فيديو مسابقة المشهد للحلقة السادسة من برنامج ⁧#شاعر_الراية⁩ #الموسم_الرابع نستقبل مشاركاتكم حتى الساعة العاشرة مساءً من يوم غد🤩👏🏼 🥇المركز الأول: 20,000 ريال 🏅المراكز من الثاني إلى العاشر: 10,000 ريال

هبّ النسيم العذب والبرّاق بالمنشا يلوح والغيم لقّى وجهه الديرة .. ودنّق بظهره والارض بهتون المزون السمْر تهتزّ وتفوح من صيّب الهتّان كِن الارض صارت مبخرة #شاعر_الراية #الموسم_الرابع

جاك الشتاء و انتي لبستي له من اللهفه بياض انتي كذا في كل حالاتك .. من الله مفخره ويوم المطر بللك حسنك يا اجمل البلدان فاض حتى كأن الغيم : عجة عود .... و انتي مبخرة 🤍🤍 #شاعر_الراية #الموسم_الرابع

يازين صوت المطر من عقب طول الغياب في ظلّ دارٍ عطتنا كل : ماتملكه لاعانقنّ السحايب ناطحات : السحاب كأن "الأنظار" معزومه على المملكه #شاعر_الراية

نفيض السحاب اللي ترازم وجاب اقصاه تزبر .. وعمّ الدار خير ودرج سيله تحت رحمة اللي ياعساني كسبت ارضاه يطوف التقي حدّر المطر ما فتر حيله #شاعر_الراية

بلادي أم العطا و الخير شمنا و شامت بواديها و ان طاح فيها المطر ما غير من كبر حظ المطر فيها #شاعر_الراية

اكبر دليل انّه ما في ربوعها فرق يوم يتغشّاها شعور السكينة حتّى المطر لا عقرب البرق للبرق ودّه يعانقها مدينة مدينة #شاعر_الراية

#شاعر_الراية #الموسم_الرابع حنا عيال المطر حنا اخوان السحاب هي امنا الارض تفرح يوم ان ابونا يجي تخمه لصدرها بين الغلا والعتاب تقول انا ياحضنتك تضيع كل حججي #رضا_حليس

ما بين زخات الثلوج وبين سيل الشعاب عمار يا دارٍ تغشاها السحايب عمار كن السحابة لا تمثنت ناطحات السحاب عمامة الشيخ الوجيه اللي كساه الوقار. #شاعر_الراية

ويهناك الحيا ( يا ديرتي ) و انتي ظلالك ظلّ تباريك الغيوم .. و لا تعدت راس مرقابك بعد فضل الولي محدً يلوم الغيث لا من هلّ يطيح مْن السحاب و يرتفع لا عانق تْرابك #شاعر_الراية #الموسم_الرابع

واهنيك يا سحابه يوم جيتي في بلادي واهنيك لا بكيتي فوق مكه والمدينه أمطرت دار الملوك و أمطرت دار المبادي جعلها في حفظ خالقها على عز وسكينه فالنا و فالكم التوفيق #شاعر_الراية

تحققت احلامكم يااهل الارصاد و تباشرت بالخير نجد العذيّه مناظراً فزّت لها قلوب الاشهاد سُحبً و ديم وسيل عقب برديّه مداهيل #شاعر_الراية #الموسم_الرابع

ليا ترادم بالسما نشو / الامزان كنّ السماء زفّت على الارض بشرى . شكل الثرى الممطور والجو لازان لوحـه بديعه لاتباع .. ولاتشرى #شاعر_الراية

زمليها يا غّر السحايب في بياضك وانعشي خباري دولتنا الفيصليه والله انّ العطر ينبع من فياضك تبقين يارض ••• السعودية عذيه #شاعر_الراية #الموسم_الرابع

أرض الرياض اللي يعانق صدرها البرد لبست من غيوم السما حلّه جديده كنّ المطر لا انهال مزنه فالفلا الجرد مثل الشِعر لا انهال في مطلع قصيده #شاعر_الراية #الموسم_الرابع

برد ومطر وسيول وثلوج وغيوم خمسة بشائر : شرفوا دار سلمان الكل منهم قال : انا ضيف معزوم في : مملكة وحي وثقافات وآمان!! #شاعر_الرايه_الموسم_الرابع ابواحمد✍️.. #صويلح_بن_مرجي

السحاب تصافح الأبراج بيض كفوفه والأراضي سيلها لاسال عطره كادي فيه كميّة جمال نحسّ به ونشوفه للمطر قصه ، وترويها ربوع بلادي #شاعر_الراية

مدّنا الله بالنعم واسقى الوطن بالوابل وكل وادي بالوطن يضحك وبلل ريقه مابقى غصن فربوعك يابلادي ذابل ومابقى تبرير للي يشعرون بضيقه #شاعر_الراية

خصّت الارض ب نِداها مرازيم الغمام واستجاب الله و "رد النداء" كان ( الندى ) وعن ربوع المملكه زال وانزاح العسام واسفهلّت .. مثل وجه السعودي لا بدى

#شاعر_الراية⁩ #الموسم_الرابع تجي مثل الرضى عقب الزعل كلك عطا وحسان تقول انك تغسل قلوبنا قدام اراضينا تلقاك الوطن لين هتفت لك بالفرح وديان نبت عشب الغلا فوق الثرى لين اخضرت فينا

#شاعر_الراية @F_BinHithleen @Alrayapoet ويامحلا وان جامن القفر خيال وصبح شديد البدو عجل رحيلة وان صيح الصايح مع روس القذال والمال من كثرة تزايد جفيلة ركبو على الزلبات كل خيال من ضيع المفتاح يعزتيلة اضحك تراها مدابير عوج اليال وخلك جبل ماهزتة كل ميلة

ماهي غريبة فزعتك ياكحيلان انا اشهد انك محزمٍ للقبيله لك وقفةٍ يرجح بها كل ميزان من طيب راسك ترتكي للثقيله ابيض وجه ونفتخر بك يابن حثلين فهد فرق بالطيب عن كل جيله ربعك هل الحرشاء وللفعل برهان وان قلت ابن حثلين مافيك حيله #شاعر_الراية @F_BinHithleen @Alrayapoet

هلّت مزون السحايب واسفهلت و سالت الوديان بعد صوتن وزيز فـ بلادنا اللي عمرها ما ضمحلت [ شامخه شموخ الملك عبدالعزيز ] #شاعر_الراية

عليها تنزل الرحمه ومنها تصعد الدعوات اغثنا يا مغيث... وغاثك الرحمن ي بلادي من القبله هما الهتان وبله و ابرده.. زخات سقى صحن الطواف و موج طوفانه سقى الوادي #هلال__الديحاني #شاعر_الراية #الموسم_الرابع

يا وطنّا نعشق ارضك ، و نحماه انشد اللي ما يحبّك : وش يحب ؟ جلّ من نزّل على ارضك من سماه وحي ، و ايات ، و هماليل ، و سْحب #شاعر_الراية

غيثٍ سحابه غدا لها بارق وحنّه على بلادي ثم اسقى كل أراضيها بلادنا راضـي رب البشـر عنّه مادام قبر النبي وارض الحرم فيها #شاعر_الراية

مرّ السحاب بلاد وبلاد وبلاد لكن مثل ما مرّك أبدًا ولا شفت كِنّه سنا فجرٍ يبشّر بميلاد وأضفى على أرواحنا فرحته بشت

المطر "عانقك" والغيمة ' تضم البرج جعل قاعك يا وطن على المطر .. يضرا وجهك ' ابيض ' قبل يجتاحه ' بياض ' الثلج وقبل لا ( تخْضر ) ربوعك رايتك ( خضرا ) #شاعر_الراية

الغيم احرام ، لف ابراجك وناسك والديم دعوة مصلي خلص العمره والثلج راية بياضه .. تّرفع لراسك من ساحلينك الى العارض الى الحره #شاعر_الراية

من زمهرير الشمال لين جنوب الدّار لفّ الغيم السما وهلّ المـطر بوفـار جا سيل الخير يسقي ثرى أرضٍ دثـار وعـمّـت خـيـراتـهـا كسيـل الأنـهــار #شاعر_الراية

مزنٍ تكاشف برقه وعم البلاد دنق على الكعبه يغسل استارها ذي رحمةٍ من رافع السبع الشداد لا ناشت ارضٍ زودت مقدارها #شاعر_الراية

سارعي للمجد ياغر السحايب وامطري واسقي ثرا مكه وطيبه رحمةً من ربنا جزل الوهايب المطر فالارض قام يفوح طِيبه #شاعر_الراية #الموسم_الرابع @Alrayapoet

صوت المطر وريحه ينعش الروح وشلون عاد لا صار برقٍ وسحابه مثل مشهد باقي بذاكره ما يروح وقت الشتاء وجوّه مشاعر جذّابه #نجمه #شاعر_الراية

للمطر والمزون الرايحات الرفايا سلوةٍ تنذكر من ربع واصحاب وإخوه وميزة بلادي العظمى تضم المزايا لاسقاها المطر تنبت تلاحم ونخوه #شاعر_الراية

يافتنة الارض يزهى قاعك الي كساه في كل بقعه (حياه) وكل نسمه (عطر) وانتي بلا غيم زينك يجذب الانتباه وش عاد وانتي عليك من السحايب مطر #شاعر_الراية

' على هيئة مطر عمّت علينا رحمة المعبود وناض البرق في عرض المخيلة كنّه رساله يجود المزن ويسابق هبوبه في ديار الجود غمامه يبرِي الغم ؛ و علاج الهم همّاله .. #شاعر_الراية #الموسم_الرابع