كثير يسألوني عن قطع الثياب اللي ألبسها ومن وين اشتريها الثوب مو مجرد قماش وتفصيل اختيار القطعة وجودة القماش هي اللي تصنع الفرق واليوم حبيت أشارككم القطع اللي أعتمد عليها وكيف أختارها 🫶🏻 وأنتم إخواني وش أكثر قماش تعتمدونه لثيابكم وعلى فكرة الأقمشة شاريها بفلوسي لا إعلان ولا شي

بنتلي ٥٠٥٠ بنتلي ٥٠٠١ بنتلي ٥١٠٠ أفضل أقمشة سلك مرت علي لكن عندهم مشكلة صعب تحصلها بسهوله دايم مقطوعه وهذي سلبية الجديعي الوحيده

أتفق تماما معك

كنت قبل الوعي اشتري من الجديعي هو الأفضل الآن بعد ما راح الخياطين الكويسين و ارتفعت الاسعار و ساءت الحشوات صرت افصل عند أقرب خياط من البيت والقماش من عنده علشان ما أطق مشوار للتعديل لأن صلاحيته اصلاً ٣ اشهر وبعدها غير

الأقمشة غلت وخصوصا اليابانية .. وأظن القماش الكوري والأندونيسي يؤدي الغرض لليوميات تشري الطاقة ٧ ثياب ب ٣٥٠ ريال أو أقل .. ويكون عندك ثوبين رسمية من القماش الفاخر الياباني ..

الخياط هو الاهم القماش ممتاز لكن إذا الخياط غشيم ما كنك سويت شي

مليون بالميه

عطنا افضل الخياطين لاهنت

الله يبارك لك بس الاسعار مبالغ فيها وفيه افضل وارخص كل شخص ياخذ ما يناسبه

الأسعار هذا أمر نسبي يختلف من شخص لشخص وبالتأكيد فيه ارخص لكن أفضل 🤔 الله أعلم وصحيح كل شخص ومايناسبه

سلك ولا تترون

سلك

حفظك الله أخي ابو سعد تسلم ياغالي

الله يسلمك أخوي أحمد وتتهنى

أهم شيء التفصيل وين

صدقت الخياط مهم جدا بل وأهم شي

كلامك عين العقل، القطعة تنختار قبل ما تتفصّل 👌 ومن أهل القماش نقولها لك: هالشتاء جاينا شي يستاهل يدخل قائمتك… قريب نوريك 🤍

بالتوفيق لكم يارب وفعلا القماش الجميل هو الأساس

الله يجزاك خير على النصيحة وبحملك على حسن النية إن مقصدك فعلاً نصيحة وحملت المقطع وأنا أخوك معنى غير موجود فيه أصلًا أنا ما تكلمت عن ثيابي من باب التفاخر ولا قلت إني ألبس أغلى من الناس ولا انتقصت من أحد ولا حتى الأسعار اللي ذكرتها تعتبر أسعار فارهة أو استثنائية أتكلم عن أقمشة أسعارها تقريباً من 200 إلى 300 ريال وأشارك تجربة شخصية لأن كثير يسألوني وش الأقمشة اللي ألبسها ومن وين آخذها أما الاستدلال بالخيلاء وثوب الشهرة والعُجب فهذه كلها مرتبطة بالقصد والنية والنية محلها القلب والله وحده أعلم بها ومجرد إن شخص يتكلم عن شيء جربه وأعجبه وينصح الناس فيه ما يجعله مختالًا ولا متفاخراً وإلا أصبح كل من تكلم عن عطر أو سيارة أو مطعم أو لباس جربه داخلاً في هذا الباب والأهم إن النصيحة الشرعية عظيمة ولها قدرها ولذلك من الجميل ألا نُنزل نصوص الوعيد على شخص ونصفه بالخيلاء والعُجب والتكبر بناءً على مقطع لم يكن فيه شيء من ذلك وأنا أكررها بكل محبة المقطع مشاركة تجربة لا أكثر ولا أقل ومن وجد عند الأصيل أو الدفة أو غيرهم ما يناسبه ويعجبه فالله يهنيه ويبارك له فيه ❤️

سلام 👋🏻

علمنا من اللي سألك ؟ انا أفصل ثياب بسعر غالي محد سألني