🙂🙂🙂🙂🙂🙂🙂🙂🙂🙂🙂🙂 "لاتجي في محل مطير وتهدي" !! ونعم في مطير وفي يام لكن الرجال ابد ماوفق في كلامه ما اعرف الموقف كامل لكن الواضح ان يامي اهدى يامي في محفل مطيري والرجال ذا زعل لانه اهداه في حفله غرييب

اهم شيء يوم يقول نرفضها عن خويك 😂😂 عزالله ان اليامي توفق بالرد بيض الله وجهه

فعلًا ولا يقدر يردها اصلا وعيب بعد مايقبلها المهدى تقول لا نرفضها

والله ما اعرف تفاصيل الموضوع لكن اذا على كلامك يامي اهدى يامي في محفل مطيري ارى انه غلط اذا انت تشوف عادي

ماهو غلط

@N__ALMOTAIRI وشلون مهو الا غلط وغلطين كيف تهدي ولد عمك بحفل اجناب

@N__ALMOTAIRI جديده هذي والله وغلطين بعد؟ جاب قصيدة وجمل قبيلتي ما اقوم واشكره و اهديه ؟ حتى لو عند اجناب ماهو حرام ولا احد قال من قبل انها غلط

@c_llln @N__ALMOTAIRI احشم اهل المحل واعزم ولد عمك في محلك وقلطه على كرامه واهده على القصيدة اللي فمحل مطير واذكر الموقف.. اما انك تهدي في محل ماهو محلك هذي فيها منقصه من راعي المحل.. كانك تقهوي ضيوف في مجلس وانت ضيف

@hf_d8 @c_llln 👍🏻

سبحان الله هالانسان مربوش ودايم دربه عوج وملقوف يحب يظهر بالصورة وسبحان الله ماهو موفق دايم تجي على راسه ويطلع بأسوأ صورة واعتقد أن سبب ذلك إن عمله ماهو لله سبق وحاسها عند العوازم ومنع عمل الخير وانا مرسليني مطير وانا مرسليني حمران النواظر والله محد ارسلة وعسى مطير تبكيك

اليامي بلش بالمطران راح لصديقه مازن المطيري صاحب الحفل وكلمه بالسر بينهم أن المري له هدية قعود وطلع مازن المطيري على المنبر وأعلنها وطلع المطيري الثاني سعود القت وتكلم على اليامي اليامي ما يدري يلقاها من اللي أعلنها وهي سر بينهم ولا من الثاني اللي تكلم عليه وهو ماله ذنب

الاجودي هذا مايقدم في منبر والشرهه على الي قدمه اول شي ثانيا مزارق الطيب مايرد الا بمزارق الطيب ماهو بالرفض والتحكم في الريجيل كنهم تبع لك وتأمر عليهم ! لو قال هديتك تدل على طيبك وحنا نزودها هدية من عندنا لكن الخبل خبل

انا مطيري واقول بيض الله وجهك ياليامي ، عز الله انك وافي ومردك وافي والسلوم عز الله انكم اهلها وسعود القت عليه طلعات الله يهديه مالها سنع

ترا المطيري صادق كيف تهدي في محل انت حليت فيه ضيف وهذي فيها اهانة لراعي المحل كانك تقول انه شحيح المفروض اليامي انه يحشم محل مطير.. وانا اتفهم كلام المطيري انه يرفع الحرج عن ربعه ووضح انه مهدي باسم مطير لكن ان زل اليامي فالضيف له سبع زلات.. بيض الله وجيهكم والعنو الشيطان..

إذا كان الحفل خاص بقبيله وأنت ظيف فمن العيب أن تهدي شخص آخر من خارج القبيله التي أقامت الحفل.. إحترام للمعازيب . ستجد مناسبه تليق بإبن عمك او صديقك… عيب ثم عيب ان تأكل جو معازيبك لا بكرم ولا بكثر حديث ولا تتحدث عن افعال غير افعالم ولا تمدح اعداءهم ولا أرض غير ارضهم . تعلموا أو يؤدبكم عائل

بحله مطير وحفلها وتهدي رفيقك مالها راس انت ضيف ورفيقك ضيف انت كذا تحرج المعازيب هم اولى بالهدو والعطا وان تبي تهدي رفيقك لما طلعتوا من الحفل كلمه ولا واجهه واهده اللي تبي

اليامي في ذا الموقف انطبق عليه بيته اللي يقول فيه : رجعت من عندك ناقصني كرامه اليامي اهدأ للمري في محل مطير على مدحه لمطير وقبل لا يهدي استأذن من اهل الحفل واعلنها مقدم الحفل لو انك تعرف السلوم ما أحرجت مطير و ضيوف مطير وتدخلت واهنته تقول هديتك غير مقبوله تعزم الرياجيل وتنكرهم في محلك !!!!! واعيباه

الي يقولون المطيري معه حق والله انكم تسمعون بالسلوم يالرخوم 🤢 حتى لو افترضنا ان اليامي غلط بوقت الهدية تطلع على المنبر تعاتبه بهالشكل المخجل؟ وين حرمة الضيف؟ لكن بيض الله وجه اليامي الي سدد لهم يوم قال مايحول بيني وبين ولد عمي الا الموت الحمر ومقصده لو انت رجل امنع الهديه

انا يامي والضيف في حكم المضيف اما المطيري اخطأ في انه اعترض على المهدى له لأنه ليس له قرار يرفض وكان بمقدوره يحكم بكلامه على المهدي. ولو اني مكان المطيري استقمت وزدت فوق الهدو هدو آخر وجملت الماقف كله لمطير ويام كلها. والدنيا على ماقالوا سبع نعم وخير وسعه .

من عتيبي والله ياسعود انك طيب ولكن لو تسلم من بعض الشطحات انها اطيب لك اليامي يمون ومعزوم وانا اعتبر ان كل محل ومحفل حمر عين محلي واعزم وأكرم فيه

عزالله اليامي قفل ملف المطيري المطيري اشتراها

صدق المطيري وهذا العرف وسلم العرب مهما كانت الطريقه بالرفض الا ان الحق مع المطيري واليامي تعدا على الرجال

المطيري ما توفق بكلمته شدخل السلوم في العطايا !! المهم بن مانع اليامي رد عليه رد وافي وكافي السلوم حن اهلها ونعرفها اختصر عليه هطرق الي مالها سنع وفي غير محلها

اليامي غلطان بختيار الوقت والمكان والمطيري معه حق لكنه ماوفق بالكلام وبالاسلوب

كلام المطيري صحيح. ولا احد يتعدا على ضيوفه لا بشر ولا بخير إلا يستأذن من راعي المحل.

اليامي اهدى ابن عمه بينه وبين ابن عمه ماتكلم ب المكرفون وقال يالربع تراني أهديت ابن عمي في محلكم ، الكلام المنطقي منطقي ، المطيري تلقف على المايكرفون وقال بيض الله وجه اليامي اهدى ابن عمه ، من المفترض اللي مسوي زعلان ذا يقول بيض الله وجهك ياليامي وزودٍ عليها عندي لابن عمك هديه .

ابن عمي ما يحول بيني وبينه إلا الموت الحمر ،، اختصرها اليامي وعليه بياض الوجه

كلام اليامي كفو والمطيري مخطي وضايع ومثل ضروري يجلس في كل حفل صامت ولا يسمح له بالكلام ابدا 🤫🤫🤫🤫

(( يا سعود السلوم حنا اهلها ونعرفها وابن عمي ما يحول بيني وبينه إلا الموت الحمر ))👏🏼 اسمي عزیز وخاطري وسطه حسوس
ودي ولا ودي وأخاف الملامة

ولولا حكي الأذناب ومعاتب الروس
والله لأخليها على اسمك علامة

الوقت شين وحدّه أقوى من الموس
والطيّب الله لا ينزل مقامه

هذا اكبر دليل ان هذي العزايم ماهيب لله وكلها رياء وهياط

🔻لحظة - هذي السلوم عوج وهياط وانتهت عند أهل العقول الفهيمه وانا لا اعلم منهو المعزوم وسبب التكريم ولكن هذا ردي - إذا مطير تشوف أنه تعدى عليهم يبقى اليامي ضيف وهديته لأبن عمه ماترد احتراماً له ولأن الضيف يامي وماراح يسكت وهم رادين هدية ابن عمه انت كذا اسأت للضيف اللي بتكرّمه ، المسألة عقل - يتم السماح بالهدية ومن ثم يطلع رجال عاقل يوضح أن اليامي تم تكريمه بهدية وأنه تم السماح لليامي الثاني بتكريم ولد عمه احتراماً له ولو كان فيها تعدي ولأنه ضيف ومشيناها ولو انها ماتمشي - الواضح أن المطيري كرّم اليامي في محل غير محل الحفل ويوم جاء الحفل بلش والناس يحسبونه ماكرّمه وهنا قبعت ياعمر 😁

طيب يامطيري يامعزب مفروض قدرت هدية ضيفك اليامي لابن عمه مافيها شي بالعكس بيض الله وجهك الي جمعت عيال العم عندك وخليتهم يهدون بعض انت سويت خير ولك اجر تقوم تطمر بين عيال العم وهذا حفلنا ليه تهدون بعض فيه والله يابعض التصرفات تخجل منها وانت من خلف الشاشه عيب

والله مايدري وين السلوم فيه المطيري هذا وده يجيب شي محد جابه قبله لكن يجيب العيد في نفسه اليامي يهدي ولد عمه لانه فعل طيب والهديه ماتقدم الا في كل مكان طيب (لاتسمجون محلاتكم بضعوف معقولياتكم ) لاتسوون مثل هذا اللي يعترض على هدية طيب الراس اليامي

شكل الهدية اجزل من هديته أجل يرفضها عن خويه ؟ هذا ضيفك لابد تحترمه لنقول إن اليامي قال قصيدة جزلة في مطير و يام ( وهم يستاهلون ) وشاش رأس ابن عمه انه جمّله قدام اخوياه مطير و أهداه وين المشكلة ؟ ما وفّق بكلامه و ردّه للهدية ابو أعراف غلط عليه و تعدّا على حقوق غيره

اليامي خطا من غير قسط و سعود خطاه اطم و اكبر انت معزب و اليامي ضيف عندك حتى لو اخطا ما تعرض الضيف بشي يحرجه قدام معازيبه و لا له لزوم تكبير السالفه الضيف له حقوق و مثل خطا اليامي ذا ماله لزوم انك تحرج ضيفك في محلك و انت معزبه

ونعم في القبيلتين و أنا من خارجهم لكن الخلاصة لمن لا يفهمها : لا تحاول انك تصير أكرم و أطيب من المعزب مع ضيوفه عندك محل و جوك ضيوف تجمّل و إلا تردى بكيفك لكن بضيوف غيرك لا

المطيري حادر له وادي. وش عليه لا اهدى بن عمه. كلا فعله قدام وجهه. وانت يامطيري ماحد مانعك تعزم ولا تهدي هذي هديه رجال لابن عمه. اليامي راعي السلوم والعلوم المتعبه. لكن القت حادر شعيب ورد عليه راعي المحل واليامي رد مختصر ومسكت

المطيري كفو واليامي كفو لكن غلط انه يهدي ابن عمه عند الأجناب في حفلهم وغلط على المطيري انه طلع يتكلم قدام الموجودين كلهم ويحرج اليامي المفروض انه كلمه على جنب

المطيري ابو غتره بيضا فشل ضيفه وفشل ربعه اليامي مستاذن من راعي المحل وكان معلنها بينهم بالسر بس راعي الحفل اعلنها قدام الناس للامانه ماتوفق اللي تكلم

السلوم حن اهلها ونعرفها👏🏼👏🏼👏🏼👏🏼

المطيري ضايع لا هو بمهدي ضيفه ولا هو بتارك ابن عمه يهديه قوزها على راسه ثم سرا بها

مطير "حفارة الجليب طقاعه في يد الصحيب" .