كابتن توصيل يشتكي : لي ساعة ماجاني ولا طلب بسبب الاجانب اذا طلبتوا وصار الكابتن اجنبي بلغو عليهم ! - وش رايكم بمطالبته معه حق ولا ؟

حاميها حراميها البلا من السعوديين نفسهم يعطي بياناته للأجنبي يشتغل ب مرسول و اوبر و جيني و يتقاسم معه الغله وهو منبطح بالبيت ناس مو حقين شغل يبغون الفلوس تجي لين عندهم عطلو ارزاق غيرهم و فضلو الاجانب على عيال بلدهم صارت معي كم مره بحجه سياره كفيلي وكنت ابلغ مافي تجاوب من المنصه

سبحان الله في ناس فعلاً يعارضك مع انك إنسان صادق تطالب بتطبيق النظام وطاعة ولي الأمر .. يجيك الأذكياء للأسف .. يقولون ليش تقطع رزق الناس بالعكس الأجنبي هو الي قاطع رزق السعودي في اوبر ومخالف القانون والغريب لما يكون قانون آخر مثل لا حج بدون تصريح يجيك الذكي نفسه يقول صح لا حج بدون لازم طاعة ولي الأمر يعني تطبع وتطبق النظام على كيفك وتعارض على كيفك … لذالك ياليت وزارة التجارة @MCgovSA تصدر قرار باعتبار سائق اوبر الأجنبي تستر تجاري ويعاقبه القانون عقاب عسير تصادر المركبة ايضاً ويغرم ويسجنون السعودي والأجنبي ثم الأجنبي بعد السجن ترحيل عشان فعلاً ما يفكر سعودي يسلم سيارته لأجنبي ويحرم الأجنبي يشتغل اوبر طبعا فالنظام عقوبة التستر التجاري صارمة وتشمل السجن حتى 5 سنوات وغرامة تصل إلى 5 ملايين ريال أو كليهما، بالإضافة إلى مصادرة الأموال غير المشروعة وإغلاق المنشأة وشطب السجل التجاري ومنع مزاولة النشاط لمدة تصل لـ 5 سنوات، مع إبعاد المتستر عليه من المملكة، مع إمكانية مضاعفة العقوبات في حالة العودة @MCgovSA @Ecc_saudi @spokesman_mc @mcgovsa_care @Uber_KSA

والله مايرزقك ربي وانت تفكيرك كذا يالحاسد

يارجال اقسم بالله اغلب الشباب ماهو حق رزق طلبت كريم ٣ مرات ويوم يشوفون اسمي يكنسلون يدورون بنات

نصيحة للبنات لا تركبون اذا البيانات ماهي مطابقة تصير المصايب والنصايب ولا تقدرون تثبتون حقكم، خلكم مع النظامي

لا ماني مبلغ، مرة وحدة بلغت وياليتني ما بلغت، اكتشفت أن الغلط من السعوديين أنفسهم، وبالعكس إذا صار أجنبي يكون الوضع أحسن، الأجنبي يكون فيه خير أكثر الأحيان من السعودي نفسه وخصوصا لنا حنا يالمعاقين بطولة البال والمساعدات، ونصيحة، مو لازم أجامل واطبل على حساب نفسيتي، مرة طلبت مشوار من @Uber_KSA والكابتن اللي جاني أكرمكم الله سيئ جدا، أقول له ي ابن الحلال أنزل ساعدني أنا داخل في المكان الفلاني، انزل ساعدني عشان اوصل سيارتك وتوصلني مشواري، يقول لا أنا ماني مسؤول ومو شغلي إذا مو عاجبك ألغِ المشوار لا تستعطفني، هذا معنى كلامه باختصار، عشان كذا الأجانب أرحم من الغالبية العظمى من نفس الفئة هذي، ملاحظة، عشان ما اظلم (أنا ما اعمم أنا اخص البعض بس)

السعودي علشان يوصلك مشوار لازم تسجل حسابك بأسم بنت يتعب حال يعطر السياره ويحط اغنيه حزينة وسادح المرتبة من افتح الباب يقول ياخوي غلطان الطلب باسم مها ما عليه اخوي انا مها تشوف الصدمه والحزن بعيونه 🤣

للاسف من تجربة قبل يومين مرني كريم سعودي مشوار 25 دقيقة ب71 ريال يوم ركبت قالي التطبيق نسبتهم عالية حرامية، وش رايك الغي وتحاسبني! اعتذرت منه قلت لازم بالتطبيق قالي اجل اعتذر منك ما اقدر اوصلك!! بغا ينزلني واهلي معي قلت له خلاص بعطيك عشرة كاش زيادة ووافق، شلون يبي التوفيق مادري

ايه معه حق انا انصدم اذا جاني اجنبي وش ابي فيه مالهم امان وانا صراحه احب الي يستفيد سعودي عندي إنتماء قوي لأبناء جلدتي 🙂

للاسف هيئة النقل لم تحل المشكله رغم حنا اقترحنا عليهم حل جذري الا وهو ربط تشغيل البرنامج بنفاذ

تطبيقات التوصيل المطاعم يطلع لك الاسم سعودي والكابتن اجنبي واسماء بنات بعد مادري ماتخافون على انفسكم من إنه يصير مصيبة بسبب الكابتن وهو ينجو وانت المسؤول

انا بقعد استنى مواطن يجي يوصلني ؟ ياعمي اذلف اهم شي اوصل مشواري وخوينا بالله يابيقعد يشكي يايقعد يتحلطم يامدري شنو 🤷🏼‍♂️

انا قد وصلني اجنبي المطار وعنده كل التطبيقات قلت له كيف سجلت قال لي في ناس تسجلك من 1000-1500 ويحطون صورتك ، الفساد من نفس الشركات ، وقد رفع بلاغ موظف النقل ففلها بدون حل لانه مو مقتنع بكلامي

حساب صاحب المقطع

الحق هو التبليغ لانها مخالفة اقسم بالله حرام بس اوقات نطلب بوقت متأخر او زحمة او دافعين من قبل ما نقدر نلغي شركات نطلب منها استرجاع ما ترجع .. ترى لو كل تطبيق يلغي حساب الشخص من اول بلاغ ما راح نشوف هالمشكلة تتكرر

للأسف السعوديين لهم فترة ما يقبلون الا طلبات نسوان وكل ما طلبت اتصل وقال الغ الطلب انا مسوي حادث ولا ناشب في زحمة ولا جاني ظرف . فلذا نؤيد عمل الاجنبي عشان يتعدلون ربعنا ولعها خيره

وزارة النقل ليس لها دور حقيقي سوى مخالفة المواطن بمخالفة تجلب له العقم ٥٠٠٠ ريال مايجيبها لو يشتغل ٣ شهور اوبر ظلمت المواطن برعاية هذه الوزارة ترى لتر البنزين بريالين مشوار من مكة الى المطار ب ٦٨ ريال ليش ياناس؟ مشوار من مكة الى ابحر ب ٧٥ ريال حرام وظلم فاضح اتقوا الله فينا 🤬

اتفق معه هناك اكثر من تطبيق كله للاجانب المفروض يتم اغلاق اي تطبيق لغير السعوديين هذي الخدمة لابناء الوطن فقط .. ولا بيحاشرونهم في كل شيء 🤬 شيئ اخر الزلابه الي يعطي يوزره في التطبيقات الي تخص السعودي فقط وكذلك سيارته للاجنبي يجب التبليغ عنه فورا وتغرييم الزلابه وسحب السيارة

معه حق ١٠٠% دام هذا نظام الدولة بأن العمل في تطبيقات توصيل الركاب مقتصر على السعوديين فقط .

الاجانب عندهم تحايل على الانظمه في جميع المجالات حتى مكاتب العقار طبوا عليهم الجهات الرسميه وهجوا وايضا في محلات الذهب إذا اتت الجهات الرسميه يهجون وايضا الاتصالات لازم نشوف حل لأجانب الذي يخالف الانظمه والقوانين

نعم اتفق معه ولو يجي يوم واركب مع اوبر ويطلع غير سعودي بلغت عليه مشكلتنا منا وفينا ، وكلن يقول وش دخلني

المصيبه صار الربح ضعيف مشوار 12 دقيقة 6 ريال ربح يصفى له والراكب يدفع 16 ريال يعني اوبر شارك الكابتن الاجرة

المشكلة ياعزيزي مهو من الاجانب .. المشكلة من الخونة السعوديين اللي يبيعو اسماءهم لاجانب مقابل مبلغ مادي شهري يعطيه اياه الاجنبي .. هذا قمة الانحطاط والقذارة ويحسب نفسه رجل اعمال وفاتح بزنس هو كذا ..

يااخي هذا شكله يفر الساعه ٤ الفجر استحاله وقت الذروه ذا العصر مافي طلبات؟؟ انا شغال يالله الحق والله العظيم بعدين اللي يقولون السعودي يدور بنات هذا نصاب بالعكس انا انبسط اذا جاني طلب رجال والله العظيم نضيع وقتنا بالسوالف

المسىولين في هيئة النقل عن النقل الموجه جالسين في مكاتبهم ولا يطلعون جولات تفتيشية اقلها لو يطلع عشرة من مكاتبهم ويطلبون اوبر كل يوم لقضوا على هذه الظاهرة السيئة وصاحب الحساب السعودي الي باع حسابه للاجنبي حوله للنيابة بتهمة التزوير وتشوف بعدها كيف الالتزام.. متبطحين في المكاتب ولايدرون عن الميدان…

فعلا كلامه صحيح دامه مخالف مب رزقه رزقي انا هو معتدي على حق لي

عندي تعليق على اللي يقول السعودي يلغي اذا عرف اني رجال احب اقوله اللي يلغي هم اجانب لانهم ما يفضلون الرجال لانه يدقق على السيارة والاجنبي اللي شغال باسم سعودي يجيك بسيارة مختلفة ولذلك يفضل البنات لانهم ما يدققون لدرجة بعض البنات ترسل لي بالتطبيق تقول اذا السيارة مختلفة لا تجي

وش الكلام الغبي ذا التطبيق يختار حسب الأقرب مهو حسب الجنسية والتطبيق كاتب لك انت بمنطقة انتظار سريعة الطلبات تجيك خلال 1 الى 3 دقائق كحد أقصى لكن الخراط شكله عاد الفيديو عشر مرات وكل مرة يطلع له طلب 😂 ثانياً أوبر ما يسمح لك تسوق الا تصور وجهك عشان يتحقق من هويتك في كل مرة

بولت أقل طلبات من أوبر، وهذا الشهري ٦ ساعات في اليوم. 🤔

انا اذا طلبت وشفت الاسم اجنبي الغيه وادور واحد سعودي افضل

والله انا اشوف صار وقت الانتظار طويل جدا، وكثير ما يقبلون الطلب رغم اني اشوف السيارات حولي كثير. مو معقول انتظار ١٠ دقايق الى ربع ساعة!! بعدين انت مسجل في اوبر علشان تصور!! اذا منت جاد اترك المجال لغيرك.

المفترض تُغلظ العقوبة على كل سعودي يشترك في أوبر ويسلمه لأجنبي سجن وغرامة وعلى الشركات متابعة المسجلين لديها والتأكد من ممارستهم للعمل وتغليف العقوبات عليهم

الي يقول رزقهم الله يقطع رزقك ورزقهم معك والله في ناس فاتحه بيوت بسبب اوبر المصيبة بعد الدعم الي من الحكومة مدته ٢٤ شهر بس والله كانه منه على المواطن ياخي اخجلو من انفسكم شوي مايصسر كذا #النقل_الموجة #وزارة_النقل شوفو لنا حل نبي تمديد مده الدعم وليه يقتصر على ٢٤ بس؟..

الله يرزقك من واسع رزقه الاجنبي عندما يخالف فهو يقطع الأرزاق يعني منع رزق مستحق لشخص ما ظلمًا،وهو فعل شنيع في الإسلام لانه خالف أنظمة الدولة والأجنبي تلاقيه يعمل الصبح بوظيفة ومساء اوبر ، المفروض لا يتم التسجيل بالتطبيق إلا السعوديين ويمنع على الاجانب

السبب الشركات المشغلة هي سبب تشغيل الاجانب بأسماء سعودية ... اتمنى الغاء الشركات المشغلة للتطبيقات لان هي سبب زيادة الاجانب المخالفين ...و المتضرر الكابتن السعودي