لما ترتضي لي نفسك تكون واصل اقصى درجات الوضاعة والتفاهة والعمل ضد سيادة بلدك ومصالح مواطنينها ياهو بعاملوك زي المعاملة دي.. سألو جعفر قالو ليو اتوصلتو مع قيادة الدعم السريع، قال "ادونا مناديب نتواصل معاهم" ولما سألوهو من الرد قال "قالولينا ان شاء الله بنشوف الموضوع".. بالله شوف الناس... ديل واصلين درك سحيق كيف من عدم ادراك الكارثة الدخلو فيها البلد ودخلو فيها هم زاتهم، ونتذكر انه ديل ناس كانوا بحركوا جماهير ثورة ديسمبر بي تصريح وبيان وبوست، اسي بالله ما قادرين يصلو الارهابيين حميدتي وعبد الرحيم ولا قادرين يرسلو بيو رسالة ڤويس واتس بالتعمل فيو قواته من كوارث ومآسي ونكبة كل ساعة بالسودانيين والسودانيات، لأنكم يا رمم ناس كنتو واقفين صف قبل تلاتة شهور عشان تلقو فرصة سلام وصورة مع الارهابي السفاح ووقعو معاو ورقة شرعنة استباحة ارتكاب مقتلة الجزيرة وتهجير أهلها زي ما عملوا في الجنينة، وهو المتهم بارتكاب ابادة جماعية وتهجير قسري ودفن سودانيين احياء، بعد دة ارتضيتو تقعدو معاو. وبعدين الواحد كان يتمنى الوضاعة ما تقيف هنا، لحدي ما قال انه الفي الجزيرة انتهاكات حقيقية، لانه بتجيهم معلومات من الواطة وتلفوناتهم ما بتسكت!!! ياخ الله يلعنكم واحد واحد، يعني السودانيين الفي الجنينة وفي اردمتا وفي كتم وفي كبكابية وفي زالنجي وفي نيالا وفي ام روابة وفي الدلنج وفي بابنوسة وفي هبيلا ديل ما ادنتو الجرائم والابادة اللي تعرضو ليها ولا الاستعباد الجنسي اللي تعرضت ليه حرائر السودان عشان ما عندهم ارقام واتس اب بتاعتكم؟ ذنبهم شنو انه ما بعرفوكم ولا يوم لاقوكم؟ هو دة خارج سياق المأساة الوطنية والنكبة دي كان حيكون شرف عدم عرفة نوعيتكم دي من السياسيين، ياخ خميس ابكر كان بعرفكم ووقع معاكم الإطاري المأفون، هل اتهمتوا من قتله ومثّل بجثته؟!! ياخ اعوذ بالله منكم ومن نوعكم دة.. وبعدين جعفر خلاص داير يبقى كنتة فبحاول يقلّد اسلوب خطاب ياسر عرمان!! الله لا جاب عقابكم! السيادة والبقاء والرفعة للدولة السودانية #بقاء_الدولةshow more

Ahmad Shomokh

14,154 subscribers

Teilen Herunterladen