كلامه صح ١٠٠٪

هو صادق : زمان ايام الاجداد يقطعون مسافات ويوصل وهو جيعان ميت جوع لا مطاعم ولاشي و ماشافك من سنين والدنيا فقر وجوع هذا هو الضيف .. لكن الحين الحمدلله لو يسافر مسافات يجيك وهو شبعان من كثر المطاعم بالطريق ويوصل مرتاح لا جوع ولا تعب وتحصله كل اسبوع وهو عندك هذاماهو ضيف ..

الحين بعضهم اذا بيسافر لديرته او مدينة اخرى فيها اقارب له يعلن بالسناب وحالة الواتس قادمون يأسيا جاينكم يااهل الشرقية او تبوك اوالرياض يعني تجهزوا واعزموني اتفق مع كلامه التخفيف على الناس مطلب انت جاي تتمشى والا تسحب بطنك عند فلان وفلان راعوا احوال الناس المادية

قال اللي في خاطري التغريدة قبل ٣سنوات

جزاه الله خير على هالدعوة الطيبة شفت الناس اللي تعزم بعضهم يكلف على نفسه حلا مكسرات عصيرات وتمور وغيرها هالاشياء وحدها يبغى لها ميزانية وانت طالع لو حتى اخوك أختك ناس من اهلك جيب معك ما اقول جب لهم عشاء الا جب لهم معه حتى اغراض وحلا القهوة والله من وراء القصد

مايرفص الا الرجلل الحقيقي والقدر ماهو بالصحن احيانا القبول والترحيب يكفي عن التكاليف

أضرب على الكايد ليا صرت بحلان وعند الولي وصل الرشا وانقطاعه... تميمي يحب عبيد الرشيد 🥰

هو لو الله يفكنا من بعض العادات والتقاليد زانت الحياة 😂 صح أن الكرم زين ومن صفات العرب بس حنا في زمن التكاليف والمجاملات مو في زمن البساطة وكل شيء سهلات أنا مع اذا سافرت لديره لا يدري عنك أحد ولو ودك تشوف أحد خلها أخر يوم من نهاية الرحلة علشان تقول مرتبط وانتهت السالفة 😂

بعض الناس يقصر الكرم على الذبيحة فقط.. القهوة والتمر وماحتوى والقبال الزين والاريحية والوصل هذا هو الكرم الحقيقي

جزاك الله الخير. كثر الله من أمثالك

عقلانية كبيرة وكلام ذو مفهومية وفيه من الاحترام الشيء الكبير ورغم ذلك .. مايسلم ممكن ينفهم غلط لاننا بزمن اصبحت به النفوس ضيقه وكل فعل مهما كان مقصده طيب يفسر بشكل غير سليم

يا جعل من نفسه عزيزه ما يحتاج من الوجع شوف الكريم ايتسلّف لي صاحب طيبه على دربي اسراج نادر وقلبه بالمراجل امولّف ايدق واخليه منعاً لـ الاحراج ودي ازوره بس اخاف ايتكلّف @m_ibnhweej

معك قلباً وقالبنا جزاك الله خير الجزاء وقد وقفت على ما تكلمت عنه أحد الأقارب استلف مبلغ لشراء ذبيحه ضيوفه.

كلامه صح ١٠٠% وتصويره خطأ ١٠٠% مو وقته هالنصيحة لو أنا من خويك ، طردتك طردة كلب خذ الله هالشارب الاعلام يخلي الناس حيوانات

توي جاي من حايل ومنصدم من فضاوة طريق الملك فهد😂 سلامات سلامات ما تشوف شر

عين العقل والحكمة

صح لو كان بدون تصوير وبدون يعلمه انه راح للمطعم

الله يرحم والديك ويرفع قدرك كلامك صحيح وعين العقل والله يكثر من أمثالك الأجاويد عزيزين النفس والقدر والمعرفه وتقدير الظروف أشهد بالله إن كلامك صحيح وأن شورك شور كريم مطلق تعرف اللي لك واللي عليك بالحق كتب الله أجرك والقبله من الله وأنت مقبول وحكيك وشورك مقبول استمر

لو لاحظتو المشكلة الحقيقية مو في إكرام الضيف المشكلة في الكلفة في اكرامه

ياطيب راسه .. والله هذي من إعظم العقليات الي تشوفها .

كلامه صح

هذا هو الصح والله احياناً يحرجون صاحب العزيمه ويروح يتسلف قيمتها ويحرم عياله عشان كرامه لرجال ماهو محتاج جزاه الله خير

تقول العرب لاقني ولا تعشيني يكفي بشاشة اللقاء افضل من التكلف الذي لامعنى له والتبذير والاسراف

بيض الله وجهك هذا الكلام

جزاك الله خير كلامك في محله

اسوء فئه اقابلها اللي يلزم عليك بالعشاء وهو طقوع ماعنده مرجله ، العادات والتقاليد تقولها مره وحده وهو يرفض ، لكن تلزم عليه واذا استحى منك ووافق سنه تسب فيه ما يصير

كفوو عسى الله يكثر من أمثالك

بيض الله وجهك والي عجبني الخبز الابيض بلا اكل الطيبات تبع الدكتور الي توفى وثقتك بنفسك وتوكلك على الله 😂😂😂 ومأجور عليه لا تحاتي

الله يجزآك خير على الفكرة الجميلة و تطبيقها سهله

الحمدلله دائم طبخ واكل سواليفه كله عن الاكل ما همه الا بطنه مايعرف ان العافيه في أطراف الجوع

اتفق معه بشرط يكون المضيف رجل ويقدر لأن بعض المضيفين اذا عزمك وتعذرت جاء بعدك يسولف فيه ناس ماتقدر اللي يقدرها اللي ماياخذها مايعطيها هذا مايقدر عزيمتي له هذا بخيل يحسبني مثله

حي والله راسك جعلها ماتعسر عليك اي والله ياحي الفاهم انت كذا👍🏻👍🏻

عز الله أنه صادق ما هان تبارك زمننا هذا زمن الهياط....

كلامك عليه الشحم عقل راجح وراي سديد اهم شيء الحضور والتواصل كل واحد عنده خير

يازقه هالعويصي مروح

أقطع مئات الكيلومترات لكي أزور قريبي أو قريبتي ولا عمري اتصلت أقول لهم تراي جاي وإذا جيت عند الباب دقيت الجرس فتح الحمد لله مافتح الحمد لله فقد كتب الله لي خطواتي وأجري ثم بعدها أبلغه برسالة أسلم عليه وأقول جيتك ماحصلتك أتمنى أن تكون بخير لأنه لا يعلم بظروفهم إلا الله سبحانه