قبلان السويدي : من سلوم قبيلة شمر ، عيب حضور زواج بنتك او اختك ⁉️

عاده واندثرت واللي يتعايب حضور زواج اخته مافيه خير وغالبا متزوجه من جماعتك ماهم من اجناب وعليك حق الحضور وراسك مرفوع مافيه شيء يعيبك ومحد كاسر عينك زواج على سنة الله ورسوله

اي سلوم هذا جهل الحمد لله اختي راحت لشي محلل ربي وتزوجت سالفه ما احظر زواج اختي علشانه عيب العيب انه اخلي اختي بيوم فرحه بروحه ما عندها من تفرح معه !! قسم بالله اني افرح لزواج اختي اكثر من اخوي لان بزواج اختي اهل العروس هم اللي يتكفلون بالقصر والشغل والحجز ( وناسه)

الرجل اصلا خرج من بطن امراة وهذا عزه وشرف حضورك لزواج اختك والا بنتك علئ سنة الله ورسوله 🙏🙏

نفرح لزواج بنتنا وندفع لها الغالي والنفيس ونجهزها باحسن صوره لليلة زفافها ونوصلها لصالة الافراح ونخرج ولانذهب لصالة المعرس هنا انتهي دورنا وسلمناه زوجته اما حضور مع اهل المعرس ماله داعي ونعتبره عيب عندنا انا اتكلم بأسم قبايل نجد .

بعض السلوم تفشل وفيه كمية غباء خاصة اللي متمسك فيها للان الا ابفتخر بزواج اختي وبنتي وابحضر واكون اول المستقبلين دام ع سنة الله ورسولة وقدوتي الرسول عليه افضل الصلاة والسلام

والله صدقت أذكر كان عندنا في قبيلة الدواسر عيب يعزم على زواج بنته او أخته ومازال الكثير مايعزمون على زواج البنت او الأخت إلى الآن الا بعض الحداثيين الي يحبون يعارضون السلوم دون النظر إلى مضمونها وأرى إنه من الجهل وقلة الراي.

الهوس بالتقاليد ينبع من الخوف من المجهول، فالتقاليد هي وصفة الآباء لمعرفة الذات والتعامل مع الآخرين وفق تجربة صراعهم مع القيم في إطار ظروفهم المعيشية، التقاليد تُعفيك من عناء اكتشاف الذات لأنها وصفة جاهزة للحياة دون تفكير،

عادات جاهلية تحتقر المرأة ولا أصل لها في الإسلام خير البشر صلى الله عليه وسلم زف فاطمة رضي الله عنها إلى ابن عمه علي بن أبي طالب و لا زال البعض يتمسك بعادات وسلوم قبيلته و أهله

كل القبائل أيام الجهل وقِلّة الدّين عندها سلبيات اجتماعية والآن مع العلم تلاشت بحمد الله! بينما هناك دول لا تزال تمارس بعض مظاهر الجهل وغير المعقول مثل الذي يرفع الغطاء عن وجه زوجته في حفل الزواج ويصفقها بكفّ أمام الناس! وفي دولة أخرى إذا أُعجب الفتى بامرأة وأراد الزّواج بها يراقبها ثم يخطفها من الشارع ويهرب بها !