فيديو/ المقدم يوسف الرباح يوضح ما هي الحالة الوحيدة التي يجب فيها على قائد السيارة الضغط على اشارة التحدي الرباعية «الفلشّر»!؟

الانارة الخاصة بالضباب او انعدام الرؤية يغفل عنها الكثير البعض يستخدم اضائة الطوارئ وهذا خطأ اهميه استخدام اناره الضباب الخلفيه والاماميه في الضباب والثلوج والغبار ولها مفاتيح إناره خاصه موجوده في كل السيارات كما هو موضح بالصور وممكن استخدامها في الاماكن المظلمه اذا كنت لوحدك

Only the strong survive. 💪 Who will conquer the challenges and rise to the top? Tune in and find out! Follow for where to watch. #SurvivingMann #UltimateCompetitor #NavySEALs #SpecOps

معليش مع احترامي له كلامه واقعياً مو صحيح ، قانونياً صحيح .. مو كل شيء بالقانون لازم نلتزم فيه ١٠٠٪ يعني بنصير واو، مرات القانون الالتزام فيه يجيب فيك العيد .. اشارة التحديث انا شخصياً اشغلها لما يكون في ضباب ولما الشارع قدامي يوقف فجأة، لان بالضباب مافي رؤية واضحة فاشارة التحدي تنبه ، كذلك اذا احد مسرع وراك والشارع قدامك شفته واقف وانت وقفت فجأة بدون اشارة تحدي احتمال اللي وراك يدش فيك لانك صدمت عيشته بالوقوف الفجائي، مع تحيات قسم الامن والسلامة .

كل مدخل على الخطوط السريعه تصير فيها زحمه ويوقف الشارع بالكامل واغلب الناس مو منتبهين فا لازم تطق فلشر عشان ينتبهون وكذا مره صار حادث والي يدعم يقول للي قدامه ليش مانبهتني بفلشر وجهة نظري تطق فلشر للي وراك عشان يخفف واذا انتبه وخفف تطفي الفلشر

الفلشرللتوقف وايضاً لتنبيه السيارات التي بالخلف من الحذر ان الشارع متوقف.الكويتيون عرفوا كيف يستخدم وقلل من الحوادث أمّا فقط لمّااقف صح لكن لايمنع استخدامه للتنبيه ان الشارع متوقف فجأة هم صح والطرق السريعة اقل شيء تمسك بريك اكثر من 4/5 مرات بسبب التوقف المفاجيء فتشغيله ينقذ

ضحكني لما قال لا لا وهو مصدوم من الاجابات هههههههه الله يعطيه العافيه اتوقع الفلشر يستخدم اكثر من حاله الوقوف التام الضباب في حالة السرعه والاضطرار للوقوف بسرعه

تعارف الناس ان الفلشر للتنبيه سواء ضباب او توقف الحركة حتى ينتبه الذي بعدك ، وكذلك تنبيه الذي بعدك بان هناك كاميرا تصوير ووووووو

شخصيا فادني الفلشر ، قبل اذا في حادث جدامي او فجأه وقف الشارع والي وراي لاصق يترك ، مايستوعب الا اذا طقيت الفلشر عشان يخفف ! غيره يتم لاصق وراي ..

المتعارف عليه اللي يطق فلشر يعني زحمه الشارع جدامه نقوم كلنا نطق فلشر لا اراديا ونفهم ان لازم نخفف وبالنسبة للضباب من تجربة الفلشر اهم شي ينطق لأن يوضح لنا ان في سيارة مالنا شغل بوقفة السياره

كلامه غلط .. فالضباب ماتبان السياره الا مع الفلشر كلون اصفر خاصة فالليل

الثقافة المرورية في الكويت للأسف متدنية واختبارات اجتياز القيادة (التحريرية والميدانية) ليست مقياس على الاطلاق بوجود وعي مروري من عدمه .. وزارات الداخلية والتربية والإعلام بحاجة للعمل سويًا على تشديد اختبارات القيادة (الداخلية) وإضافة مادة الثقافة المرورية في المدارس بنظام النجاح والسقوط (التربية) وتكثيف الحملات الإعلامية على مدار الساعة في الإذاعة والتلفزيون (الإعلام) فاحصائية وزارة الداخلية للحوادث ووفيات الطرق مخيفة وتشير بأن هناك كارثة يستوجب علاجها !!