لا تتعب ولا تشيل هم 😎 اختصار يريحك من دوشة المناديب ومن سالفة كتابة العنوان كل مرة وتجلس ساعة تشرح له المدخل والعنوان وووو ❌ وهنا شرح #العنوان_الوطني_إلزامي المختصر شرح عملي + برمجة بسيطة مني لكم بكبسة زر: • يطلع عنوانك الحالي • يرسله للمندوب كامل وواضح • ومعه... صورة البيت أو الشقة عشان ما يتوه 📍📸 اختصار الآيفون: 🔗 ولو تبغى العنوان الوطني المسجل رسميًا: خذه من واتساب سُبل الرسمي 00966112898888 📲 📸 نقطة مهمّة: في الألبوم اللي سويناه حطوا صور المدخل أو المكان اللي تبغون المندوب يحط فيه الشحنة نفس الصور اللي كل مرة ترسلونها له بالواتس مرّة وحدة… وبعدها خلاص 👌 يرسلها مع الاختصار 🤝 شوفوا الفيديو وبتفهمون الشرح تفصيلا 🎥show more

جربوا هذا .. جداً ممتاز حرفياً بضغطة زر وتفاصيل العنوان كامل مع صورة المبنى ع واتس المندوب ✅

اي بس هذا تطبيق والشرح من نفس الآيفون خدمه موجوده وبدون تطبيقات خارجيه

@fullm00n22 أعجبني جدا جدا لو جهازك آيفون راح يناسبك بشكل كبير

@fullm00n22 اي ايفون اخوي ماجد بس الطريقة افضل بدون تطبيق واي شخص يبرمجها وخصوصية تامه وبدون مساحه على جوالك التطبيق يريحك إذا ما تعرف الخطوات في الشرح ✅

شكرا أيمن على التوعية بوجود طرق ثانية تؤدي نفس الغرض 🙏🏼 الفكرة من التطبيق هي ادارة العناوين بشكل سهل ومبسّط بالنسبة للخصوصية احب اطمنك ان البيانات ماتطلع برا جهازك ابد، كل شي يحفظ داخل جهازك الايفون فقط، يعني مافيه اي سيرفر او كلاود نهائيا 👍🏻

الله يجزآكم خير ويبارك في عملكم

و الاندرويد

للامانه ما عندي علم إذا فيه اختصارات

كيف اختار الصوره من الاستوديو وكيف ارسلها دايركت في واتس؟

شرحتها بالفيديو وبعيدها كتابته اولاً تسوي مجلد في الاستديو وتسميه كذا التوصيل وتحط فيه الصور اللي للبيت او الشقة او العماره حسب انت اللي ترسله دايما للمندوب في الوضع الطبيعي بعدين تثبت الاختصار وتعدل عليه البيانات نفس الفيديو ومن ثم خلاص كذا يتعرف على المجلد في الاستديو وفيه الصور ويرسلها بمجرد ما تضغط على الاختصار اللي سويته في الرئيسية إذا ما وضحت بلغني

يعطيك العافيه بس كيف لو مابي اشارك موقعي الحالي فرضا انا برا البيت وعندي رابط العنوان من قوقل ، الشي الثاني سويت البوم الصور بس لمن اسوي مشاركة يرسل الصوره فقط بدون الكتابة

عادي الاختصار يرسل موقعك لكن إذا بغيت تحت رابط البيت تثبته هنا شوف الفيديو وتعدل على البيانات هذي لاجل يرسل النص والصور شوف الفيديو شرح توضيحي تضغط طويل على الاختصار وبعدين تعديل وكمل الفيديو

واضح جدا الشرح مشكووور ماقصرت 🙏

من الردود السريعة ف الواتساب أسهل تدخل الشات تحط علامة (/) وتختار عنوان البيت او الدوام

ما يرسل النص منسق ولا يرسل صور هذا من الاختصارات في الآيفون يعني اسهل بكبسه

الرجال ما قصر وأعطاكم طريقة ممتازة ومختصرة والردود أغلبها مو عاجبهم !!!! الناس ذولا ما يعجبهم شي

يسعدك ربي🌹😍 أبدا يالغالي حقهم احيانا المعلومات الجديده البعض يستغربها لاجل كذا فاهم وجهاتهم هم مزعوجين من التغير البسيط

سؤال كل مره يعطيني عنوان وطني في واتساب كلهم مخلفين عن الموجود في توكلنا

مافهمت إذا تقصد سبل ؟ ما يقدر يعطيك إلا عنوان وطني واحد لكل حساب وتأكد من حسابك في منصه سبل العنوان الوطني هناك تلاقي العنوان الموثق

طيب يعني اللوحة المنتشرة في الإعلانات مالها لزوم ؟

مع المناديل للأسف تتعب لاجل توصل لهم المعلومات كل شيء واضح بس استخدامهم للتقنية صعب ويجلس يدور في الحي ويجيك من الشارع خلف البيت وكأنه ما يشوف الطريق والعنوان

أيه صحيح لكن إذا العنوان من الجوال وش الفرق عن اللوحات الجديدة .. يمكن يصير مالها داعي خاصة أسعارها ما تقل عن 160 ريال النوع الصغير والجودة الأقل .

اللوحة مالها علاقه في عنوان جوجل اللوحة عليها الرقم والبيانات للعنوان حقك مشاركه عنوانك على جوجل للمندوب بعضهم ما يعرف يدخل البيانات او ما يشوف اللوحة بالأصل وبعض الأماكن ما عليها لوح نفس الحي عندنا للحين ما في لوح واللوحة انت تشتريها ويركبونها لك ما هي اجباري اخوي الأصمعي

لب لب لب لب هذا العنوان في أي مدينة ؟😁

هذا اختصار الكلام في الفيديو 😁 يعنني أتكلم إنجليزي وكذا تعرف حركات 😎

و الله أمزح معك ، إحترامي الكبير لك يا أيمن يا راقي في ردك

يا حبيب اخوك من ذوقك ولطفك وامثالك احترمهم وأقدرهم 🌹🌹

السلام عليكم اخوي ايمن والله ياغالي عملت نفس الي بالفيدو بالتمام ولكن للاسف يرسل الصورة فقط ما يرسل النص نهائي ورجعت حذفت الاختصار ورجعته ولا عدلت عملت تجربه ارسل بدون تعديل وايضا ارسل الصورة فقط بدون نص

وعليكم السلام ورحمه الله وبركاته طيب شوف هذا نفسه المهم ما تحذف الداله في خانه النص لان إذا حذفتها ما راح يرسل النص ويتجاهله 👇🏼👇🏼

ئي

مايحتاج برمجة اختصار بالكيبورد كافي

ما يرسل صور ولا الرد منسق عندي وجربته قبل اسوي البرمجه

@iAbody9 ليه صوره خلاص العنوان يكفي خاصتا اذا منزل خاص فيك

@iAbody9 اجل ما عانيتي منهم ارسل كل شيء ومع كذا يرجع يخطي ويصور لي مدخل الشارع 😤 الين صرت أحط له كل تفاصيل بالصور واريح راسي

لو عندنا جودة بيانات للعناوين، ما احتجنا كل هذا التعقيد. تفوتنا فرص كبيرة وكثيرة فقط بسبب العنوان. لو فيه جودة : شركات التوصيل بتجدول الرحلات بشكل أفضل وتوفّر فلوس أكثر في الرحلة الواحدة، ومع التحليل الدقيق للبيانات، تقدر تزيد عدد الطرود بمسار أقل، واستهلاك بنزين أقل، ووقت أسرع وتقلل من إنبعاثات الكربون وندير الزحمة في الطرقات بشكل أفضل . لو فيه جودة سيتحسن التوصيل للعميل وسيتم تحليل بيانات التوصيل بشكل أدق بالدقيقة والثانية .. يعني كل مرة يجيك طلب، يتحسن الوقت تلقائيًا بناءً على البيانات السابقة. وفيها فوائد عظيمة جدًا في قطاعات كثيرة مثل التعليم والصحة والعقار وغيرها، فقط بسبب جودة العنوان، ولا يسع المجال لذكرها كلها. لكن مع الأسف، العنوان لدينا ضعيف، وطريقة إنشائه خطأ، ولا تنم عن معيار ذي جودة. جودة البيانات ليست فقط أن العنوان صحيح، بل يجب تغيير طريقة إنشائه، وطريقة حفظه، وطريقة الربط به، وطريقة تعديله، وطريقة حذفه. جودة البيانات هي Data Lifecycle: ممارسات وروتين لجمع البيانات + تقنية + ناس فاهمين شغلهم .. كلها مجتمعة تمثل جودة البيانات في العناوين قبل أن تُوضع طوبة واحدة في الموقع.. كل الممارسات السيئة في إنشاء العناوين يجب أن تموت ويجب أن تموت كل طرق حفظه السابقة في الأقسام والوزارات والمستشفيات. وأعلم جيد أن التعديل ليس سهل لرصد هذا العنوان ولكن الفوائد عظيمة لا يراها أحد الآن ..

ان شاء الله اخوي عبدالله يصير تحديث شامل على المنظومة من جذورها