فيديو / والدة اللاعب العراقي أيمن حسين للزميل فهد مياح STS: الكويت على راسنا.. ماننسى مواقفها.

اسمعوا هذه العجوز المبروكه ام اللاعب العراقي ايمن اللي نورت الكويت بزيارتها وكلماتها الصادقه النابعه من قلب صادق رقيق، هي نموذج للسيدات الفاضلات من اهل العراق واطلبوهم ان يكثروا من هالجيات وروحوا وزوروهم واخذوا صوايغكم معاكم فانا سويتها يوماً وعبرت شط التنومه ورحت لبوالخصيب والصالحيه ورجعت المعقل والبصره والعشار والناصريه والعماره والحله ، وريتني واصل كل بقعه في العراق العزيز ،كما كنا زمان رايحين جايين بالشهر مرتين ثلاث ويا اهالينا 🙏 الله يجمعنا واهلنا العراقيين ويلم شملنا ولايفرقنا 🤲 ولكم نقول يااهل العراق: احبكم واحب الورد جوري عمنه بلون خدكم ❤️🥀

عسى الله يشافي ولدج وتفرحين فيه يالطيبة ويرزقج برها يا أخوان مشكلتنا مو لاعب ولا مباراة ولا شعب بالكامل .. مشكلتنا مع اللي يحاولون يستصغرون الكويت لابارك الله فيهم

من زود اخلاقها ما تبي تقول نفوز عليكم ، الله يحفظج ويقوم ايمن بالسلامه الحمدلله على تحسن حالته

الله يشافيه ويعافيه اللاعب أيمن حسين من افضل مهاجمين العرب و يحفظه لـ امه. يا حليلها 😂 تقول ماقدر اقول الفوز إلنا ما نقول نغلبكم الي كاتبه ربي يصير و إن شاء الله زملائه ما يخسرون الله يحفظها و يحفظ امهاتنا و يرحم موتانا وموتى المسلمين

الله يشافي ولدها .. اتمنى عدم الاساء لكبيرة السن على فطرتها 🌹 اما السلق الي يغلطون أخذوهم رايح جاي

لعل اصابة اللاعب ايمن حسين وكل الاحداث اللي صارت بنقله لبلد الخير الكويت هي رساله من الله سبحانه وتعالي لتهدئة النفوس اللي كانت مشحونه بسبب مباراة ورسالة الام العزيزه ألجمت كل شخص حاول يزرع الفتن بين الشعبين العلاقة بين الشعوب المتجاوره ماتحددها مباراة

الله يقومه بالسلامة وترجون ديرتكم سالمين

سبحان الله ، كل ما فعله بعض المغردين بالايام الماضية من زرع الفتن بين الشعب الكويتي والعراقي ذهب ادراج الرياح ، يمكرون ويمكر الله والله خير الماكرين . ام أيمن جمعت قلوب الطيبين من الشعبين العراقي والكويتي .

حياج الله حجيه كلامج هوايه زين وكلش حلو بس لو خاتمتها بهوسه على مود الكويت 😂🤣

الله يشافي ولدج وتردين ديرتج حجيه