لو كنت مكانه… تشتري الشقة أم تستمر في الإيجار؟ ولماذا؟.

يشتريها افضل في النهاية ملك له ولا يقعد طول عمره ايجار ماله نهاية

كلامك صحيح 100%… العرض متوازن بالنظر إلى القسط وما يتبقى له من دخله، والمدة معقولة جدًا، خصوصًا إذا استعان بخبير لفحص الشقة قبل الشراء.

وعليكم السلام استمر بالسكن بالايجار الشهري 1500﷼ . اطرح منه 5900القسط الشهري للشقة التمليك . وادخر شهريا 4400﷼ اجمعها في سنة سنتين وزع استثمارك في الذهب والكاش. ان تكون في سعة من أمرك عشرة سنوات ، خيرٌ من أن تكون في كماشة الأقساط عشرة سنوات . لا تدري ما المستجدات المالية الطارئة! لا تدري ان كان الشركة تخفض راتبك 3000﷼ . لا تدري ان كان يصير عليك انهاء تقاعد . فكر لبعيد ، اسثمر ما في جيبك . لا تقسط للبنوك. عيش في سكن على قد امكاناتك. احرص على الادخار بشكل دائم . #اعتدال_السباعي

ال٥٧٠٠ اللي بتدفعها قسط اخصم منها حق الايجار وجمّد الباقي في حسابك كل شهر تكون مخصومه ولكنها ادخار لمحفظتك لمدة ١٠ سنوات يصير عندك ٥٠٠ ألف ﷼ حلال زلال بدون فوايد وقلّة حيا ، لأنك لو بتقسط ٥٧٠٠ بيصير المجموع ٧٠٠ ألف تقريباً، فلذلك انت الأحق بهذا المبلغ ليش ياخذه منك البنك ؟

انا اشوف فرصه وتفتك من الايجار وغثاه وبيت يضف اهلك لو جاك شيء اشوف تملك البيت اهم شي ف الحياه للام والعيال وبلقي الراتب ان شاء الله يكفي

الفرق بين الايجار والتملك ٤٢٠٠ ريال إذا كنت ممن يروح راتبه الشهري في خرابيط قهوه ٤٠ في ٣٠ يوم ١٢٠٠ ريال فطور غداء عشاء ٥٠٠٠ ريال هنا اقول خذها وتبي تعرف ان هالقهوة والمصروفات الضايعه ضيعت منك تملك الشقه

أيضًا، لو كانت مصروفاته كثيرة، يمكنه أن يبقى في شقته الحالية بإيجار 1,500 ريال شهريًا، ويؤجر الشقة الجديدة بـ3,500 ريال؛ فيحقق منها 2,000 ريال شهريًا، وبذلك تنخفض تكلفة القسط الفعلية عليه من 5,700 إلى 3,700 ريال فقط…

خذ شخصي ٢٨٨الف وقدم عقاري اذا عندك دعم خذ ١٠٠ الف بيكون معك ٣٨٨ الف وخذ قرض عقاري ١٠٠ الف على ١٠ سنوات وبكذا اول مايمر على عقدك الشخصي نصف المدة خذ اعاده وسدد قيمة ١٠٠ الف العقاري وتكون خلال سنتين امتلكت شقه بدل ماتجلس تدفع كم سنه ولا بعد قسطك الشخصي مازال نفس ماهو والعقاري انتهى

خذ ولا تشاور اضغط على نفسك وفي الأخير تتملك سكن لاتسمع الي يقول عش مستأجر وبسط نفسك وبعد مايروح العمر وتخلف عيال ماتقدر تملك غرفه

اللي راتبه 16 لا يحتاج للبنك ولا دعم حكومي بحسبه بسيطة حط كل شهر على جنب 10000 في 12 شهر يساوي 120 الف في 5 سنين 600 الف كذا تشتري احلي شقة وبنفس الوقت ريحت دماغك من هم الدين يقعد معاك 20 سنة.

لو كنت أنا مكانه .. استمريت بالإيجار سنوات وادخرت من راتبي ٣٥٠٠ شهريا بحساب ادخار .. خلال كم سنه باكون جمعت مبلغ وبعدها اشتري الي ابي بدون قروض ولا خصومات من الراتب .

اذا الشخص متوازن في مصروفاته يتوكل على الله العمر والسنين تجري اعرف واحد اخد قرض ويسدد ٩٠٠٠ ريال شهرياً وراتبه حول ٢٠٠٠٠ ريال ولمدة عشر سنوات وسدد واموره طيبة حاليا ولله الحمد ،،

مجنون انت ،16 الف تروح تعطيه البنك عشان شقة! خل 10 الاف ريال لك عيش فيه يبقى 6 الاف ريال تقسمها بين ايجار و الباقي تجمعه طبعاً ما يكون رقم ثابت. وعلى حسبتك الحاليه يكون ايجار 1500ريال اللى تجمعه 4500ريال يعني في 5سنوات بيكون معك 270الف ثم خذ بعدها قرض شخصي بكون المجموع 500الف

ولاتفكر طالما إيجارك ب1500 ريال خلك بالإيجار والشقة اللي معروضة لك ب590 من 6 شهور إلى سنة بالكثير ستجد قيمتها تصل للنصف مع إنهيار بالون سوق العقار المفتعل وأنظر الآن حال السوق شبه متوقف فنصيحة لاتفكر ومعليك من المسوقين والمعززين اللي بالمنشن فمنتصف 2027 ستستمتع بصياحهم وعويلهم.

اللي يقدر يبعد عن البنك وقسطه يبعد بقدر ما يقدر والله حراميه وفوائدهم عالية وكسر ظهر 😵‍💫 الجمعيات افضل بس يبيلها صبر وخطة من بداية العمل والوظيفة

اخذ لك ارض وابنيها وسوي لك شقتين باب منفصل لحاله واجرة وانت بل فايدة اذا 5700 القسط لا تفتطس فكر فيها صح حتى لو دفعت ع 20 سنه عندك مدخول ثاني

نصيحة لكاتب الرسالة: جرّب 6 أشهر تحوّل مبلغ قسط الشقة لحساب آخر وتعيش بدونه، وشوف هل تحتاج ترجع له وقت الزنقة. واعمل إكسل بكل مصروفاتك الشهرية والسنوية بعد تقسيمها شهريًا، ثم شوف كم يتبقى لك بعد القسط. بعدها القرار بيكون أوضح بكثير.

النصيحة اذا وجدت أرض ولو ٣٠٠ متر وتسوي فيها دور تأسيس على دورين أفضل بمليون مرة من الشقة

اشتري افضضضلك

اشتري فيلا صغيره مساحتها ٢٥٠. ولا اشتري شقه على الاقل. أملك الارض والمبنى. دورين او ثلاثه افضل من اخذ شقه لا يوجد فيها خصوصيه من الموجودين بالشقه او الجيران. مستحيل اشتري شقه إلا إذا كانت استثمار فقط

لو مستأجر ٢٠ سنه بنفس السعر او قريب وبدون تحمل تكاليف صيانه وصبغات ومشاكل السطح وتهريب المطر راح تتكلف ٣٠٠ الف بيجيك اللي يقول بس ملكك بعدين تبيعها قوله العمارة بعد عشرين سنه او خمسة وعشرين بتكون محتاجه هد اصلا وشقتك معلقه بالسطح ولكن الرأي اشتر قطعه ارض صغيره وشوي شوي ابنها

١٥٠٠ = عشر سنوات ١٨٠،٠٠٠ مائه وثمانون الف ٥٧٠٠= عشر سنوات ٦٨٤،٠٠٠ 🥲🥲🥲🥲 ——- لكم الحكم !!!!!!!!!!!!!!

اغلب الردود تحب تسولف ولا يفقهون حاجه نصيحة اخ اذا الشقه ممتازه وناسبتك انت واسرتك الكريمه لا تفوتك ابدا راتبك ممتاز وبترتاح من عناء الاجار و 10 سنوات وانت مخلص باذن الله الي يقولون بيطيح العقار والله الكلمه هذي اسمعها من 25سنه من الدلوخ للاسف وكل ماله يزيد العقار

كلها حول بعض الشقه بتطلع عليك فوائد الشقه 194000 وبعد عشر سنوات ماراح تجيب راس المال اجار خلال 10 سنوات 180 الف وكانك يابو زيد ما غزيت وعندما يكبرون عيالك ماراح ترتاح في الشقه تبي بيت الصح تشتري ارض وتحاول تبني دور وبعدها يكون عندك مجال تتوسع

غير صحيح ماقيل يقلك البنك قيمتها بعد الدعم ٤٥٠ الف ولكن بعدما توقع العقد تكتشف انها فوق المليون وحسبتهم لك غلط اذا القسط ٥٧٠٠ لمدة عشر سنه يطلع المبلغ ٦٨٤٠٠٠ من وين حبت ٤٩٠ الف انتبه بعدين تستشير نفس الي تشاورهم الان من ضخامة العجز المالي الذي سوف تعاني منه ويقلون لك كد سيارتك والا اشتغل بتوصيل الطلبات لذلك نصيحتي لك ولغيرك الي بتدفعه طوال هلمده للبنك ادخرها وراح تشتري فيها فيلا كاش العقار في نزول قوي لكثرة العروض وقلة الطلب وسوف تصبح العروض اضعاف مستقبلاً .

جرب شهر أو شهرين واسحب من راتبك ٥٧٠٠ ريال كانك اشتريت ولا تصرفها ابد وشوف الصدمه اللي بتجيك اذا بتاخذ شقه حدها في القسط من ٣٠٠٠ الي ٤٠٠٠ وبس. اذا شايف ٥٧٠٠ عادي خذ فله احسن لك لو قصدها ٦٠٠٠ريال .

اخذها وانت مغمض .. واعتبرها استثمار طويل الأجل ..

نصيحة مجرب خذ مرابحة وخذلك قيمة ارض صغيره حتى لو ٢٠٠ متر وقصد خمس سنوات مع الايجار الان ال١٥٠٠ وبعدين سويلك رخصة على ٣ ادوار او دورين وملحق وابني دور واسكن بمرابحه بعد خمس سنوات كله بيصير ١٠ سنوات وبيت لحالك افضل من شقه وقصد اقل وفايده اقل والله اعلم

الشقة جحر ضب ماتصلح للعوائل تصلح للي مقزرها عزوبية ويكون ماجرها بس اللي يبي يكون عايلة انصحه يشتري بيت كامل واذا مايقدر ياجر بيت كامل نصيحة محب لاتقول غالي او رخيص تذكر ان البيت استقرار لاسرتك اذا توفيت المؤجر يطرد اسرتك بعد وفاتك بسبب الفلوس 👌🏼

لا تشتري شقه نصيحه. اذ كان لبد من الشر في اشتري دور احسلك مستقل عشان متعرف من بيكون حارك في السقق وريح تحصل معنات

إذا عندك عائله فوق ال 5 لا تحرم نفسك وعيالك ان يتمتعوا. براتبك وتعيشهم في خير عشان ماتستأجر ب 1500 واذا اقل من هذا العدد والراتب مافي اقساط وبيصفى اللي يكفيكم توكل على الله والله يسهل لكل مسلم

قبل ماتشتري حاول تعبي السطح مويه بعد ماتسكر فتحات التصريف والمويه تكون معبيه السطح الى نصف النعله يعني اذا حول ماينزل مع باب السطح وصبر يومين اذا ماطلعت المويه مع الافياش اللي داخل الغرف وتوكل على الله وشتر . هذي افضل طريقه تختبر فيها المبنى بشكل عام . بعض الناس مايسمح لك بهذا الشرط اذا ماسمح لك صاحب العقار ( انحش )

والله العظيم من أسافر خط أفكر بكمية الأراضي الفاضيه وأستغرب أسعار العقار الفادحه جداً ومع ذالك ازمة لكل شاب يتملك بيت ملك له ويستقر ، مو معقوله يكافح بشبابه وينضغط سنوات وما يتملك البيت الأ بعمر الخمسين ياربي رحمتك .

نصيحة لو وجدت بقيمتها قطعة أرض خذها افضل أو خذها اذا مميزه. السعودي والتوفير خطان متوازيان لا يلتقيان أبداً والله راتبك لو ٤٠ الف لن توفر لن توفر لذلك أسلم طريقه أنك تتجه للالتزام بوضع جزء من راتبك في صفقات عقارية تكون لك مكسب فيما بعد وأصل تعتمد عليه للوصول للحرية الماليه .

في النهايه بيت ملك لك احسن من الايجار ولا تدري اي وقت يرفع عليك المبلغ اضغط على نفسك وتحمل بس ترتاح وأنت احسن من غيرك

خذها واجرها وبالاجار ادفع 1500 اجار الشقة اللي انت فيها والباقي في حسابك واذا خلصت العشر سنوات انتقل لها

طلع قرض شخصي بيعطونك حول 250000﷼ مع مبلغ الدعم 100000﷼ بتصير 350000﷼ تدفعها في الشقة يتبقى عليك من سعر الشقة 240000﷼ قسطها على 15 سنة بتنظغط اول 5 سنوات لان عندك قرضين شخصي وعقاري وبعدها تسهل عليك