كرامة المرأة المفطح ورأس الذبيحة وين تقدم عند الرجال أم النساء..؟!

اصلا ماتعزم رجال على عشاء حرمة (الله يحييكم على عشاء فلانه) ههههههههههههههه

في سلومنا ينحط المفطح وراسه عند الرجال وجنوب الذبيحه واليدين الباقيه عند الحريم ويذكر المعزب امام الرجال ان الضيف هي والدته مثلاً او اخته

والله غير اكرمها واخليها تتربع على راسي . يا طيب الحريم .. والي ينظر لها نظرة دونية انسان دنيء ولا فيه ذرة كرامة او احترام . والله عندنا شايب في قرية يقول والله عيالي ما دروا عني ، ويقول بناتي معاهم سيارات ما يقومون من عندي اذا مرضت. ولايطلعون من عندي من المستشفى

ناس فاضية 🤷 ليش يعزم على ضيافة امه وإلا اخته ؟ مناسبة خاصة لاهله إلا اذا جاء ضيف صدفة ولتلك الحالة له ما يقدم له

إذا حصل وفيه رجال في هذه الحالة ازيد ذبيحه للرجال هذا أسلم حل

الرجال ضيوف على كرامة الضيفه والي يبي يزعل يزعل ولا يرضى

ياشين بعض السوالف..

وعندي سوال /طيب نبي نعرف ويش بيقول لقلط الرجاجيل على العشاء

المرأة إذا كانت بعيدة ليست من الأقارب اذا كانت أجنبية الكرامة لها ولا ني بعازم احد من الرجاجيل اما اذا كانت قريبة ...فالمفطح عند الرجاجيل والخربم لهن ايد وجنب ... اما اذا انت مضطر تعزم جيرانك بسوي خروفين واحد الضيفة وخروف للجيران وبني عمي القريب مني

بالنسبة لنا يكون عشى حريم اذا كان مفطح ومافي عزيمه للرجال اما اذا عشى عادي وصحون نقدم الراس ونص اللحم للضيفه ونصه للرجال

وانت اذا جتك ضيفة وش هو له تناقز وتروح تعزم جيرانك واخوالك الي بيقلط الحرمة حرمة مثلها

اا تعزم ارجال على كرامه المراه وخله عزيمه حريم من العمات والخالات والجدات والاخوات وخلهن يعيش ويستمتعن مع الظبفه

طالما أنك عزمت الرجال فقلط المفطح عندهم واذا بتقلطه عند الحرمة فلا تعزم الرجال وتحرج نفسك

لها عدة حلول دام الكرامه لها الصح مايعزم رياجيل وتقدم المفطح لها يعزم فقط اللي هي محرم لهم وتقلط معهم لانها امهم او اختهم يحط مفطحين للرجال وللضيفه يترك الذبيحه لها وللحريم اللي معها يتصرفون فيها بدون حضور رجال فالغالب الضيفه هي تحلف تحط المفطح عندكم وهذا من تقديرها وشيمتها

تفصل الذبيحه

اذبح ذبيحتين وارتح مفطحين واحد الرجال واحد للحريم

الرأس يتبع المفطح سواء كان المفطح عند الرجال او الحريم

حصل لى نفس الموقف خارج المملكة جت أم زميل لى عزيز عليّ بالحيل بالحيل و حطيت لها كرامة وعزمت الزملاء حضر و بدو المفطح و جنب لها و أنا و وباقي الزملاء قلطنا على جنب كنا حول سبعة كنا حضر و بدو الكرامة لصاحبها إنتهي 🫷🏻

الكرامة لضيفه لها المفطح الرجال لهم الصدور

سوال بايخ من شخص ابيخ اساساً مافي عزيمه للحريم سواء ضيفات او غيره تذبح الذبيحه وتعزم والمفطح عند الرجال واذا سالوك الخوال والجيران والعمام تقول هذي ذبيحه لزيارة امي او اختي وتنطم

اشغلونا المستجدين في القبيله الحديث ال ابو 300 سنه ودون سنه أولى قبيله

يقلط المفطح للرجال ويقطع الفخذ كامل من المفطح ( يقدم المفطح ناقص ) وهذه من عادات القبائل حتى يعرف ان الضيف مرأة وليس رجل

يقدم لها لحيان الراس مع اللسان ونص الكبد وقطعه من الذنبه وجنوب الذبيحه والمفطح وهامة الراس عند الرجال

العزيمة لحرمة ايش لك تعزم رجال

صارت عندي .. زارني عماتي اخوات ابوي في بيتي و حلفت عليهم و يوم جاء وقت العزيمة عزمت عيالهن و اخواني وواحد و حطيت لعماتي المفطح و يستاهلون و لا فيها اي منقود

ذبيحتين

كلام تافه العزيمه تخص النساء تحت كامل الذبيحه لهن وماله داعي تعزم رجال

الضيفه لحرمه تعزم رجال ليش؟ 🫤 وش والعالم اللي على الريحه مايصدقون. يشمون ريحة لحم

تطلع لها رجل الذبيحة

ههههههههه نفس وضعي البارح جاتني امي ضيفه وقلطت المفطح لها بس الحمد لله ماكان احد غريب عندي لكن الأفضل اذا عزمت الرجال المفطح لهم ومفطح ثاني الله يقويك لضيفه

الرجال على العموم ما تعزم على كرامة أمرة ، واذا اكرم الرجل أمرة من اهله يختصرها على أهل بيته ليس تقليل من شأنها ولكنه عرف مجتمع ، ودرج عليه الناس

هو فيه رجال يكرم لحرمه ويعزم الرجال ؟ هذي معيبه حتى اخوانك ماتعزمهم . واذا كنت مثل ما وصفت تذبح خروفين وتقدم واحد للرجال واحد الضيفه !

المفطح للرجال بالراس الأصلي😉 والله يحييكم على واجبكم اما بخصوص الرخال قصدي النساء اشتري راس ذبيحه ثاني من عند الجزار🐮 ينطبخ مع الذبيحه ونقدمه مع اليد والرقبه وكم ضلع للضيفه. اصلا ما ياكلونه النساء مجرد منظر يعزز معنويات الضيفه ويشوش راسها ذاك الليل 🥰🤣 وتاليها عفاكم😎💪

انابنسبه لي الكرامه لضيفه صاحبة الكرامه