🔸ما رأيكم في التدخل لتصحيح سلوكٍ يراه المجتمع مستهجنًا كما في هذا الفيديو⁉️🤔 🔸هل تؤيدون النقد البنّاء حفاظًا على الذوق العام، أم ترون أن الأفضل ترك الناس وشؤونهم ما دام الأمر لا يضر بالآخرين⁉️

في النهايه رايح عالبحر شو يلبس 😅 خنجر وبشت ومصر وثوب✌️🏃‍♂️🏃‍♂️🏃‍♂️🏃‍♂️🏃‍♂️🏃‍♂️

بدون ما أسمع الفيديو صراحه استفزني الخير..تراه قلت بحر معناه يسوي رياضه ولابس لبس رياضه ويش تباه يلبس بجامه مثلا وبعدين تراها زوجته فليش يستحي منها..اللي يلعبو كوره قدم على البحر ويش لابسين؟؟ قهر يضربك أن شاء الله ماعندك سالفه.

تو من هذا نوبه !! كل مره حد يطلع لنا يدعي المثالية !! ما تريده يلبس خنجر ومصر وبشت بعدك ترى رايح البحر ومع زوجته !

المولات ولأسواق والحدائق نقول مايصير تلبس ملابس قصيرة أما رايح البحر مباشرة يعني تلبس ملابس طويلة ليش ماأتوقع نقده في محله لكن بداية الشهرة تريد متابعين ويقول المثل إذرف بما تعرف ومالاتعرف حتى تكون لك متابعين أتوقع البعض عند أمل تنشىء هيئة لمراقبة مالايعجبهم

ياليته انتقد الوافدات اللي لبسهم كله عري في الأسواق والمجمعات...خاصة الموج ...بدل ما جالس تنتقد واحد رايح البحر يلعب شو بيلبس يعني ..لكن تراه مقيولة حتى النصيحة نابعة عن حسد وليس غيرة على الاسلام

🤣🤣🤣🤣 وركك يا ريال ترى اسمه بحر شاطي تباه يلبس كندورة ومصر ويلبس خنجر ويش هذي السالفه

خلاص ان شاءالله المره القادمه بنخبر الشباب يلبسوا بشت وديداشه ومصر لما يروحوا الشاطئ عشان هذي العقليات تكون راضيه

أدب ماشي ،، ولا مثل هالدعله المفترض يتحاسب عن كل الدناءه اللي جالس يقولها ..

عيب هذا الي يصير في بعض الشواطئ والمولات والأماكن العامه مثل الحدائق أنتوا رجال كذاك كيف النسوان المفروض الرجال يكونوا قدوه لزوجاتهم واولادهم والسياح القادمين للسلطنه تستروا بارك الله فيكم ولا تكونوا محل انتقاد المرء بأخلاقه واحترامه لنفسه والآخرين……

بعض الناس لازم يعرف ستر العورة "واجب" في السوق والحارة والبحر وحتى الملعب واجب الانسان يستر عورته وين ما كان ما يتغير الحكم بتغير المكان. والاماكن العامة لها اداب بس البعض مستمر في جهله ويتعمد يكون جاهل للاسف عشان يخالف الفطرة والاداب والنصوص

صحيح هذه قلة ادب واحترام المكان يله حشمته واحترامه والمفروض يلبس خنجر واذ ما عنده يتصرف يروح يستأجر.. فضحبنا قدام البحر جالس بهافه

احس ان الموضوع بايخ ةرايح بحر ما رايح مول حتى يلبس لك دشداشة ومصر والله ما عنك سالفه الله المستعان

اللي في المقطع ركز في حياتك ولا تهتم في كل صغيرة وتحشر مناخيرك في شي مالك علاقه فيه

هذا المغرد ما عنده سالفه ممكن يكون النقد لو كانت البنت لابسه ملابس غير محتشمه ممكن نقول ولو انه ماحد له الحق الى من اهله وأهلها وبعدين رايح البحر يروح بخنجر ومصر المغرد دخل نفسه في مشكله من حقهم يقاضوه

من المؤسف الترويج لمثل هذه المقاطع القبيحه وتصديرها ، يريد فرض وصاية على الناس في لبسهم حتى وهم على البحر يلبس خنجر مثلاً،، الغباء اختيار وهذا اختار يكون غبي.

البحر هوه عبارة عن مكان للجميع من جميع الثقافات ويجمع بين السباح في الإمكان المفتوحه وممارسة الرياضة المائية فما معقولة ألبس دشاديشة ومصر والملابس الداخليه وخنجر ونعال وخيزران. على اساس حظرتك ترتاح

يعني واحد رايح البحر ايش يلبس . رسمي مثلا . والاكثر لباسهم عادي شورت للركبة . يستحيل يلبس شورت فوق الركبه

أتمنى من المتحدث في المقطع أن يهتم في نفسه وأهله وأسرته وإذا حب ينزل للبحر يلبس دشداشة ومصر ويروح لسبلة القرش يسلم عليهم ويبارك لهم أو يعزيهم. منطقياً رايح البحر تريده يلبس ايش ولو بسبب زوجته ذم فعله ترى زوجته حافظه عورته ووين العيب؟

استغفرالله العظيم لاحول ولا قوة الا بالله العلي العظيم ليش تتدخل في حياة الناس هو ساتر نفسه بعد ذلك هو رجل

هذا ما قهر هذا اسمه وسواس 🤣🤣🤣🤣 باقي تتدخل في حياة الناس اللي فيه وسواس يجلس في بيته والشاطئ الناس تمارس في الرياضه ما بتجيك بوزار وااااهيش؟

يلبس نص بنطلون يستر عورته الركبه عوره وان يكون قدوه حال اولاده لانه واجد على ناس الشاطي فيه نساء وأولاد لواحد يستر عورته فيه لبسر يوصل تحت ركب

والله انها سالفه.... تراه بحر.... شاطئ..... رمال و ممكن تسوي رياضه مشي ركض. (مو مجلس ولا عزاء ولا عرس ولا مول) ولا رايح شي من الوزارات

#ملابس_البحر #فضول_مو_طبيعي يا جماعة الخير، أمر صاحب الفيديو غريب وعجيب جداً! متضايق من شخص لابس ملابس البحر وهو رابح البحر؟ ويتساءل 'شو تريده يلبس؟'! بما أن الموضوع صار قضية رأي عام، #أقترح نعمل استفتاء رسمي، ومسابقة كبرى، وجائزة سخية، ونعلنها في مؤتمر صحفي، لنختار بالتصويت الجماهيري الزي المناسب اللي يرضي ذوقه الرفيع. في انتظار ترشيحاته هو شخصياً، لأنه واضح إنه خبير أزياء البحار!

اتفق معك. اخوي كلامك صحيح لينه الشاطي فيه عوايل كثيرة مب هوه وحرمته وازيدك بعد حتى ف المولات والمطاعم والأسواق تحصل الوحد عمره ف الأربعين ولابس هاف صغير وضيق لاصق في جسمه حتى عوره تنشاف الستر واجب والبس المحتشم هيبه.

شخص رايح البحر تريدة يلبس بشت وخنجر انتو جايين سياحة ولا مفتشين على خلق الله ياخي إذا ماعجبك المكان شيل أسرتك وغير مكان تراكم مسختوها بانتقاداتكم السلبية للمحافظة الله يهداكم ويصلح شأنكم اخواننا من دول الخليج مرتاحين ولاحد ينتقد وانتو مرةً اتفه شي غالي والان على البشر

صح المفروض يلبس خنجر وبشت ومصر غالي ياخي لين متى بعض الناس فاضيين يشتغلوا اوصياء على المجتمع

أنا متعجب منك وغيرك بصراحة... لازم العماني يخترع لبس عماني خاص يحترم الذوق العام ويكون منسجم مع الوزار و الدشداشة العمانية كل الأماكن حولتهم عبارة عن مكان خاص ينتهك حمرمتك ولا خلاق والعاديات والتقاليد تقيد الناس لا يجعل منه إنسان صالح بضرورة بس يبحث عن مخرج لذلك فيصبح الخطر أكبر

هههه يعني تريده يلبس خنجر وبشت على البحر شي من الناس غريبه .

عورة الرجل من السرة الى الركبة واذا اظهر عورته فهو ملعون تلعنه الملائكة والناس حتى يستر عورته

مو كل مرة تدخلونا في مواضيع مالها معنى، البحر له لباسه والناس تعرف وش تلبس، لا تحاولوا تفتحوا نقاشات فارغة وتسوا منها قضية ترى مو كل شي يحتاج فلسفة، البحر مو مكان ثوب وخنجر، ولا مكان جدال عقيم، خلوا كلامكم منطقي.

"ترى بيلبس هاف وبيتسبح، موه بعد؟ ولا بيسحب سيفه من الغمد ويحارب الكنعد؟"

لي ما محلص شغل سويه قام يجيب أي شي ولا وش فيها لباس ساتر ومع زوجته ورايح بحر وش يلبس بعد بينزل يسبح افضل ينزل بالدشداشه عشان يتستر

ماشاء الله البحر وش تباه يلبس بشت ودشداشة اقول سكتوا ماضيع مجتمعنا إلا هالنقد الخايس اهتموا بنفسكم هلجتونا

الريال رايح البحر تبغيه يلبس بدله فالرطوبه هذي ادورون علي اي شي عشان تنتقدون

بس عادي يشوف الأجانب يلبسوا ويجلسوا بجنبهم ويدخنوا ويلبسوا ملابس مثل ما تعرفوا ، ولا واحد يتكلم عنهم ولكن العماني ممنوع عليه يلبس ،، عجيب وغريب .