لا تجاور اخوك ولاتبني في ملك ابوك

ازق مثل سمعته بحياتي يدعو الى سواد القلوب والتفرقه كيف ماجاور اخوي ولا ابني ببيت ابوي نعنبو من يسمع كلامكم

المثل هذا صحيح ميه بالميه بالنسبه للناس اللي فيهم عرق قطع وبخل وحسد ومنه ورجالهم يسمعون كلام حريمهم اما بالنسبه للناس اللي فيهم وصل وصلة رحم وقلوبهم نظيفه ورجالهم مايسمعون كلام حريمهم المثل هذا ماينطبق عليهم بتاتا✋️

اخــوك لا تَـخــسـره لو إنـه عنـيـد يخـطـي ميـة مـرة وتسمـح له خطـاه وان كـان شـد الحبل حـاول ما تزيد ارخيه قبل الشـد يوصـل منتهـاه تــرى الأخـو مهمـا حصل يبقى عضيد وتــرى عيال العم ما عـنهـم غـنـاه الـنـاس دايـم ما تـهـاب اللي وحـيـد اللي ليّـا منّـه وقف مـحـدٍ معـآه

غير صحيح ⁉️ فلسفة غبية ليتك ساكت

اقسم بالله اني ساكن في شقه واخويه في شقه ولي 10 سنوات جيران ولله الحمد مافي مشاكل بالعكس زادت الترابط بيننا يارب لك الحمد واولاده مثل اولادي والعكس كذالك ويارب لا يغير علينا ا

الحمدالله انا مجاور اخوي ناوي ابني بيت ابوي الامور طيبة الاخو عضيد وعزوة

بغض النظر عن الكلام ، في حركة بأول المقطع قبيحة جداً واستهتار بالنعمة ، وهي حركة وصخه حقيقة.

هذي الحكمه 🙇‍♀️

المناظر في المقطع تبطن افكار خبيثه

اذا الاطفال عندهم احد يغذيهم تغذية فاسدة ممكن يصير كراهيه ومقارنات سلبيه لكن إذا الاب علم عياله على الخير صدقني ماراح يكون شيء من ذا الهلس والكلام الغلط

عن تجربة حياتية مريت بها ورأيتها فيمن حولي، أقولك إن أغلب مشاكل الأخوة والقطيعة بين الأسر سببها الحريم في الغالب، والأخوة ياما يصير بينهم لكن بالأخير يتفقون ويحنون على بعض فلا عوض للأخ.. ولا خير فيمن طاع أهل بيته على لحمه ودمه.. الميزان في الأمور نعمة.. الله يصلحنا جميعا.

هذا من الفساق خلق الله جهنم وقال ان المنافقين في الدرك الأسفل من النار والعياذ بالله انتبهوا الله أمرنا ببر الوالدين والإحسان الى الاخوان والجيران فلا عليكم من كلام هذا الأعرابي

وقالوا .. زاور ولا تجاور وهذا الصح

هذا المثل يصلح للناس اللي بهم حسد وعفانه او ناسبوا ناس ردية وجتهم خلفه ردية ولا ينطبق على الطيبين اهل النفوس الطيبه وملاحظة بعض الامثله لا تنطبق الا على اهله وهذا مثل ردي يصلح للرديان علشان ما تكثر مشاكلهم ويحسدون بعض.

كلام عقلاني وعميق منطقي جدا ً 👍 مايعرف قيمة هذا الكلام الا اللي عاشة للاسف بعض الإخوان حمقى والاخر حاسد

الإخوان مايستوون اخي مني وانا منه وعياله عيالي وعيالي عياله وحلالي كله حلاله يفداه وحلاله حلالي هاذا المثل الصح جعلني أفداه

يارجل مثلك مثل وجهك من قالك أن هذا المثل من ابائنا واجددنا هذا من مثلة سوريا و العراق والارودن هذي ماهي لنا اقسم بالله انكم مرضي عشاو شيبان اوخوانهم في بيت واحد بعوائلهم وجيرانهم عيال عهمم وربعهم حياتهم من أجمل مايكون لاتجبون امثلة قبائل ليست من طبيعتنا كل مجتمع له طبيعية

النصيحه مفيده بس المقطع اتوقع بدون قصد راجع المقطع الي يقطع الفواكه ☹️

من الاخر لاتبعد بعيد ولاتقرب قريب وملك ابوك ابعد عنه لانه راح يفتح لك مشاكل لاتنتهي مع اخوانك بعد وفاته

يالحبيب المقطع ذا تنزله بالتيكتوك مب هنا انتظر الربط بين المقطع والمثل ماعرفت لين استوعبت انه مقطع هارب من التيكتوك

تفسير المثل: _البناء في بيت ابوك لأن هذا يتسبب في مشاكل قانونية وعائلية معقدة مستقبلاً عند تقسيم الميراث بين الورثة _ السكن جوار اخوك لان خلافات الأطفال أو التدخل في الخصوصيات قد تولد حساسيات وتفسد الود.

والله انهم اصدق الحكم والمثالين شايفهم بعيني لاتجاور اخوك اصدق مقوله ثنين اخوان اعرفهم تحسهم اباء لبعض وبسبب تجاورهم لبعض فرقتهم زوجاتهم لدرجة انهم مايكلمون بعض وذا واحد حضر مناسبه الثاني تهرب منها معنهم كانوا قلوبهم على بعض الا انهم افترقوا بعدها على كره ببعض

ماأدري أنا عقلي يقبل أي شيء أو الناس يحبون الخلاف صحيح الأمثال ليست كتاب منزل من السماء لكنها خلاصة تجارب وخبرات و يجب أن نتريث ونفكر فيها قبل أن نرفضها كما يجب أن نتريث قبل أن نقبلها.

لا والله من يوم ماعرفت نفسي وانا جار اخويه وقاعد ابني في ارض ابويه والامور الحمد لله طيبه كلام فاضي يارجال اذا ماشفت اخويه يومين ادق عليه اطمن واذا جلد ولدي حقه وانا بكمل بعده اجلده القطيعه شينه يارجال

حمدلله لنا سنين وامورنا طيبيه والله يهديها

@إشارة حديث نبوي شريف عظيم رواه أبو سعيد الخدري عن النبي ﷺ [1] « #اللَّهُمَّ إِنِّى #أَعُوذُ بِكَ مِنَ الْهَمِّ وَالْحَزَنِ ، #وَأَعُوذُ بِكَ مِنَ الْعَجْزِ وَالْكَسَلِ ، #وَأَعُوذُ بِكَ مِنَ الْجُبْنِ وَالْبُخْلِ ، #وَأَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ »

كلام فاضي .. لا تخلي احد يدخل بينك وبين اخوك مهما يصير ومهما يكون ، الأطفال تربيهم على الود والمحبه والاحترام .

شغلت المقطع لأخواني وضحكو😅 الله يديمهم ويديم مجورتهم ولايحرمنا من بعض والله انهم عزوه والباب بالباب وماتصلح الجلسه لو غاب واحد

كلام فاضي وش المشكلة لو جاوزت اخوي وين الاشكالية حتى البناء في ملك ابوك هو سامح لك والشيء الي اخذته من ابوك وهو حي ماله دخل بالورث لانه عطاها برضاه

باب الشيطان مفتوح في أول المقطع 😂😂😂😂 وانت منزل نصيحة 🤷🏻‍♂️🤷🏻‍♂️🤷🏻‍♂️

افضل جار الأخ وأفضل مكان ملك الأب وخل عنك الخرابيط التي تدعوا لتفرقة الأسر وإبتعادها عن بعضها البعض

ماقالوه الشيبان فهو صحيح 100% وكلما تقدمت في العمر تتجلى حقيقة اقوالهم أمامك

لا تجاور اخوك ولا تبني في ملك أبوك ولا تتزوج من العائلة ولا تخلف اكثر من اثنين ووووو ترويج لما يريده اليهود لضرب المجتمع المسلم

ولا تضع مقاطع لا تعرف معناها وما تلمح له

طبق هالمقوله على نفسك يا الردي