فيلا 5 متر - ‘تاون هاوس Townhouse’ اول رخصة من نوعها في الرياض

شفتها قبل 4سنوات في حي لبن مشروع تجاري وبيع منها 2فقط باقي 8الى الان غير مرغوب فيها مقرف التصميم مستوحى من بيوت في لندن يعيشون فيها الأنانيين مايقول اقلط ونفسي نفسي اعيش وحدي فقط بلا زوجه بلا صديق

ثقافه سيئه لا تسمحوا بانتشارها هذا استهبال

غرفة ٣ ادوار التاثير النفسي كل ماضاق المكان. وقل مد البصر لبعيد ضاقت النفس واصبح لها تاثير ع بعيد للنفسيه تضييق نفوس البشر ويرتفع التوتر ويكبت الاطفال عن ممارسة اللعب لضيق المكان جاء بالحديث( أربع من السعادة منها المسكن الواسع وأربع من الشقاء : منها المنزل الضيق

احفروا في الارض مثل الضبان وقولوا مشروع وفكرة جديدة يعني الرياض اكثر ما كثر الله فيها المساحات وهالمطورين يبي يقنعك بجحر قيمته قيمة فيلا ويقول تطوير والله عيب واستغلال لحاجة الناس مثل هالمشاريع

يحضرني بيت من الشعر للشاعر الكويتي #حامد_زيد أرى فيه رد مناسب على ما رأيت في هذا المشروع !! يقول البيت .. (( السعه لا بارك الله بالضيق .. السعه )) وسلامتكم مهندسنا

والله أن الناس ترجع تسكن بالبر أهون من هالقبر هذا مجرد التفكير في حجم الاثاث وهذا إذا قدرت تدخلها داخل هالخمسة متر وحجم المساحة اللي راح ياخذها الاثاث لن يتبقى لك متر تمشي فيه هذا عطفاً أن هذا السكن لا يمثل جودة الحياة بل ضيق الحياة مثل هذة المباني تناسب الآسيويين مثل اليابان

اشبه بكونتينر …!

فكرة جيدة وخيار اقل من الدبلوكس وفيها خصوصية ممتازه خاصة لنا كـ سعوديين وتناسب الاراضي القصيرة على الشارع... لكن العرض قصير جداً ، المفترض اقل شي 7 امتار ، نحتاج تطوير الفكره أكثر "

الله يهديك يا دكتور هذا معيب لنا فعلا للأسف ما يصير يا أخوان محنا في حاجة لسنا فئران لا يعميكم الطمع

لهاالدرجه وصل الطمع كيف يتنفس بيت العمر عقول دمرها الجشع والضحك على الناس خافو الله في الناس والله العظيم حرام اللي قاعد يصير احترمو عقول الناس ترا الناس فاهمه ايش هاالمهزله أين وزارة الإسكان عنهم واين كود البناء المطبق أيش الحشره هذاي الله لايحشرنا في ظيق الدنيا والآخره