ليش يقولون "إذا جعت روح لخوالك وإذا صارت عليك مشكلة روح لعمامك"؟…

الخال خلي والعم ولي الخال لأيام الرخاء أكل وكشتات و وناسه أما الأعمام فهم الأصل يقفون معك في الرخاء والشده وهم المحزم المليان اللي يشد فيه الظهر

هذي الأقوال .. ماكد سمعناها ولوسلمنا بها اجزم انها .. اندثرت مع اهلها .. خلاص ماعاد فيه من يتعاطف الا حسب العلاقه والبر .. اليوم تغيرت سنن الحياة وقوانينها ترتبت ونمت وحلت واشبعت وكلن شايلن عمره .. والبقيه ينطبق عليهم.. عساها بحملها تثور .

حنا بيتنا ابشرك ملجأ لعيال خواتي واخواني نشبع بطونهم وجيوبهم ونحل مشاكلهم وينامون عندنا بعد ههههههههههههههههههههههههه

الفكرة الأساسية وراء هذا القول تكمن في توزيع الأدوار بين الخال والعم بناءً على التصورات المجتمعية ، بعض الناس يرون أن الخال يمثل الحنان والرعاية المباشرة، بينما العم يمثل القوة والدعم في الأزمات، وهكذا يتوزع دور الأقارب بناءً على مفهوم شعبي أو عائلي خاص ولكنها ليست قاعدة ،، حيث يعتمد قرب العم أو الخال على العلاقات الشخصية والأسرية ومدى التفاعل والدعم المتبادل.

الخوال منسوبه للرحم والرحم اضعف جزأ في جسم المراه والعمام عصب الانسان و العصب اقوي جزأ في جسم الانسان.

الاخوال منهم امك العاطفه والرحمه فيشبعونك اذا جعت الاعمام هم نسبك وفيهم الحميا واذا جاء اسمك ف مشكله او عازه يمكن محد يعرف منهم خوالك لكن الكل بيعرفون منهم اهلك واعمامك

تراه ماينفعك خالك ولا اخوك لاصار ماتقضي لزومك بيمناك وربعك ان بان الخلل فيك عافوك اقرب قريب لك من الناس يشناك ان كثر مالك صدقولك وطاعوك وان قل مابيديك شانت حلاياك سليمان بن شريم رحمه الله

الاخوال اهل رحمة والاعمام اهل حزم حتى في الشرع عاقلة الشخص او غارمتة هم بالدرجة الاولى اقرباء ابية الاقرب فالاقرب فية مثل يمني يقول يا خال لا ماتت امي ايش انت لي وايش انا لك 😂😂

الخوال هم من طرف الأم ودايما الأم هي الحنونة اللي قلبها على اولادها وتتفقدهم إذا جاعوا واذا تعبوا واذا مرضوا …. الحنان والعطف والرحمة الأعمام من طرف الأب والأب مصدر القوة والحماية ويبعد عن الأولاد المشاكل ويصد عنهم هموم الدنيا وبلاويها ومشاكلها

الخوال قمة العاطفة والعمام قمة الحمية