 8 ، جلسنا نص ساعه ما صب لنا القهوة يقول خلوا الشيخ يجي عشان نصب القهوة !!! سفلت فيه وقلت له خرا عليك وعلى عزيمتك ومشيت اشوف انها حركة مهينة لما تأخر القهوة عشان اي شخص كائنا من كان

ماهي من عاداتنا ناخر القهوة لين يجتمعون الضيوف خرااااط😂

فضح الرجال يا رئيس القهوچية و يا رئيس القهوچية لحد ما زهق الرجال وقاله أنا بونايف 😅

شكل اول مره يجونه ضيوف وقام ينذخ عليهم

القهوة تصب لكل من جاء وحضر في حينه . لكن تحتري ضيفانك كلهم اللي عزمتهم واذا تموا صبيتها هذا من هو في سلمه

👌

كلامك صحيح 100٪ اتمنى تُكسر هذه العادة ،، ويتم احترام من حضروا في الوقت المناسب ،، وعدم انتظار المتأخرين.. اللذين حتى انهم يحرجون المضيف بعدم وجود كراسي لهم !! الله المستعان

قليل ادب اللي تكلم الله يعفو عنا وعنه

هذا بأي منطقة اللي نعرفه أن القهوة تصب أول بأول كل من حضر يصب له القهوة ولايتم الإنتظار لإكتمال العدد وأول مرة أسمع بهذه العادة الدخيلة

غير صحيح .. القهوه والشاهي نقدمها لو ضيفك طفل مادام دخل المجلس محسوب ضيف عليك

يارجال لو يجينا صلبي اخر الليل قهويناه خل مؤدبينك عندك

الأسلوب مستهجن تجاه الرجال الذين يقدمون الخدمة لك ولضيوفك، ويظهر أن الضيوف محرجون من مضيفهم فالتقليل والتعالي ورفع الصوت أمر تأباه النفوس الأمر يتعلق بإيصال رسالة اجتماعية كان يمكن إيصالها بطريقة أكثر وقاراً واحتراماً لمن حولك على الأقل. وقعت في خطأ أشد من الخطأ الذي تتحدث عنه.

متى ماحضر ضيفك تحييبه وتقويه وانت ساكت كلاً عذره معه . لكن هالشخص اللي يتكلم ماهظمته وأسلوبه فيه استعلاء حتى على ضيوفه وعلى القهوجية .

وش هالمحتوى السخيف !!

يعني قبل ماكان يصب قهوه للضيوف الموجودين وكان ينتظر لين يكمل العدد؟ او حاب يعمل شو ؟ في كل حالاته ماعنده سالفه

عادات دخيله علينا

مالك فضل على ضيفانك لو هم واحد لاتمن على أحد بشيئ الفضل لهم اللي تعنوا لمحلك و جوك وش ماتسوي ما هي كثيرة عليهم ولالك منة وفضل أما تفتح محلك وترحب بكل من لفاك ولا قفله وأسكت. العطاءللنفوس الكريمة سلم و دواء🌧️ ولاالتصنع جهالة كلاً وظروفه ياهلا ومرحبا عدما هلت وأمطرت أرحبوا😉✌🏻🤍

ياناس وين هالعاده هذي !! من عشنا في هالدنيا والضيف اللي يجي نقدم له القدوع والقهوه اول مايجلس ماسمعت ان احد يرفض يقهوي ضيفه ينتظر شخص معين 😂 الكلام اللي يتكلم عنه سمعت عنه في عزايم الحريم الزمن الاخير اما البدو مستحيل ضيفه يجلس مايصب له القهوه ؟!؟!!!

تأليف وبحث عن محتوى وأمر لم نسمع به من قبل وأسلوب ونبرة استفزازية حقيقة لم يعجبني هذا الفيديو.

إذا التجمع لجل القهوه وتعبئة الكرش لا بارك الله فيه من مجلس مجلس فتن وهذا مؤدب وهذاك مايستحي ،المتأخر قديكون لديه ضروف وضاغط على نفسه لجل يقدركم ويحضر . عدم التماس العذر وسوء الضن كفيله بان يترك الشخص مثل هذه المجالس العفنه. تقهو وعبي كرشك وسد حلقك بدون فلسفه

لاعادت على قهوتك ذليتهم ما بقى الا ثطبق نظام البصمة

وش المسخره ذي عذرب بضيوفه الي تاخروا هذا والله العيب ماهو سالفة القهوه الي ماعمرها مرت علي ،، القهوه تساق اول باول

ماندري انت اكرمتهم والا اهنتهم بهالكلام اللي ماله سنع تخبيص

حسبي الله ونعم الوكيل عليه احرج الرجال قهوجي قهوجي.

من جاء وجب حقه وضيافته في وقتها ومن جاء يامرحبا والخير واجد لهم وللمتأخرين لا تشدونها لكن لم يوفق بالأسلوب وطريقة الطرح

ممكن نقول عبارة افضل من رئيس القهوجيه و هي مشرف المباشرين احتراماً و تقديراً له

جميل الاقتراح

مو عاجبه انهم جو بدري ههههههههههههه

وش هالسلم الفاشل اللي يجي الاول والا الاخير نقوم له بالدله ليه طلاب مدرسه اجلًسهم

اللي مثل أسلوبه بالتعامل، ودك تكب حثال القهوه ع راسه…

اذكر الله يا رجال 😅

أستحقار الناس وأذلالهم أيّاً كانت جنسيته يستحق من ينهره ويمنعه وينصحه بعدم التعالي والتكبّر..كلنا أولاد آم وخُلقنا من طين..

وش الكلام السوقي هذا يا رئيس القهوجيه وبعدين كلامك غير صحيح اي رجل يجي قهوته جاهزه إلا إذا كان من الجيران وهو قال خل القهوه حتى يجون الضيوف (( بيكحلها عماها))

ماتقوله يا رئيس القهوجية تناديه بأسمه او اسم ولده احتراما له .