Загрузка видео...

Не удалось загрузить видео

На главную

كيف تعرف الاتجاهات برا..

192,294 просмотров • 4 дней назад •via X (Twitter)

Комментарии: 4

Фото профиля ‏تيزاب☣️
‏تيزاب☣️3 дней назад

من غير وجع راس اذا القمر ظاهر بكون من يسارك لليمين وانت وجهك للجنوب وبكون منحرف جهة الجنوب مثل القوس الخفيف اذا انت في وسط نجد والشرقية اما اذا مافيه قمر شوف الأشجار الصغيره بتحصل لها رمال متجمعه في طرفها الجنوبي بسبب رياح الشمال وكذلك العروق المعترضه دائما وجهها جنوب

Фото профиля U F
U F3 дней назад

أوعى الجدي يغيب

Фото профиля may may
may may4 дней назад

والله النجوم تتشابه عجزنا نعرف الدب من الجدي نشوف لمعانها

Фото профиля الأصالة
الأصالة4 дней назад

- أبو منصور؟ - سم. - تسلم. إذا كنت بالبر وضيعت، ما عندي لا قارمن (Garmin) ولا شيء، أقل القليل كيف أعرف الوجهة، أنا وين متجه شمال، شرق، غرب؟ - إذا السماء صافية ولا حولك إضاءة، بسيطة جداً؛ عليك بالجدي. - الجدي؟ كيف أعرف الجدي؟ - الجدي نجمة من ضمن النجوم، وهو اللي يأشر على الشمال الحقيقي. لكن كيف تستدل عليه؟ تستدل عليه لأنه يسمونه "مسمار السماء"، النجوم تدور عليه بالشكل هذا.. سبحان الله! وهذا الجدي موجود على مدار السنة ما يغيب. - يا سلام! كل النجوم متحركة وتغيب إلا هو، يدور حول نفسه، أو يكون أدق شوي. - سبحان الله. طبعاً فيه "بنات نعش" اللي يسمونها بعض الناس "السبع"، الاسم العربي الفصيح لهن "بنات نعش". فيه نجمتين منهن يسمّن "الدليلين" يدلن عليه. إذا غابن بنات نعش مع الأفق، طلعت كوكبة "الناقة" كما يسمونها العرب، واللي يسمونها بالبرامج الأوروبية "ذات الكرسي" أو حرف (W)، وتأشر برضه عليه. وبعض المرات يطلعن الثنتين؛ ذات الكرسي وبنات نعش جميعاً. - خلنا نشوف بنات نعش دامهن طالعات الحين.. هذي بنات نعش، اللي هي أيهم؟ هذولي؟ اللي جايات على حرف تعجب؟ - إي، شف هالحين هذوليهن.. أوريك بالجهاز، شفهن السبع ذولي، هذولي بنات نعش. شايف؟ تغطي الثنتين ذولي (الدليلين)، وتمشي على الخمس على قد أصابعك مسافة، يجيك الجدي. شف هو قدامك الجدي واضح الآن. - يعني أبو منصور، هذي بنات نعش اللي واضحة هنا بالتصوير، أحط أصبعي على الثنتين ذولي وأقول: واحد، اثنين، ثلاثة، أربعة، خمسة.. هذا هو الجدي؟ - هذا الجدي، خلاص. يعني الشمال الآن كذا. من ضمن الأساطير المهمة -كانوا يسوون أساطير زي قصة جبل طمية عشان يعطون طابع للمناطق- برضه النجوم حاطين لها زي القصص وهي أساطير طبعاً؛ يقولون إن الجدي ذابح أبو بنات نعش، وبنات نعش ذولي شايلات أبوهن على نعش، وإنهن يدورن عليه بياخذن بالثأر! وحاطين نجمين تسميها العرب "الفرقدان"، وآبائنا يسمونها "الحويجزين"، ويدورن عليه. هذا بالدليلين. أما كوكبة الناقة اللي تسميها العرب أو تسمى "ذات الكرسي"، شوي وتبين إن شاء الله، ناخذ لنا ساعة وتبين ونبي نشوفها بإذن الله. لكن هذه البرامج سهلت الموضوع، هذا اللي هو بنات نعش وتأشر على الجدي. - حنا نبي إذا ما صار عندك نت كيف تعرف الوجهة، فأنت عطيتنا الصراحة طريقة أنا من أول ما شرحتها لي عرفتها. - سهلة جداً جداً. هذي كوكبة الناقة ترى طالعة، بس الإضاءة عندنا مغطية عليها شوي. - الله يعطيك العافية يا أبو منصور، شكراً لك.

Похожие видео