قد سألتو أنفسكم ليش بعض العوائل يكونون كلهم بمناصب عالية من العلم والمعرفة بينما عائلة أخرى تشتكي الامراض النفسيه والاكتئاب بينما أخرى تحب الحياة العادية تاكل وتشرب وتنام فقط🚶🏼‍♀️ تدرون ان العادات اللي نسويها يومياً تصبح متوارثة🫢الأمر مخيف صح ؟ جعلنا مانورث الا الخير والإيمان💜

سبحان الله يعني اذا عشنا روتين سيء رح نظلم اولادنا واحفادنا

صحيح لان المشاعر والانطباع متوارثه

@AlsharhanSh التشكيلات العصبية في الدماغ البشري تورث مثل الطول و معالم الوجه. لذلك التغريب في الزواج يخفف"الدلاخه" الوراثية بدلاً من تدويرها عبر الاجيال بزواج الاقارب.

(أبناؤك مرآة مصغرة وانعكاس لك) إذا رغبت في تغير أطفالك للأفضل، تغير/ي أنت أولًا (الأب/الأم)..

صحيح لذلك مهم اللي بيتزوجون مايكتفون بالسؤال عن الفتاة او الرجل ، لابد من السؤال عن العائله علشان تعرف افكار شريك/ـة حياتك ( ٩٠٪ راح يكون مثل الاهل ) لانها بتصير حياة متعبه إذا طرف يبي ياكل ويشرب وينام وطرف طموحه عالي جداً ..

اي والله حصوص فعلاً ، دائم بيني وبين نفسي اتسأل هذا السؤال ليه هذي الاسرة اصبحو كذا ، ليه هذولا الاخوان نفس النمط ، العادات والقدوة والنمط الاسري ، هم كذا البشر من يربطنا فيهم دم او صداقة يا يسحبونك لتحت او يدعمونك لفوق ، بس علينا نصنع محيطنا بالشي الي نطمح له .

مو صحيح .لان الامراض اقدار من عند الله ،وممكن اشخاص يطلعون سليمين مافيهم شي وفجاه تطلع لهم حوادث وبالنسبه لللعلم والمعرفه اجتهادات شخصيه ممكن اب جاهل وتلقى عيالهم متعلمين

حقيقي والله واللي اشوفه مشاعر مكتسبه من الاجداد للاباء للابناء لابناء الابناء ويارب نورث الطاعه والعباده وصفاء الخاطر والمحبه وعدم الحقد والضغينه والتشاحن ويجعل الصالحين ذوالنوايا الحسنه بطريقنا وطريق عيالنا يارب

طبيعي لان فيه صفات مكتسبة يكتسبها الشخص من بيئته فمهم جداً اننا نحضر بيئة جيدة لأنفسنا ولهم احيان يكون الشريك سواءً الرجل او المرأة تعيس ولايعزز للطرف الآخر انه يطلع كل ماعنده ويحبطه وهو مايدري انه يدمر اسرة كاملة فالصح انك ماتتأثر بشريكك اذا كان سيء وتحاول تنجح فهالجانب

عائلة كلهم مناصب = واسطة . اصحوا وبلى خربطة في وعي زائف .