فيديو/ فرج لهيب يلوم الجماهير: تتذمرون ماكو ماي؟! وانتم عارفين جونا حار؟ مو عاجبك اقعد في بيتك! رايح تشجع ولا تطلع أعذار؟!.

يقول الفاروق عمر بن الخطاب رضي الله عنه: «أظل أهاب الرجل حتى يتكلم، فإن تكلم سقط من عيني، أو رفع نفسه عندي»

يا فاهم عيالي لو يدرون قبل يروحون للملعب ان هناك من سيمنع ادخال الماء للمدرجات، أكيد ما راح يفكرون يروحون ولا راح اسمح انا بذلك . لكن السؤال الان إنت تغازل منو بهالكلام ؟؟؟ عندك أمل بمنصب ؟؟

هذه "سقطة" لفرج لهيب، بدلاً من انتقاد الفشل في التنظيم فهو "يُهاجم" الجماهير الكويتية، لذلك فرج لهيب: ١- (لايصلح) كمحلل. ٢- (ولايصلح) كإداري. ٣- (ولايصلح) كمدرب. والسبب أنه من نوعية الأشخاص الذين يتهربون من المسؤولية بكل صفاقة وبرود!

ليش حنا رايحين جهاد ولا مباراة … !؟ اللي راحوا حبهم حق وطنهم وثقتهم في التنظيم ولا لو على اللاعبين ما يستحقون الحضور .

عطني دولة « بالعالم » انا اكلمك بالعالم وببدي لك بالخليج ماني رايح صوب اوروبا بقولك بالخليج .. عطني دولة خليجية تمنع دخول الماي او الاكل عن المشجعين؟؟ يعني انت قاعد تقولها بعظمة السانك .. جو حار يعني اكيد الناس تبي على الاقل ماي يشربون ترى الي ياين الملعب بشر مو ضبان ولا بعارين

حجي اللي يسولف و مو مجرب الوضع اللي صار يكرمنا بسكوته العالم تعبانه من الرطوبه و الحراره و العدد الكبير اللي سبب لهم كتمه و اغماء ف من حقهم يتذمرون دافعين فلوس مو جايين بحلال احد و من حقهم

حسافه اني صفقت لك بيوم من الايام

الي ماله داعي كلامك !!! بدال ما تنتقد سوء التنظيم تلوم الجمهور !!! عيب

الاتحاد مطلع بيان يعتذر فيه وانهم بيشكلون لجنة تحقيق بسبب الاحداث اللي صارت مع وقف امين عام الاتحاد واحالته للتحقيق وكذلك مدير العلاقات العامه والاعلام ، يعني اهم معترفين انهم قصروا وفشلوا بالتنظيم، وانت جاي تتعذرلهم وتقول للناس اقعدوا لاتحضرون وشكراً ، شر البلية مايُضحك والله

للأسف بتصريحك هذا يا كابتن يجعلنا نضع 100 علامة استفهام ؟ لأجل من تدافع وتخلق الاعذار ؟! نتمنى بأن لا تقوم بتصريحات كهذه التي تطرقت لها لأن الكثير من الجهات المسؤوله عن التنظيم اعربت عن اسفها لِمَ حدث اثناء المباريات من تقصير وانت تقف ضد استياء الجماهير التي ساندت المنتخب .