🔴 كيف يتم تعويض عملاء جاهز 🛵 يقول الرئيس التنفيذي للشركة حمد البكر: عن سياسية التعويض للعملاء ومقدار ما يتم تعويضه خلال السنة..

عذرا وكيف عرفت ان العميل غير صادق عشان تقرر ما تعوضه وتبلكه من تجربتي مع جاهز أغلب طلباتي ماركت و٧٠٪ منها توصل بمنتج أو براند مختلف عن اللي طلبته فيا أما انك تلتزم بطلبي أو تبلغني انه مومتوفر وترجع المبلغ بدون ما ارفع شكوى أما انك تجيب منتج على ذوقك ولما اشتكي تبلكني فهذي بجاحه✋🏼

يعني حسب كلامه ١٠٠٪ التعويضات ال40 مليون اللي تكلم عنها تكون مدفوعه من المطعم او على ظهر المندوب وجاهز ما يخسر!!! من الضعف الإداري يدفع 40 مليون تعويض وهي لو تضع نظام وكاميرات مراقبة منها عشرين على راس المندوب ما تجد نسبة ضياع. الفهلوة الإدارية لك مرة وحدة نصدق العميل!!!!

هل يعقل ان التعويض له مهلة ٣٠ يوم ويتم سحبه في حال عدم استخدامه ويكون في محفظة جاهز فقط مافيه خيار تحويل للبطاقة البنكية مع ان عندكم البيانات كلها التعويض الي هو حقي فلوسي وحلالي كوني عميل صادق والمطعم يعترف انه نقص طلب تمسكونها وتتحكمون فيها شيء مستفز وعمل غير قانوني

تفكير عقيييم بدل ما يشوف حل للأخطاء وإيجاد حلول عملية لتقليلها يقوم بإقفال حساب العميل هذا الفكر لن يستمر الحمد لله ما عمري حملت تطبيق جاهز وكل مرة أشوف له مقطع أحمد الله

والله ياخوك كلامك غير صحيح للاسف انا طلبت وانا من الكويت وكنت بالسعوديه سحب علي المطعم وحاولت اتواصل مع خدمه العملاء ( جاهز) ولا احد حتى رد علي ولا في تواصل عبر الوتساب معاكم ولا فوق ان ماوصلني الطلب بكل وقاحه كتبوا بان تم توصيل الطلب وانخصم من حسابي ولي اليوم مافي اي رد من جاهز

احلى حاجة مرة طلبت من تطبيق توصيل صيني بالرياض، والطلب وصل ناقص علبة صوص، كلمة الموظفة المصرية بالدعم من خلال نفس التطبيق، قامت تقولي كلها 3 ريال ما تستاهل، قلت لها معليش الصوص من حقي وابي تعويض، قامت قالت ما نقدر نعوضك، وقفلت المحادثة فتحت محادثة ثانية جاتني زميلتها مصرية ثانية قلت لها زميلتك تقول ما فيه تعويض وهذا حقي، قالت ايوة دام قالت لك كذا صحيح كلامها، قلت لا معليش انا هذي فلوسي وانا الصوص من حقي ، وقلت لها بشتكيكم وزارة النقل، قامت حذفت حسابي كامل من التطبيق، حاولت ادخل قالي ليس لديك حساب، رفعت للدعم الشركة ، 3 مرات يقولون سيتم خدمتك زما يتم عمل شي وبقى الموضوع شهر وقمت رفعت لوزارة النقل ، قاموا رفضوا طلب الشكوى. هل بالبساطة هذي يضيع حق العميل لمجرد ان الموظفة عندها صلاحية تحذف الحساب حقك بالكامل، وسجل الطلبات الماضية وعندي رصيد بمحفظتي كله راح.

تطبيقات التوصيل مشغلين انفسهم ومشغلين المطاعم والناس معاهم 🤷🏻‍♂️ كانت المطاعم والمحلات توصل مجاني والناس مبسوطه🤷🏻‍♂️

كل التطبيقات تعوض من ظهر المندوب اذا العميل اشتكى قبل خمسه كيتا خصم علي قيمه طلب ١١٠ ريال لكن رفعت شكوى لهيئة النقل ورجعوها لي تطبيقات ظالمه بدل ما تقتص من المطاعم تقتص من ظهر المندوب

يارجال إذا سويت بلوك للعميل عشانه طالب بحقه انت الخسران لان فيه تطبيقات تعوضنا لو يوميا نطلب تعويض . مو كفايه تأخذون نسبه كبيرة من المطعم ويتحملها العميل وانت يا جاهز كسبان كسبان حتى لو عوضت افضل شركتين يحفظو حق العميل صراحة بالتعويض هي هنقرستيشن ثم كيتا

يقول عن العميل اللي لم يخدم بشكل كويس نصاب ونخسره احسن يقول لو طلب ١٠ برجر ب١٠٠ ووصله ٨ اعوضه ٢٠ واخصم على المطعم ٢٠ 😂 يعني عوضته عن ايش؟ انت رجعت له فلوسه ولا بتصير حرامي. التعويض انك ترجع قيمه الطلب اللي ماعرفت انت والمطعم تديرونه هذا هو التعويض لان مو منطق ٨ ياكلون و٢ يتفرجون

مرة جاني تعويض منهم 100 ريال انصدمت منهم و من بعدها حبيت التطبيق 😃

انا طلبت و جلس اكثر من ساعه المندوب يدور راح لمستوصفين و بعدها مر سوبر ماركت يتقضى و بعدين جاء عندي و رفضت استلم الطلب بحكم انه بارد مع اني كلمت الموظف و قلتله الغي الطلب و مع ذلك حطها علي مديونيه قيمة الطلب كامله و رجعت كلمتهم و قالوا ابشر و للحين المديونيه موجوده @JahezCareKSA

يعني التعويض ٤٠ مليون مو جاهز اللي عوضها المطعم

هنقرشتيشن ما زال الأفضل، المشكلة الحقيقية دائما بجميع التطبيقات هي المناديب، سياسة اتصل وازعج و " هنقرستيشن أنا برا " ما عاد تنفع، ملفي عندك؟ بتعرف اني حاط صور للشقة، والوصف، وطالب عدم الاتصال والازعاج.

الطلب سعره 15 تبيعه عهدك ب 27 غير التوصيل وين الكرم بالموضوع

المندوب التعبان الشقيان هو وصاحب المطعم وانتو وسيط وتأخذ دبل المبلغ

هذا تاجر ناجح ويفهم السوق عقليات American Business طبقها في تجارته مع العملاء

طيب إذا فعلياً المطعم يكرر المشكلة أو الموصل يجيب الطلب محيوس وناقص !! يصير الغلط كذا على العميل ليش يكرر يطلب تعويض !! كلام فاضي وشخص مسوي ذكي بالسوالف هنقرستيشن صار لي عندهم طلبات ورى بعض وكلها يتم تعويضي بعد التأكد من المشكلة !! ماقالوا نفس نظرية المؤامرة اللي معشعشه براسك

التعويض في 3 حالات لجميع شركات التوصيل 1- الخطا (لازم صورة) التعويض من المطعم 2- النقص + سجل العميل جيد التعويض من المطعم 3 - التاخير التعويض على المندوب اكثر من 45 دقيقة ماتتعوض في 3 حالات حتى لو معك حق 1- التاخير في الشكوى اكثر من ساعتين 2- الخطأ بدون صورة 3- جودة الاكل

تجاربي مع جاهز غالبا ناقص والا غير الطلب لذلك اصدق العميل ولا يهمني راي الرئيس التنفيذي

جلست 20 يوم اركض وراء فلوسي اخذوها و لم تم الاسترجاع لحد ما اشتكيت على هيئه النقل

والله انه كذاب مع الاسف والعميل ما يبغ تعويض يبغ شوي اهتمام . ويصيحون من كيتا ولان كيتا يقدر يحترم العميل وانا شخصيا طلبت من جاهز وجاء المندوب واقوله يوصل الطلب للشقة ورمى الطلب بالشارع وتواصلت بالخاص حتى مع حمد ورد على رسالتي وتجاهل بعدها الموضوع وحظرني ولما اتصلت عليهم رد علي موظف يقول انه متدرب وجلست 10 دقايق اوضح اني انا عميل مو مندوب وتعبت وحذفت تطبيقهم ( كل ما تكلم ذكر سالفة فستان وصله ليلة الزواج عشان الناس تصدق انه مهتم)

ثلاث مرات يعوضوني ،، شكرا جاهز 🙏

انتبهو هالتطبيقات تدبل سعر الوجبة من غير قيمة التوصيل رح للمطعم او تعامل معهم مباشر

والله جاهز بطل جداً مصداقيه مليون ب ١٠٠ اهنيهم وتطبيق سهل ومرن تحياتي جاهز ⭐️⭐️⭐️⭐️⭐️

جاهز راقين جدا وحريصين على العملاء في مطعم احد فروعه أنا إذا اخذت منه بنفسي كل مره ناقص شي أنا أشوف بيئة العمل عندهم فوضى وقفت طلبات منه مزاز ، صوص ماراح ادقق عليها لكن تجي الوجبة ناقصة شي اساسي المطعم يحتاج تدخل إداري

المندوبين تحصل معه ٤ موبايلات و يشتغل في ٤ تطبيقات و اكيد بيجيك متأخر

من متى جاهز يعوضون ؟! كنسلة الطلب في اول دقيقتين مايسوونها ويتعبون العميل .. بالنهايه يقول انا اكنسلك كعميل افضل ؟!! مثلاً زي هنقرستيشن ادري الطلب منهم غالي ويطول ومندوبهم يجي معتوه الله يصلحه ! بس اطلب وانا مرتاحه لاني ضامنه لو فيه غلط بيعوضوني لو اثبت لهم بصوره ويريحوني الله يسعدهم .. لو اشتكي يوميا 🤍

والله انهم احسن من نينجا نينجا تشتكي وتصور ويقولون لك المره الجايه ما تتكرر

اول مره تأخر الطلب ساعة ونص عوضوني و الي بعده تأخر فوق الساعتين ويقول نعتذر و مافي تعويض و الثالثه طلب ناقص و نفس الكلام مافي تعويض

ماشاءالله الله يعوضه خير

مالك تطبيق جاهز رجال صاحب خلق ومحترم ويستاهل كل خير الله يزيده ويرزقنا يارب

والله من تجربتي قد وصلني الطلب مهشم والاكل مسكوب وحاولت اتواصل معهم واقولهم ماراح استلم والتواصل معهم كان معقد ولما طلبت تعويض قالي برجعها على محفظتك (عوضني بمبلغ اقل من طلبي بكثير) وطلبت يرجعها على بطاقتي لاني ما احترم تطبيق فاشل كذا، وقال ابشر وسحبها وماعاد شفتها 😂