فيه نوعيات منتشره اخر فتره وطايحه بحركه استهطافيه للمطاعم يطلب المشروب بكوب والثلج بكوب ويحسب المشروب بيجيه كامل!

@Si2ir_ حركة استهطافية اجل؟!؟! الزبون بخشم الريال جايلك…ماجاء عندك يطلب صدقة ويشحذك… يكون هطف وحركاته استهطافية ان طلب منك مشروب مجاني او صدقة… زي ماتاخذ قيمة المشروب كامل ولاتنقص من حسابه هللة واحدة.. ايضا من حقه ياخذ حقه كامل ووافي بدرن غش وخداع وكذب👍

@Si2ir_ وين المشكلة؟ في امريكا حق من حقوقك تشرب في الكوفي او المطاعم لين تشبع تدفع مرة وحدة لمشروبك وتعبيه على كيفك كل مايخلص

@Si2ir_ الله يدنيا متى نعرف ذا الامور من عرفنا انفسنا ببسي وسلاش وشاهي وقهوه بالبيت تطورنا شوي طحنا بالملكشيك هرفي والي كشخه مره موكا الحين الوضع صار ماسخ يجيك بزر بمخاطته عمره ١٣ قبل المدرسه يقول ابي في سكستي سلامات

@Si2ir_ اذا ماتفهم في v60 لاتطلبها هذي وزنية معادلة لو زاد لك صارت ماسخة ماعاد هي مختصة افضل اذا ماتعرف في القهوة وتبيه يعبيها اطلب بلاك كوفي الابريق الي يصب لك لين تقول بس 😆

@Si2ir_ ياخي شوف : فيv60 بارد يتطلب ريشيو الي هو بإختصار كم نسبة الثلج مع الموية الحارة بالنسبة لكوب v60 موزون يحتاج يستعمل ريشيو 1:15 هذا الريشيو يتطلب يطحن 20g بن ويقطرها ب 150 ml ماي حار وفي النهاية يضيف 150 g ثلج بتقولي كيف جبنا 150 ml ماي حار و150 ml ثلج هذا بإختصار سبب الريشو 20 g

@Si2ir_ الموظف الي يسوي كذا يحسب انه ذكي لاكن في نظر المؤسسة عبئ وينفر الزبائن وعندهم لو زاد ٣٠٪ بن واعطاه حتى وهو عارف ايش بيسوي الزبون يكون افضل من طريقة التذاكي وخسارة الزبون !

@Si2ir_ البارد يجيك اغلى مع ان كمية القهوة اقل والثلج رخيص مايسوى يزيدون السعر عشانه الصدق استغلال واتمنى انه يمنع

@Si2ir_ ياخي محد فاهم شيء ويتفلسف القهوة لها وزنية للحار والبارد لو لعب في وزنية البارد وزود لك الموية في القهوة ومع الثلج بتصير خفيفة بزيادة كأنها قهوة يوم

@Si2ir_ طيب ياخي عطه ترا مابتحط بن زيادة مل الي بتسويه تغير الصبات وتزيد كمية المويه منت خسران شي وبتكسب زبون وهو بيطلع مبسوط

@Si2ir_ ياخي بعض احيان شاريه بس المسافه للبيت 30دقيقه اخلي الثلج برا عشان مايخرب القهوه ولاهمني جت كثيره ولا قليل

@Si2ir_ هطف والله ومعطينا ضحكة اللي ههههه ما مشت علي ترا كل واحد له طريقته بلا استهبال

@Si2ir_ حركات 'التوفير الإجباري' هذه أصبحت منتشرة بشكل محرج! هل تعتقدون أن هذا حق مشروع للزبون بما أنه دفع القيمة، أم أنه سلوك يفتقد للرقي والاتيكيت الاجتماعي؟ شاركونا أغرب حركات الاستهطاف اللي شفتوها بالمطاعم..!

@Si2ir_ @omar_1_135 لو سواه له على طلبه بتطلع مويه

أنا مستغرب من اللي يجي يداوم وهو ماله نفس انا مالوم الزبون مهما كان منه خطاء لانه بالأول والأخير أنا ابي أستفيد من الزبون هذا لذلك لازم ارضيه واخليه يرجع مره ثانيه بعدين لو زوّدته قهوه يرجال خله يشرب ويستانس وبيجيك مره ثانيه نقص منه شوي ومره ثانيه زيده ومره ثالثه نقص والحياه تستمر اهم شي ماتخلي الزبون يعصب وحتى إذا الزبون زعل لما تنقص قوله واشرح له او جيب أكواب على قد الكميه ماتجيب كوب حجمه نص لتر وتسوي فيه خمس قطرات قهوه

@Si2ir_ يارب يجي توجه من البلديه تقليل الكوفيهات وخلاص مبزره مافيه ومافيه لاينات واقتصار المشروبات على كبتشينو واسبريسو والقهوه السوداء الحاره اللي يسمونها القهوه الامريكيه فقط لان اصحاب المشروبات هذي من وجهة نظري هم من اوائل اللي عارفين الكوفيهات ومو من اصحاب الهبات

@Si2ir_ طيب تزيد كمية السائل اذا صبت على الثلج بالتقطير مو كذا مفاجئه

@Si2ir_ الله يعينه ألحين يفصلونه

@Si2ir_ كوفينا لورين في وادي دواسر هههههههه

@Si2ir_ شوف من حقه يطلب زيادة كمية القهوة لانها مو كاملة لكن مو من حقه يصور

@Si2ir_ إذا دفع حق v60 الحار وحق الثلج مالك شغل الزبون جايك بفلوسه

@Si2ir_ ياخي الزبون اهم من انك تقعد تكلمه كذا وتمشي الصح انك ماتخليه يمشي زعلان

@Si2ir_ وش هاذا التصرف

@Si2ir_ سويتها زمان طلبت من الدرايف ثرو قهوة اليوم بارده بدون ثلج استغرب وانا صامل لما اخذته ومشيت انصدمت انها حاره

@Si2ir_ فيه نسبة غباء انت احسبها لو طلبت حار بيعطيك مثلاً ٣٠٠ مل كلها مويه اما لو تطلب بارد بيعطيك ١٥٠ ثلج و ١٥٠ مويه والمجموع بيطلع ٣٠٠ ما فرقت عن الحار الحل اطلب حار لو انه ارخص عليك وخذ ثلج من البيت وانتهينا اما تجي تسوي حالك ذكي وتطلب حار عشان تجيك كميه اكبر ما تصير ابد

@Si2ir_ يعنني اذكياء

@Si2ir_ لو كانت بنت صدقوني الاسلوب يختلف 😂😂

@Si2ir_ والثاني الي يستذكي ويقول المشروب كله ثلج والحقيقة كم الاسبريسو نفسها ما تتغير وهي الاساس مثل السبنش وغيره

@Si2ir_ يعني الحركه ذي وشو يستفيدو منها

@Si2ir_ الله يحرق هل وراعين مسوين خرمة v60

@Si2ir_ وش يعني هالحركة اشترها جميع وخلاص

@Si2ir_ تصرف غبي فعلا

@Si2ir_ طيب دفعني ريال او ريالين زياده حق كوب الثلج مع كوب القهوه الحار وخلصنا لازم الموظفين يكون عندهم مرونه مع الزباين

@Si2ir_ طيب اكيد بكوب ويجي نص

@Si2ir_ كيف كذا؟