قروبات مخالفة النظام بالسعودية

مخالفين وشغلهم سيء مشاريع كثيرة ارممها وهي للحين جديدة بسبب سوء عملهم بلاط ولياسة وجبس ودهانات للاسف الشباب السعودي في هذا المجال قليل جداً حتى المبادرة اللي تشاركنا فيها ياابو وليد حضر مجموعة قليل واتمنى اقبال اكثر عليها من الشباب للسيطرة على سوق المقاولات

دخلت معهم في اعمال للاسف ماسكين الشغل وحتى الشركات الكبيره السعودي يتاخرون عليه بالمستحقات ويعطون الباقين. الاجانب في هذه المشاويع هم المتنفذين

معروفه هاذي الجنسية ووالله معتبرينك عدوهم الاول والأخير وصار بيني وبين بعضهم مناقشات ووصلت الى مستوى عالي ليش لأنهم يغشون والسوق لهم في ظنهم ومايبغون احد ينافسهم وللأسف موادهم رديئة وسعرها غالي ويسيؤون لشغل الديكور واهله ولكن وش نقول فيهم باقي لك ورق الجدران وتحرقهم حرق .

ونا من الناس اللي ودي والله افتح ديكور ومطابخ ونأدبهم هم وغيرهم ونيسر على الناس بأسعار معقوله على الجميع اجل تركيب رولة وىدرق الجدران الكوري ب300 ريال سلامات ليش هبل الروله الصيني ب23ريال ويركبها ب267ريال وللأسف فيه ناس تقبل

وش رايك في الابواب القابله للطي ي ابو ووليد

ماافهم فيها والله

نعم فيه شغل كثير وفيه تحكم من الاجانب والمواطن مجرد وسيط ولكن هم الي يقررون الاسعار وكل شئ

حسبي الله ونعم الوكيل فيهم وفي كل متسبب في تعطيل الشباب أصحاب المؤهلات والشهادات المهنية عن العمل والوظائف كلها مكدسة بالأجانب قبل يومين حضرت مقابلة وظيفية وطلبت مني المديرة (أجنبية) ارسل لها مستندات علمية كاملة على البريد الإلكتروني واذا عجبها تحدد موعد مقابلة ثانية!!!!! 🤔

مع الأسف الشديد اخ فيصل العيب يرجع في الجهة الحكومية الي تسلم المشروع لشركة ما عندها عمالة كافية بس معتمده عندهم . وهنا يبداء دور مهندس المشروع الأجنبي باالستفاده ويقوم يجمع المخالفين في السوق وفيه ادلة كثير علي ما أقوله

اكبر داعم للمخالفين المتسترين عليهم .. وأصحاب الاعمال السعوديين .. هم اللي خلاهم يتمكنون ويدخلون للسوق .. كم من اعمال كنا نبي نمسكها السعودي يجيب عماله من الشارع يقول عشان ارخص ..