كل ما أشوف هالمقطع ابتسم .. ياهو وسيع صدر ويشرح الصدر بسوالفه 👌🏻 🤣

هذا متعب السهلي(أبو عزيز) شاب جامعي وهو شخص وديع ظريف، وله مقاطع قصصية باليوتيوب. والآن هو موظف وله قصص حول الوظيفة ومحاولته النقل ...الخ

صحيح بحثت عنه باليوتيوب ولقيت له مقاطع كثير وصراحةً حكواتي وممتاز لو يفتح سناب افضل من بعض المشاهير الي غاثين العالم بتفاهاتهم ..

اضحك من قلبك

اشتغل معي صديق، وفي فترة كنت أعطيه بروشورات يوزعهن على العملاء اللي نستهدفهم، واليوم اللي يوزع فيه البروشورات ما أخليه يداوم بالمكتب، بزعمي أفرغه للعمل الميداني 😂😂 آخرتها لقيتها بغرفة علف في حوشهم 😂😂😂 صدمني بتصرفه، تذكرته يوم قال راعي المقطع: تسنها سكينٍ بقلبي 😂😂

القصمان بشكل عام فيهم سعة صدر ووناسه ونيتهم صافيه ماعندهم لف ولا دوران من واقع تجربه

الناس كلها تضحك الا انا خنقتني العبره .. لا احد يعلم بمرارة ما تمر به الا من ذاقها لا بأس لا بأس

😂😂😂 الله يوسع رزقه ويوفقه لما فيه خير ان شاء الله هذا حال أكثر الشباب وأنت أكثر شخص تعرف وظائف بالواسطة ومحسوبيات وعنصر نسائي اكتسح سوق العمل وشللية أجانب ما يعلم فيها الإ الله الله يصلح الحال ويوفق كل محتاج 💔

انا اعطيكم سالفة أقوى بالأسماء: عام 2004 تخرجت من الكلية التقنية، كنت أبحث يومياً على وظيفة بالرياض،صليت الظهر في مسجد حي الريان، طلعت من المسجد وقابلت وزير العمل ذاك الوقت علي النملة و وزير العمل السابق علي الغفيص يسولفون. سلمت عليهم وقلت ادور على وظيفة، قالو مانقدر وصرفوني

وش اسمه ، ليتنا كلنا هذا الرجل 👍

ماعرف صراحةً ،، قديم المقطع