لو أنت مكان المعزب كيف تتصرف؟…

تصرف المعزب هو الصحيح و عين العقل و الله ما طردت ضيفي لو هو ذابح ولدي بيض الله وجه المعزب و الله يصلح بين الشاعر و ولد عمه

بيض الله وجهك و الشاعر مافيه خير يبا يطرد ولد عمه ويقلل قدره قدام الريجيل

لا حول ولا قوة الا بالله عداك العيب كفيت ووفيت والغلط من الظيف

الضيف يجلس بأدبه ماله حق يطلب شي الا شئ يخصه انت على فراش الناس مو من حقك تملي عليه من يستقبل ومن يطرد

الخطاء من الضيف. والمثل المعروف. الضيف. في حكمة المعزب.

ان صحت القصة فإن الغلط من ضيفك لم يقدرك ولا قدر الموقف. بالعكس لو جلس حتى قدمت العشاء وقلت حياكم الله على واجب فلان لكانت رفعة شأن له ومحسوبية قدام ولد عمه المتخاصم معه ولكن ضيفك مايعرف مواجيب الرجال ولا يحسب للعواقب

الغلط على الضيف مير ليتك عذرته وقلت لضيوفك صار له ظرف وروح. مو تقول انه طلع زعلان وتشمت به ابن عمه

الليا بغيت اتسوي للشخص امتحان امدح ولد عمه وشوف الوضع كيف ان شاش راسه فعرف انه حصان وان انكتم واغتاض فعرف انه ضعيف

اذا كان المضيّف يدري بالمشكلة اللي بين الضيف وابن عم الضيف وعازم ابن عم الضيف فأكيد غلطان المضيّف وإن لا فالغلط على الضيف

طرد لا تطرد احد وخله يروح ما يشوف شر. صار عنده ظرف و خلاص. والمفروض الظيف يكون اعقل من كذا لان الرجال ذابح لك ومقدرك وتحطه في موقف محرج