ما كشفه السيد الفاضل محمد بن أحمد السويدي في سوق واقف يفتح بابًا مهمًا جدًا: سلعة تُباع في مكان بـ8 ريالات، وتُعرض في محل آخر بـ25 ريالًا! هذا ليس فرقًا بسيطًا في السعر، بل تفاوت كبير جدًا يستحق الوقوف عنده والتحقق منه. أين حماية المستهلك؟ وأين الرقابة على الأسعار؟... من حق التاجر أن يربح، نعم، لكن ليس من المقبول أن يتحول المستهلك إلى ضحية للمبالغة في الأسعار واستغلال عدم معرفته بسعر السلعة الحقيقي. نطالب الجهات المختصة بتشديد الرقابة على المحلات، ومراجعة الأسعار، وردع كل من يثبت استغلاله للمستهلك أو مغالاته بصورة غير مبررة. المستهلك له حق، ومال الناس ليس مباحًا لأحد. نريد سوقًا يحفظ سمعة قطر، ويحمي الزائر والمواطن والمقيم، ويضرب بيد القانون على كل من يستغل الناس. الربح حق… أما الاستغلال فمرفوض. 🇶🇦show more

عمك اصمخ ماعندنا حمايه مستهلك عندنا نتف المستهلك

الصراحه الطرح صحيح 👍 مئه بالميه،والشي بالشي يذكر ،حتى الملابس والسراويل الداخليه سعرها صار نار بسوق واقف قماش ابيض نوعيه تعبانه وينباع بثلاثين وخمس عشرين ريال ،وكان من مده بسيطه ٦ ريال و٧ريال وعشره إذا غلى ،،،

هذا المحل مع الأسف معروف عنه يحتال على القطريين من خلال كذبه عليهم ببضاعته التي يدعي أنها بريطانية .. مع أن معظمها إن لم تكن كلها إنتاج إيران وموجودة في كل المحلات والمجمعات بأرخص الأسعار ..

في الدول المجاوره كيلو اللوز ب ٢٠ ريال وعندنا ب ١٥٠ وطالع والصبار كذلك ترا الكبت كان في ميغا مارت الحبه الواحده ب ٧ ريال و ٨ وطالع لانه جوده عليه واللي في سوق واقف جوده اصليه ابو قصدير انتاج بريطانيا لاداعي لقطع الأرزاق ادعوك للمقارنه

وزارة التجاره وحماية المستهلك نايمين في كل مكان

معلومة لا يعرفها الكثير من الناس محلات الحلويات في سوق واقف اسعارهم غالية جداً ويستغلون الزبائن ومعروفين والرقابة غائبة عنهم

لقيت لكم الدجاجه الي تبيض ذهب تخيلوا نص دجاجه مشويه ب 81 ريال حتى فندق 5 نجوم ما وصل لهالمبلغ والمصيبه ان هالمطعم لا يعتبر من فئة 5 نجوم ولا حتى 4 قشطه وعسل ب 50 وهل العسل طبيعي 100% ؟ 400 جرام لحم يعني اقل من نص كيلو ب 150 ريال هل @MOCIQatar موافقه ع هالاسعار وعلى اي اساس !!

اخي العزيز محمد الصرامي كان يفترض من الاخ اللي عمل الفيديو ان يجيك منتجين من كارفور وسوق واقف ويفتحهم للمقارنه اللي في سوق واقف هو الاصلي وارد لنده ابو قصدير ماشفنا حد سوا فيديوهات على كيلو اللوز ب ٣٠٠ ريال و الصبار الهندي ب ١٥٠ ريال والفقع ب ٨٠٠ و ١٠٠٠

True, but authorities turn a blind eye to disparity in prices and ultimately the customer pays the price

👏👏👏احسنت

المفروض يكون موجود مكتب لحماية المستهلك في الاسواق والمجمعات التجارية .

صحيح مليون في الميه ياريت كمان برامج التوصيل البقالات والمحلات الاسعار جدا متفاوته ونفس السلعة بقاله تبيعها بي 60 وبقاله بي 160 مادري ليه فرق السعر صراحة غريب

الله يكثر من امثاله عنده حميه عل وطنه الموطن رجل امن في وطنه يدافع عنه في كل المجالات

اللي في الجمعيات مصنوع في مصر اما اللي في سوق واقف مصنوع في بريطانيا وبلجيكا من جذي الأسعار مختلفة

حماية المستهلك قد تبدأ من المستهلك ترك البضاعة يجعلها رخصية لاادخل محلا يغالي في الاسعار مرتين واترك البضاعة الغالية المهلكة التي لاتلزمني الى شق تمرة

ترى هم يحطون سعر بس في البيع يعطونك سعر اقل ولازم تكاسرهم .

ونطالب الجهات المختصة بسحب تراخيص المتلاعبين في سوق واقف وأعطائها من هم في حاجة مثل كبار القدر.

يات على سوق وافق

والله قهر محلات سوق واقف كلها مدعومة من الدولة وقيمة ايجار المحل اقل من ربع سعر ايجارات باقي المحلات في قطر واسعارهم المنتجات عندهم 4 اضعاف باقي المحلات لازم وزارة التجارة تدخل يا انها ترفع عليهم الايجارات عشان يعرفون ان الله حق ولا يجبرونهم على الالتزام بنسبة معينة من الربح

صحيح في تفاوت بس مو محل واحد كذا محل واتشوف السعر المناسب

مكان سياحي أسعارهم سياحية

الغلاء تفشى في البلاد واستغلال الازمات حاضر من المشاريع الصغيره وصولاً للكبيرة. وكل ما قلت ليه كل هذا الارتفاع المبالغ بالاسعار قالوا لك المضيق مسكر !! حتى اللي ما يستورد شيء ولا له خص بالمضيق بيحط المضيق عذر. مثال قاعات الفنادق للمناسبات من بعد 350 الى 450 ريال على الشخص وصلوا الان ل 500 و 550 شنو السبب المضيق ولا عرفنا الربط بينهم وبين المضيق !! وبعدها يقولون شنو سبب الغلاء في الزواجات مع الاسف لا حسيب ولا رقيب ويجون ربعنا بمجلس الشورى بدال لا يلومون التجار يلومون المواطن أنه مبذر ومتكلف😂

و شي ثاني اخوي محمد .. سوق واقف كان مقصداً لنا للشراء و التسوق في الستينات و السبعينات و حتى الثمانينات لرخص اسعاره و جودة بضائعه .. فلماذا هذا الغلو في الاسعار ؟ هل السبب هو التطوير الذي حدث لهذا السوق و النقلة النوعية في تحويله إلى مقصد لاهل قطر و السائحين ؟

فوضى

افتح تطبيق سنونو واكتب اي منتج وشوف كل محل له سعر

وين حماية المستهلك وحدة اخدت عربون عربة كوفي وماجات لسرفس ولا رجعت العربون تواصلت معهم ولا حركو ساكن . مقاول لاعب علينا وبيتنا واقف من سنتين ولمى نقله محكمة يقلك بكيفك روح … من من العقوبة أساء الأدب . الله المستعان