كلام الدكتور منطقي شوي

ايوه طبيعي الدكاترة اللي كانوا يعلمون الطلاب كانوا يركزون على المحتوى العلمي وما كانوا يخلون الطلاب يشيلون هم الدرجة، الآن العكس، الدكاترة يشددون في التقييم وما يهتمون للمحتوى العلمي اللي يوصل للطلبة، عشان كذا الطلبة صاروا يهتمون بالشيء اللي يهتمون فيه الدكاترة اللي هو (التقييم)

كلامه صحيح، بس صعب تحدد الخلل بالضبط لأنه غالبًا مزيج عوامل. وبرأيي إن نظام التعليم الطبي هو اللي وصل الطلاب لهالحالة. يعني مثلًا لما يعطونك وقت قليل تذاكر فيه بلوك كبير ومعقد، طبيعي بتصير المذاكرة مجرد “كي ووردز” بدون ما يكون فيه فهم عميق أو استيعاب كامل للمعلومات.

مهو تريندي الموضوع صاير ان كل واحد يصير استشاري يجلد ينظر علينا انه أيامه كانت القولدن دايز والباقي زباله... ابو مضيعه الوقت بس

المشكلة ماهي فالطلبة بقدر ماهي في النظام الاكاديمي اللي اختلف

اذا كان يدخلك تخصصك اللي راغب فيه بناءا على درجتك، وش تتوقع من الطالب يسوي؟ الرغبة والطموح اخر شيء ممكن يهم حالياً

هل هم مختلفين، ايه نعم لكن من ناحية مخرجات الجيل الحالي افضل بمراحل. سبب تركيز على المعدل هو معايير هيئة التخصصات و بعيداً عن المعدل، وسائل التعليم الطبي الحديثة هي العامل الاساسي لتفوق الجيل الحالي، مواضيع تتواجد الان بمناهج الكليات جيل تسعينات ما عرفوها الا وهم استشاريين

انا اتحدى اجيب واحد من الاطباء القديميين يعيش حياة طالب الطب الان، ضغط نفسي هآئل متطلبات ما تنتهي ومع ذلك منت ضامن تخصصك بعد التخرج القديمين كل همهم المعلومة التخصص مضمون

الآن الارقام هي اللي تحدد انت كيف مستواك، مثل الآن فيه طلاب كويسين في الاختبارات العملية فقط لكن في الاختبارات النظرية بتلقى تباين بين الدرجات ، ف مثل هذا كيف تعرف انه مميز اذا انت تتعامل فقط بالدرجات

عني شخصيا، مصدق إنهم زمان أفضل من حاليا علميا، مدري عن البقية

غير منطقي بالنهايه انت تدخل كليه الطب تشتغل ع نفسك المصادر متوفره بكل اشكالها و انواعها العبره تجي من شخص نفسه لما يستثمر في حاله يقرأ و يقرأ باستيعاب و يسأل و يناقش وخصوصا في التخصص لازم يشتغل ع نفسه اكثر هذي دكتوراه محد يمسك ايدك و يعلمك