لازم يتحاسبوا 😡😡😡 #السودان

المنتخب الوطني ليس مكاناً للعشوائية والاجتهادات الفردية. ما حدث في موزمبيق يجب أن يكون جرس إنذار لمراجعة طريقة إدارة المنتخب والاتحاد السوداني لكرة القدم. المنتخب يحتاج إلى مؤسسة تعمل بخطة واضحة، إدارة محترفة، وكفاءات قادرة على التخطيط والتنظيم وتحمل المسؤولية. إذا كان الهدف بناء منتخب قادر على المنافسة، فلا بد من تغيير حقيقي في أسلوب الإدارة، وضخ كفاءات جديدة، ووضع مشروع طويل المدى لتطوير كرة القدم السودانية. السودان يستحق إدارة تواكب طموح منتخبه وجماهيره

@Omer_09162 الموضوع والله اكبر واعمق من الإتحاد. الموضوع موضوع سيستم وعقلية ماشين بيهو في السودان في كل المجالات من أعلى قمة الهرم إلى الأسفل، كل شي ماشي بالبركة بس. والحرب الهسي مدورة دي سببها الاكبر العقلية الماشين بيها من اول يوم بعد الاستقلال. عقلية ليس ليس يطلع كويس!

العقلية الفي الاتحاد ما زالت بتتعامل بي نفس النهج القديم نشارك من أجل المشاركة ، اذا اتاهلنا بناخد قيمة المشاركة ما اتاهلنا ما نكون خسرنا علي المنتخب غير راتب المدرب الأجنبي، في حين انو دول كتيرة افريقيا خططت ونتائجها ظهرت في ظرف ٥-١٠ سنوات والراس الاخضر خير مثال

كفيت ووفيت والله خذلان للوطن واللاعبين غير ملامين ابداً اتحاد مهازل

تحياتنا لك اخونا المحبوب ايمن ومن عبرك نحي اللعيبة والجهاز الفني ما قصرتوا والله لعبتوا واجتهدتوا ولو لا الإرهاق كنتوا بتجيبوا نتيجة مشرفة -الاتحاد دة يتفرتك طوبة طوبة ديناصورات رمم اوسخ اتحاد في أفريقيا ياخي نحنا في 2026 مافي1961 ما قادرين تجيبوا طيارة؟ فضحتونا الله يفضحكم

الفساد في طريقة الانتخابات الاتحادت المحلية مرتشية ويمكن تشتريها بي سفرية نثرية اسامة عمل وكالة سفر و يلعب بي دولارات الفيفا ومشغل اولاد اهله في الاتحاد اسامة عضوية أمانة الشباب في المؤتمر الوطني ومعاه كتار مافي معارضة صحفيين ديل ليهم سنين مجدي شمس الدين و معتصم جعفر

البلد وخدمتك المدنية وقطاعك الخاص ، كلهم غير مبنية على عقلية الاحتراف !!!

لازم شديد اتحاد الفساااد

كابتن ايمن أعانك الله واعاننا علي مرارات بلادنا

لازم والله

لازم البحاسبهم منو هم عارفين الحاصل كلو ومقصرين عمدا

من المؤلم أن يخسر منتخب السودان بهذه النتيجة الثقيلة، ولكن ما يجعل الألم مضاعفاً هو أن الخسارة بدأت قبل المباراة بأيام! مباراة الخسارة بنتيجة 1-4 من منتخب موزمبيق في مابوتو هي من المباريات التي بدأت بخطأ إداري جسيم ليدفع فيها الجهاز الفني واللاعبون ثمناً غالياً بعيداً عن روح كرة القدم ومنهج المنافسة العادلة! نأمل ألا تؤثر هذه الخسارة على باقي مشوار التصفيات.

يا زول اتحاد شنو البتتكلم عليه انت، هي الدوله كامله عايزه محاسبه من المهازل البيعملوا فيها ديه . السودان الجاته تختاه

المشكلة المرتشين في الاتحادت المحلية باستثناء إتحاد الكاملين حاولوا يغيرو شي #اتحاد_اللقيمات اتلاعب عليهم وجاب الفاسد سيف الكاملين التغيير يبدأ من تغيير طريقة الانتخابات غير كده مافي حل لجنة إزالة التمكين دخلت أسامة الحراسة وطلع بعد التزم بسداد دولارات الفيفا لكن هرب للخارج

ياحبيبناماف واحد يشتغل بكلامك لك التحية بس معروف اتاحدنامن قمنابنفس الحال المنصب عندهم شي مقدس لانوبوفي مفتوح تاكل تاكل كل م كان شهيتك مفتوحةتاكل

إقالة جماعية.. ليس محاسبة

والله يا كوتش كلامك صحيح

مهازل فضايح تتواصل وماف اي محاسبة زي ما انت قلت الحقيقة غيرك ممكن بي رشوة صغيرة يلون الحقايق ويبرر ويطيل للاتخاد

يا كابتن انا زمان زمن المنتخب ماسكو مازدا كنت نازل من هولندا وغيرت في اديس وكان المنتخب جاي برضو من سفرية افريقية وكنا حا نركب نفس الطيارة للخرطوم، وقلت لي مازدا ياخي انتو حاولوا اتواصلوا مع اللعيبة الفي اوروبا ديل في كل المراحل السنية لأنهم مؤهلين تأهيل مؤسس وبفيدوا المنتخب. 👇🏼

يا ايمن اخوي كل اتحاد الكوره عجايز ، وعقليتهم كلها قديمه ومتحجره ، وكل زول فيهم عامل نفسو فاهم كوره احسن من التاني، ياخ ديل مدارس للكوره معارضنها

لابدة من ثورة ضد اتحاد اللقيمات

@Derwish249 لازم بيتحاسبو صح

هذا المدعو معتصم جعفر والخره الثاني الأسمو اسامة عطا المنان ، اصلوا لا يوجد أشخاص مؤهلين غير هولاء اللصوص لكي يديروا اتحاد الكرة ؟ ياخ بلد حاكمنها عسكر ما منها فائدة 😡😡

على حسب امكانياتنا ي الجخس مصاريف السفر أولى بيها الحرب والجيش نحنا ما ملائكه

للأسف في ناس بدمرو المنتخب عنية... الله ينتقم منهم.. لاقاك زول بتحاسب في السودان

يا كابتن مكانك الإتحاد أنت 🩷

متفقين انهم لازم يتحاسبوا. بس مييييين اللي ح يحاسبهم يا كابتن ؟؟؟؟

لَقَد أَسمَعتَ لَو نادَيتَ حَيّاً **** وَلَكِن لا حَياةَ لِمَن تُنادي

استقيل انت لانك.مستني حاجة كويسة تطلع من السودان

الله المستعان الاتحاد ده طموحو المشاركة فقط

يعني مفروض اتحاد الكيزان الحراميه يستقيل ثمح