قصة حقيقية🚨 ترويها إمرأة سعودية أنها حلمت حلم ورؤيا في بنت عمها وزوجة أخوها بالله أسمعوا القصة ورد الشيخ عليها ❗️

يهبون المصاروة حتي الميت يتم تشليحه طبعاً هذا عامل المشرحة والسعودي جزاه الله خير خذا غترته وسترها سبحان الله فرق اللصوص وأصحاب المروءة والشهامة

حتى الأموات يشتكون من اذية المصاريه الله يسلط عليهم

المتصلة: الله يسعدك ويطوّل عمرك ويبارك في عمرك وشبابك. يعطيك لين يرضيك لا أنت ولا من يتابعك ومشرفينك وكل المسلمين أجمعين، قولوا آمين. الله يسعدك يا أبوي، أنا حلمت ببنت عمي ومرت أخوي هي. والواقع صايرٍ لها حادث ومتوفية في الحادث. شفتها في النوم، جتني في النوم، وقامت تقصّ عليّ طريقة وفاتها. تقول: شفتي يا الجوهرة يوم صار لي الحادث -هي مع أخوها صار لها الحادث الله يغفر لها ويرحمها، عندها ثلاث بنات وولد، والولد توهم داخلينه أولى ابتدائي توهم مسجلينه فهد- قالت: يوم صار لي الحادث وطلعوني من السيارة في الشارع، انتثر شعري في الشارع. فالله يجزاه خير واحدٍ من اللي جو، خذ غترته وغطاني وغطى شعري في الشارع، الله يستر عورته، غطاني وستر عورتي -تقول هي-. بعدين جا الإسعاف وشالني، ودخلوني في الدرج الثاني في الثلاجة، واللي دخلني المصري أحمد. وتراه -قولي لعبد العزيز- أخذ خاتمي اللي في يدي، وأخذ ساعتي. ويوم جو يغسلوني يا الجوهرة، قام عبد العزيز -اللي هو زوجها- سلّم علي في جبهتي، وحط يده في يدي. أنا -تقول- حاولت أضغط عليه، حاولت حاولت لين عجزت! أبضغط على يده أوصيه على فهد -اللي هو ولدها الصغير- أبوصيه عليه ينتبه له، لكن ما قدرت! بعدين صلوا علي، ويوم أقبلوا بي على المقبرة، دلّا قلبي يرجف يرجف يرجف، إلين نزلوني في القبر وارجحنّيت. وانتهى الحلم. المعبّر (أبو معاذ): لا إله إلا الله! يا أختي، هذه حق، الرؤيا هذه الميت ما يقول إلا الحق؛ لأنه في دار الحق. لكن حسبي الله على المصري اللي أخذ ذهبها. المتصلة: راح عاد أخوي وأخذه منه، راحوا وسووا تحقيق في المستشفى وأخذوه. شغّلوا الكاميرات ولقوا الصدق، ماخذٍ خاتمها وماخذٍ ساعتها. المعبّر (أبو معاذ): سبحان الله! هذا بعد الرؤيا ولاّ؟ المتصلة: إي بعد الرؤيا، بعد ما قلت لأخوي. المعبّر (أبو معاذ): لا إله إلا الله! المتصلة: راح وأخذ الخاتم وأخذ الساعة، لقاه صح، كلامها صح. المعبّر (أبو معاذ): صحيح، الميت ما يقول إلا الحق؛ لأنه في دار الحق ما يكذب. فكل الكلام اللي قالته هذه سبحان الله صح كلامها كله سبحان الله! شفتِ كيف حق المسلم يرجع من الحرامي حتى وهو ميت؟ الله خيرٌ حافظاً، لا إله إلا الله. المتصلة: ودعت للي سترها، إن الله يستر عورته. المعبّر (أبو معاذ): نعم، هذا يستجاب دعاؤها له، نعم سبحان الله. المتصلة: لا إله إلا الله محمد رسول الله، ويا وليدي ودي أقول لك حلم ثانٍ... المعبّر (أبو معاذ): لحظة لحظة؛ فيه ناس يقولون ما سمعنا ما سمعنا، أبغاكِ تعيدين الرؤيا هذه حتى للعبرة، الناس يستمعون هذه. المتصلة (إعادة الرؤيا): جتني مرت أخوي متوفية في حادث، وعندها ثلاث بنات وولد توهم دخلته أولى ابتدائي: فهد. جتني في النوم وقامت تقصّ علي قصة وفاتها. تقول: يوم صار الحادث، وضربت حافة السيارة رقبتي، فنزلوني من السيارة في الشارع. وجا واحدٍ الله يستر عورته وسترني، غطاني بغترته. بعدين ركبوني سيارة الإسعاف، ودّوني للمستشفى -وسمّت لي المستشفى- وحطوني في الثلاجة في الدرج رقم اثنين. لكن اللي دخلني المصري أحمد، وأخذ ساعتي من يدي، وأخذ الخاتم حقي، قولي لعبد العزيز. بعدين يوم جو يغسلوني، دخل علي عبد العزيز -اللي هو زوجها-، تقول: سلّم علي في جبهتي، وحط يده في يدي. تقول: حاولت أضغط عليه... حاولت أضغط عليه، حاولت بكل جهدي، لكن ما قدرت أضغط على يده! بعدين راحوا بي للمسجد وصلوا علي، يوم أقبلوا بي، شالوني للمقبرة، دلّا قلبي يرجف يرجف يرجف، فيني خوف، يرجف يرجف، إلين نزلوني في القبر وارجحنّيت. فراح أخوي يوم إنه خلّص العزاء، وقلت لأخوي، راح أخوي للمستشفى، وقال لهم وشغّلوا الكاميرا اللي عند الثلاجة، لقوا صح كلامها؛ ماخذٍ خاتمها الذهب -أو إنها شبكتها أو مدري وش هي- وأخذ الساعة، وأخذوها من المصري. المعبّر (أبو معاذ): سبحان الله! الميت ما يقول إلا الحق لأنه في دار الحق. لكن سبحان الله، لما زوجها سلّم عليها وصافحها، سبحان الله الميت يشعر وقت قبل الدفن باللي عنده. يشعر باللي حوله ويسمعهم لكن ما يستجيب. والميت إذا وقفت عنده ترى يسمعك، ويدري باللي يبكون، ويشوف كل شيء ويحس بهم، لكن ما يقدر إنه... سبحان الله، الرؤيا هذه غريبة عجيبة الصراحة، لكنها حق سبحان الله! شوف، الرؤيا هذه كشفت إن المصري سرق ذهبها وساعتها، ورجعوا إلى الكاميرات وحققوا معه، ورجّع اللي هو خذاه من الميت، سبحانك ربي!

والله المصاريه وغيرهم من العماله المفروض مايكونون مسئولين عن ثلاجة الموتى الخاصة بالنساء وظفوا سعودين ويكفينا مانسمع من بلاوي المصاريه والعماله

ياالله ترحم أمواتنا وترحمنا إذا صرنا الي ما صاروا إليه

اهب يالفسيخي الله لايبارك فيه حتى الميت ماسلم من سرقته

سبحان الله..يرجع الحق لو كان ميت. الله يرحمنا ويرزقنا بحلاله عن حرامه

الله يلعنك يااحمد المصري تسرق الجثه يامعفن

سبحان الله العظيم . الله يغفرلها ويرحمها ويسكنها فسيح جناته ووالديني وجميع موتى المسلمين .

الله يرحمها ويغفر لها سبحان الله الكلاب المصاريه خطر توظيفهم بهذه الأماكن اعتبروا من جرائمهم ببلدهم فكيف عند غيرهم

الله يرحمها ويغفر لها ويرحمنا اذا صرنا الى ماصاروا اليه

الله يرحمها ويستر عورة الي غطاها وسبحان الله ان شاء الله انها في خير

الله يغفر لها ويرحمها

الله يغفر لها ويرحمها ويغمد روحها الجنه

ليه بس ي احمد تعمل كده ربنا يهديك ؟

الله يرحمها ويغفرلها ويسكنها فسيح جناته

سبحان الله وبحمده ، سبحان الله العظيم

دعوه الى حكومتنا الغاليه أمنا بالله [الثلاجه ماتحتاج موهلات ولا خبره] مانريد مصاريه بثلاجه الموتى لا حكومي ولااهلى حتى الميت سرقوه الميت الميت ماسلم منهم سرقوه وهذا اقل الظرر والله انهم لايامنون على اعراض المسلمين.ماسلم منهم الميت ولا الحى ارجوكم ابعدوهم عن ثلاجات الموتي ع الاقل

هاذا دليل انها ماتوفت انها في غيبوبه وتحس بالناس وهم مايحسون بها وماتت في القبر !

رحمها الله رحمة واسعة واسكنها فسيح جناته ولعنة الله على هذا السارق حتى يبعثون

الله يرحمها

وش قالت اخر شيء؟؟؟

علم الغيب لله وحده , وتأويل الرؤى هو فقط بالوحي للأنبياء, فلا تشركوا احدا مع الله في قدرات الله, ان صدق النقل و القاصصة فهذه رؤيا اخبارية و لا تحتاج تؤيل, الرؤى بالقرآن أولوها أنبياء, لذا النبي يعقوب علم ان يوسف لم يأكله الذئب بسس الوحي الذي جعل يعقوب يؤول رؤيا يوسف وهو صغير

المصري لا ذمه ولا ضمير

سبحان الله الله يرحمها ويغفر لها

الله يغفرله ويرحمه

ليت مسوين لها انعاش قلب لاحول ولاقوه الابالله

غريبه اي شي يلبسه الميت ينشال قبل غسله ويعطونه اهله ، كيف ماشالوه