ليش ما ننصح بتغيير فلتر الزيت السيفون كل ٥ آلاف كيلو..

الهبد اللي ماله حل، تحتاج تاخذ دوره في اساسيات الهندسة الميكانيكية وتتعلم ان انسداد الفلتر يقلل من سرعه مرور الزيت لاتمام عملية التزييت بالشكل المطلوب في التصميم للمحركة او المعدة. تغيير الزيت كل ٥٠٠٠ للمركبات اللي مصممة على تغيير الزيت كل ١٠ الاف يعتبر خسارة على الفاضي، ولكن عدم تغيير الفلتر للمحركات القديمة الي مصممه على تغيير الزيت كل ٥٠٠٠ كلم راح يقصر عمرها. ذكرتني بمن قال (فويل للمصلين) وسكت ولم يكمل الايه.

معي سيارة ماشية 560الف على يدي من الوكاله ووقيرها CVT لا جاها مشاكل ولا توظيب السر في غيار الزيت كل ٤٥٠٠كيلو مع السيفون الاعتماد على زيت اصلي فوكس او كاسترول ما طبها بترومين و زيوت الطبخ هذي اهم شيء سيفون وكالة لا تاخذ الي عند البنشر و القير غير زيته كل ٤٠الف بالفلاتر وكالة.

لا تشرب مويه وخلك ايام وايام عطشان على شان لما تشرب وانت ظمئان تحس بطعم ولذة المويه

والشوائب وش سببها ليه ما نعالج مشكلتها بدل ما ندمر المكينة اكثر بالاستمرار على فلتر زيت مسدود ولا ننسى اهمية فلتر الهواء يعني اذا كان جديد راح يدخل ذرات غبار اكثر؟ زي الي حاط كمامة على فمه وما تضبط الكمامة الا اذا لمت غبار وقتها يصير التنفس ممتاز

باخذك على قد عقلك (المنخل) يبدا يصغر ويبدا التدفق يقل وكل صبه بيقل التدفق لين تسع صوت العمود 😂😂

طيب وتدفق الزيت وش اخباره من خلال الفلتر ولا احط فيه شوي حلتيت وتزبطة

سيارتي لها ٢٠سنه كل تغيير زيت معها سيفون ومكينتها بسم الله عليها ورده 🌷 الناس هذي بس تهبد

زيت جديد مع فلتر جديد معناته شوائب أقل.. عمر الفلتر من عمر الزيت فكلما انتهى عمر الزيت الفلتر ينتهي لان الشوائب اللي بالفلتر ترجع للزيت الجديد في حال لم يتم تغييره وتوسخه اكثر بسبب دائره الزيت (الراجع) وبكذا بتضطر تغير الزيت مع الفلتر في فتره اقصر ومسافه اقصر اسمه فلتر ليه؟

تدري إنك لما تغير فلتر زيت الماكينة كل تغيير زيت على 5 آلاف كيلو أنت ما قاعد تدلع سيارتك؟ أنت قاعد تزيد احتمالية احتكاك المحرك، وأيضاً قاعد تصرف فلوسك على الفاطي. إي نعم، الفلتر القديم أحياناً أفضل من الفلتر الجديد في تنقية الشوائب! في هالفيديو بشرحها لك بالعلم الميكانيكي والمنطق الهندسي. لا تنسى تصلي على نبينا محمد، اللهم صلي وسلم عليه. الفلتر الجديد لما تركبه، تكون المسامات بالألياف الورقية اللي داخله وسيعة، وأيضاً نظيفة زيادة عن اللزوم. لدرجة إنها تمرر جزيئات الكربون الشديدة الدقة مع الفتحات هذه دامها نظيفة. لكن بعد ممشى 3 إلى 4 آلاف كيلو، تبدأ المسامات والفتحات الكبيرة هذه تنسد جزئياً ويتراكم فيها الشوائب. وهنا يبدأ دور المعجزة الهندسية بصناعة الفلتر؛ كفاءة الفلتر تبدأ لما يتراكم فيه نسب من الكربون هذه. يبدأ الجزيئات الصغيرة جداً تمسكها الفتحات لأن الفتحات صغرت، وما صارت تمرر الجزيئات الصغيرة جداً. يعني هنا الفلتر يصير قادر على إنه يحجز الشوائب الصغيرة جداً اللي بالميكرون. لما كان جديد، كان يمررها هذه اللي بالميكرون، بس لما بدأ ينسد، هنا تبدأ تحجز كل الشوائب. يعني فلترك القديم قاعد يصفي الشوائب أفضل من الفلتر الجديد! لأن الفلتر القديم صارت المسامات فيه صغيرة جداً وما تسمح للشوائب الدقيقة جداً إنها تمر من خلالها. السبب الثاني والرئيسي والمهم، وعشان كذا نقول لكم لا تغيرون فلتر الزيت كل تغييرة زيت، هي: "التشغيل الجاف". الفلتر الآن موجود في سيارتك مليان زيت ومضغوط وفيه بلف مانع رجوع الزيت إلى الكارتير. يعني مع أول دقة سلف، الزيت جاهز إنه يوصل لأجزاء المحرك. لكن بتغييرك للفلتر، لما تركب فلتر جديد، راح يكون مليان هواء. الطرمبة راح تأخذ من 3 إلى 7 ثواني لين يعبي الفلتر هذا بالزيت، ويوصل الزيت إلى أجزاء المحرك العليا. لا تهاون أبداً بالـ 7 ثواني اللي يتعبي فيها الزيت ويوصل لأجزاء المحرك. لأن الـ 7 ثواني هذه، تلف عمدان التيمن فيها 1000 لفة تقريباً بالدقيقة على ما تشتغل السيارة. يعني عمدان التيمن قاعدة تدور على حديد بدون تزييت! إلى أن يبدأ الفلتر يتعبي بالزيت وتمتلي الممرات بالزيت، هنا يوصل الزيت إلى رأس المحرك. وتكرار العملية هذه كل 5 آلاف كيلو، أنت قاعد تزيد من احتمالية احتكاك عمدان التيمن، احتكاك التكايات، السبايك. مو معناها إنك كل 5 آلاف كيلو تغير فلتر الزيت معناه راح تخرب سيارتك، أو ما خربت إلى الآن معناه هذه طريقتك صح، لا. هذه طريقة مثبتة علمياً، وحتى لو تبي تتأكد، افتح كتالوج سيارتك. في أغلب الكتالوجات يقول لك: فلتر الزيت يتغير على 10 إلى 15 ألف كيلو، ما قال لك كل 5 آلاف كيلو. لأنه كفاءة الفلتر ترتفع بعد ما يبدأ ينسد من الجزيئات الصغيرة هذه، هنا كفاءة الفلتر تجيك 100%. المهندسين اللي صمموا فلتر الزيت، صمموه على أن طاقته الاستيعابية تتحمل أوساخ من 10 إلى 15 ألف كيلومتر، وهذا الكلام طبعاً بشهادة الصانع نفسه. الخلاصة: لو أنت من الناس اللي دائماً تغير السيفون مع كل تغييرة زيت، أنا أنصحك شخصياً إنك ما تغير فلتر الزيت إلا بعد ثاني أو ثالث تغييرة زيت. وطبعاً كلامي هذا عن فلتر الزيت الأصلي فقط، ما أتكلم عن الفلتر بو 15 ريال اللي موجود في البناشر، لا.. خذ الأصلي من موقع معتمد. احمي ماكينتك من التشغيل الجاف، وأيضاً وفر فلوسك. اكتب لي الآن في التعليقات، أنت من الناس اللي تغير فلتر الزيت كل 5 آلاف كيلو؟ أو من الناس اللي ما تغير فلتر الزيت إلا كل 3 أو 4 تغييرات؟ لو أقنعتك، سو لي إضافة وإعادة نشر للفيديو عشان تعم الفائدة على الجميع. لا تنسى تصلي على نبينا محمد، اللهم صلي وسلم عليه.

اترك الألمان واليابان والامريكان واسمع كلامه لله درك ابن الصحراء نصايح تحتاج سيفون

كلام مايمشي إلا على الدبش

انتبه اذا اتسخ الفلتر كثير راح ينسد ومايمر الزيت بالكمية الصحيحة ، وفي هذه الحاله يوجد صمام امان للفلتر في الطرف الاخر راح يفتح عند ضغط الزيت ويمر للمكينه عبر هذا الصمام بدون فلترة نهائياً وكأن الفلتر مو موجود وهنا يسبب مشكلة للمكينه لأن الشوائب راح تمر بدون فلترة .

هذا. الجهاز يقيس لك موعد غيار الزيت والسيولة وينبهبك لموعد الغيار القادم مهم جدا لكل سيارة. يشتغل ديزل بنزين من هنا 👇 👇

احس الفلسفة زايده بس صحيح اللي يغير فلتر كل ٣ او ٥ الاف ليه مايحتاج كل ١٠ الاف حلوه

ما عليكم منه استخدمت 10 سيارات من عام 2002 إلى الآن والله ما عمرها خبطت او عانت اي وحده منهم من المكينه أو القير السيفون لو ممكن انه يكون سبب في عطل ما باعه الوكيل بقطع الغيار لكن فلسفة العوال ذولا الله يصلحهم الواحد ما يعرف يمسح خشمه ويجي يلقي محاضرات ملاحظه افلحت اول ما قال اللحين بشرح

كلامه صحيح الكلام هذا له اكثر من ٢٠ سنه وانا اسمع غير السيفون بعد تغييرتين زيت على الاقل

عندنا موتر البيت موديل 2015 لي هذي السنة كل ما بدلنا الزيت بدلنا الفلتر معاه كل 5000 كيلوا او اكثر سوينا له تبديل قازقيت غطا الصبابات قبل سنة الميكانيكي انصدم من نظافة المكينة و للعلم الزيت 5W30

كتلوج النترا ٢٠١٣ يقول كل ٥٠٠٠ يعني كل تغيره زيت يعني اترك كلام الي صنع السيارة و اسمع كلامه؟؟؟

جزاك الله خير

الياباني ماعليه خطر …. حتى لو تعديت ٢٠ الف كل مامهتس المكينه بزيته خف الموتر وقلت صرفية البنزيم

اغيره كل تغييره واذا ماحصلت اصلي اطلب تفريغ القديم ويرجعه لان مستحيل اركب تجاري دورة الزيت لابد تكون زيت جديد بالكامل للحفاظ على جودة ضغط طرمبة الزيت بالنسبة للهواء اما تعبي نصف الفلتر او تشغل ثلاث ثواثي وتطفي وترجع تشغل

من أكثر من 40 سنة وأنا وغيري نسوق السيارات وأتذكر قديم جداً أيام موديلات السبيعنات والثمانينات كنا ما نغير الفلتر إلا بعد ثالث تغييرة زيت كذا ثقافة عامة والله ما نلتفت لممشى ولا شي الأمور مرتبة خلقه تغيير الزيت كل شهر تغيير الفلتر ثالث تغييرة زيت والأمور طيبة

الكل صار يفتي

ماعليكم فيه من تجربه سيارتي فوق ٦٠٠الف وكل خمس الف ابدل سيفون ورقي وكاله وشكرا

كلام غير منطقي غير زيت السيارة وغير السيفون معه

أحيانًا أفضل حل للمشكلة… إنك تتخلص منها من الأساس😉⚡ تعرف إن السيارات الكهربائية ما تشغلك بكل هذا ولا تسوي لك صداع؟ 🥱⚡ @LucidMotorsME @ceer @teslaeurope @BYD_KSA

ماعد عرفناكم

على كذا ليه ما يسوون الفلتر فتحات صغيره 😁😁😁

ماكملت تلمعادلة يالحبيب. عند زيادة تقفيل المسامات بالشوئب، كمية الزيت بتقل الداخلة لأجزاء المحرك. مما يعني إحتكاك أكثر بين أجزاء المكينة. وتعرضها للتآكل مع الوقت. كما ان مواد الفتلر تكون قد فقدت تماسكها واحتمال تفتت بعض أجزائها لتدخل مع الزيت لإجزاء المحرك.

خلنا من الفلتر وعلومه هو ليش ما يرمش

طيب المشكلة الاساسية ان الفلتر اصلي او لا هو تكلم عن الفلتر الاصلي حنى نغيره كل تغييره على شان ماندري هو اصلي او لالا على شان يدوم معاك طويل

بشيخ قوم روح