قلت وانا عمك زعل !!!؟؟؟

من سمعتك تقول بالبث: وانا عمك، توقعت والله أنه فيه ناس بيزعلون، لأن الجيل هذا وليس كلّه، فيه عينات لديها قُبح بالتفكير، وسوء بالفهم، وهذا ليس له سبب معيّن إلا البلاهه، وإلا فإن سياق الحديث واضح جدا أنك قلتها من باب اللباقة، لكن البلاهة لا حل لها

هذي الجيل فيه وليس الكل عنده قل ادراك وعدم تهذب ويفكر انه برده الغير مدرك على اي شخص بان يجعل منه شخصيه قويه الاحترام واجب من الصغير للكبير والكبير عليه توجيه الصغير الله يصلحهم ويهديهم

لا يهمونك يابو عبدالله خلف الجوالات أطفال و تعتقد أنهم كبار فلا ترد على أي أحد و تذكر قول الشافعي إذا نطق السفيهُ فلا تُجِبْهُ فخيرٌ من إجابته السكوتُ فإن كلّمتَه فرّجتَ عنهُ وإن خلّيتَه كمَدًا يموتُ

الجيل الجديد زعلو على (وانا عمك ) لو يسمعون كلمة (ابوي انت) او (لو سمحت ابوي) وش بيسوون 😂😂حنا لو نوقف تأشيرات الخدامات كان ماشفنا كذا لانهم تربية خدامات وابتلشنا فيهم

جيل رخو توقع منه اي شي .

عادي هو يقول لك من تلقاء نفسه ( يا خال ، يا عم ) لكن تقولها أنت وأنا عمك ما أشوفها مناسبة كأنك تفرضها عليه غصب هذي وجهة نظري وأتمنى لك يومًا جميل 💐

جيل مريض يا رجال و أنت أخ كبير و بحسبة العم 🌹

مافيها شيء رجل كبير ينقال له عم ونحشمه ونحترمه

ثق يا عزيزي ان ارضاء الناس غاية لا تدرك ومثل ما قلت لو قلت العكس قد يزعل يقول كبرتني ما في حل

اجل لو قال له وانا ابوك وش راح يرد عليه الكلمه عادية ونسمعها دائم من كبا السن

الله يسعدك والمثل يقول سيماهم في وجههم والخير باين في وجهك ولكن يمكن انك كررتها كثير وبدون قصد منك وللأسف ان بعض السفلة من جيل البزران العم والعمة عندهم للخضوع والهوهوه مهب للإحترام او لأخوان الاب 😩

هذا ردي على أحد السفهاء اللي يجهلون علوم المرجلة والتقدير والإحترام .. والكلمة طيبة وما فيها شيء وانت لك كل الاحترام والتقدير .

البعض الله يهديه لفل الهياط مره عالي عنده. فاهم هالكلام استنقاص له..

و عليكم السلام و رحمة الله و بركاته نورت منصة x و بمنصات التواصل الاجتماعي بتلاقي نفس هالعينات سواء من الجيل الحالي او بعض افراد الجيل السابق من يفتقد أبجديات ما تعارف عليه المحتمع فالمشكلة عنده وفي اسلوب الحياة التي عاشها و تربى عليها

وسع صدرك يابوعبدالله الجوالات الحين مع كل بزر وكل من هب ودب بتشوف شي غريب عجيب وسع صدرك

لو قلت له وانا ابوك ما زعل، مع انه الافضل يقول لك الواحد وانا عمك احسن من وانا ابوك

كلام فارغ مافيها شي كنا نسمعها من الشياب لكن جيل تافه منحط عندها استحقاق عجيب مافيه احترام للاكبر ويسمونه ديناصور هالملوثين

صدقت هي لجيل الطيبين ومازالت مستمره عندنا ياهل نجد نفس المنطق الي يكبرك بالسن تكون تسمع منه ونا عمك او ونا خالك وعاديه

مجتمع السوشل ميديا طلعت تربيتهم وحده وللأسف زمان كان كل بيت يختلف عن الثاني وكان الاختلاف رحمه أما الان كلهم تربية الميديا للأسف الله يكثر أمثالك ياعمي

الله يجزاك خير والكلمه الطيبه تطلع من طيب وصدقني هالنوعيه يفترض حتى تبرير مايبرر لهم خله يطحن بكلامه اللي لا يودي ولا يجيب يكبر ويتعلم ..

مايحتاج تبرر لجيل الالفين خله على عماه

مين عمك !

بدون ما تبرر الكلمة واضحة، وبعدين كلمة وأنا عمك تذكر الشخص الغاضب أو المندفع إني أكبر منك سناً تجنباً بأنه ما يغلط أو يزل

من صغرنا نفرح لاقال احد كبير لنا وانا عمك من باب الود والاحترام لصغير اما جانا جيل مخصي متعود على نوايا الله اعلم فيها الله لايكثر جنسهم عديمين التربية للاسف .

لايهمونك

فيه شباب يستفزون بعض ويقوله انا عمك فيتنرفز عمك تعني عند جيلهم مسيطر عليك والله اعلم

مالهم حق يزعلون الا ليتك عمهم ولهم الشرف. ينفع تكون عمي وتعطيني عطور 😂. اخوك لاني بعمرك ويمكن اكبر - لكن يا ابا عبدالله ماهو الموضوع ان في ناس زعلانين الخوف ان سهل توجيههم بخلاف قيم المجتمع بشكل مدروس وممنهج من ناس تنحل انها من بلدك ودينك والتقنيات واللهجات سهله عليهم

ما قلت في البث شي عادي ولا يزعل احد ومفهوم انك تخاطبه انك كنك في مقام عمه فقط ، ف لا تضيق الموضوع عادي وبسيط فوارق اجيال فقط.

والله انا شفت الفيديو وللأسف قرأت التعليقات وزعلت من الشباب السعودي انو مش عجبو كلمت وانا عمك بس متزعلش يا عمي دي اجيال معظمها شيفين نفسهم حاجه كبيره وهو اصلا الجوال الي مسكو جيبو تابي وتماره من مصروف لسه بيخدو من ابوه

من أوّلٍ كلْ الجماعة عَمَامِي واليَوْمَ أنا عَمٍّ لِكلَّ الجماعَة صدق قائلها. . والأسوأ بعض من يعترض على وأنا عمّك لا يزعجه لو قيل له فاحش القول باللغة الإنجليزية.