(ما لم تذكره زينب لأخو زينب) اليوم شفت زينب ربيع ناشرة مقطع من لقاء مع نعيم العبودي وهي تسأله عن خروج جامعات العراق من تصنيف شنغهاي. للأسف الشديد زينب تلقت الجواب من نعيم بكل أذعان ولم تناقش نعيم بالمغالطات المطروحة في جوابه بما يشير الى ضعف الأعداد لهذا اللقاء... .. وعليه لنوضح ما كان يجب على زينب قوله لوزير أخوة زينب 1- قال نعيم: جامعات العراق لم تكون ضمن تصنيف شنغهاي اصلاً. الحقيقة : اذا كان كلامه حقيقة ، فهل كذب علينا نعيم سابقاً عندما نشر موقع جامعة في عام 2022 بيان موجود الى الان يبارك دخول جامعة بغداد لتصنيف شنغهاي؟ الجواب نعم ، الاعلان المذكور كان كذبة من كذبات نعيم حيث دخل قسم من اقسام جامعة بغداد ضمن تصنيف فرعي ثانوي من تصنيفات شنغهاي وليس التصنيف الرئيسي الحقيقي ومع ذلك قرر الوزير حينها ان يوهم العراقيين بان العراق ضمن التصنيف. 2- قال نعيم: تقييمات تصنيف شنغهاي تتطلب وجود تدريسيين حاصلين على جائزة نوبل للسلام في الجامعة. الحقيقة: كذب نعيم ، بمراجعة طريقة تقييم التصنيف تكتشف ان التصنيف يستبعد تحديداً جائزة نوبل للسلام من تقييماته ولا يعطي الحاصلين عليها اي نقاط اصلاً. مما يؤكد ان الوزير "حافظ مش فاهم" 3- قال نعيم ؛ الحديث عن خروج جامعات العراق هو كلام فيسبوك. الحقيقة : كذب نعيم ، نعم لم يخرج العراق من التصنيف الرئيسي الذي لم يكن ضمنه اساساً. لكن الكلام عن الخروج ليس كلام فيسبوك فخلال التصنيف الاخير خرج العراق فعلياً من كل التصنيفات الفرعية والثانوية التي كان ضمنها سابقاً ولم يبقى أي ذكر للعراق في هذا التصنيف. نصيحة للعزيزة زينب ربيع اعيدي النظر بفريق أعداد برنامجك فالمعلومات المذكورة هنا لم تحتاج سوى ١٠ دقائق من البحث في المصادر المفتوحة. نصيحة لنعيم العبودي ابذل بعض الجهد في محاولة تعلم نطق "شنغهاي" و الـ "تايمز" وباقي المفردات بالطريقة الصحيحة .. أما بخصوص الكذب فأستمر عادي .. هو انت غير عصائب 😄show more

نشرتها قبل اسبوع. هذه هي الحقيقة من شخص صارلة 36 سنة في التعليم العالي

هذا فعل مقصود ..تعرفه يكذب لكنها تريد تمرير الكذبه على الناس ..

وزير التعليم العالي 😂

و على اساس زينب ربيع مو مخرجات لجباه المچويه؟ نسينا شلون چانت توزع تحليلات DNA ايام التحرير على هل لحچي منى سامي اذا راحت غير قناة لازم ننسى تجفصها

شبيك حبيبي ؟! محد كاك انسى جفصات احد ، عليش ضايج وعصبي! 😄🌸

حبيبك بليغ عيوني 🤍 اذا لهسه ماكو حتى اعلان عن موسم البشير شو شلون منتنرفز 😤

وردة أبو يوسف ، ولو اني ما أعتقد بيه مطول الى حد ما يرجع البرنامج

وينكم ووين شنعهاي يا مليشيات يبتوع العصايب على گولة عصام حسين

صورة البُلبُل🤣

بيه بخت البشير شو معزل هل فترة

كلهم مبخوتين جفاصتهم متطلع بس بعطلة البرنامج

أهم شي عند نعومي تصنيف طهران طيح الله حظ الاجيال الي يخرجه نعومي عصائب

وورا كل هذا تخيل صار رئيس مجلس امناء بيت الحكمة… خلي نشوف هاي المؤسسة وين نهايتها

هو شكو حكمة بالعراق الله مطيح حظهة ، بقت على بيت الحكمة عاد

شانگ هاي !!!! عني احنه بيا طينة طامسين دخيل الله

الوزير وضع خطة للدخول للتصنيف و يقول من الشروط ان يكون في الجامعة استاذ عندة جائزة نوبل للسلام زين هل مثلا الوزير ينتظر "ليث الخزعلي" يحصل جائزة نوبل للسلام و يعينه بالجامعة هههههه

حيدر البرزنجي عندة نوبل

عندة نوزل مو نوبل

وزير فاشل وله تهم فساد

Adam انت تدري انعيم خريج فكرة الدور الثالث فهو تخرج من قسم اللغة العربية في آداب الكوفه الدراسة المسائية في أول دور ثالث في الجامعات العراقيه ولم يكن ليتخرج لولا فساد احد مريديه الان والذي اهداه عمادة كلية التربية المختلطة في جامعة الكوفة أصالة...

بس هذا البلبل حر شتان بين البلبل والبلبل 😘🫶

@RabeeZainab ياريت تحضرين مع كل سؤال جواب

هالنوب كلسع يعيدها شنك هاي خزانا شكد يكذب

ئحسنت

شانگ هااااي وشانگ ذيچ چ چ هههههه بلبل بعد ‼️

اجمل عبارة كانت (( اكولن )) و (( نحن رحنا )) وهنا يدخل الوزير في مستوعبات القمامة اولا حتى يتاهل بعدها الى تصنيف الشش جهار بصراحة ، تحليل ال DNA للوزير لن تتعدى نتائجه ال (( دو بيش ))

يعني اكفر هسة !!؟ عفية آدم خوش شريته عالحبل

زينب مو قويه،معلوماتها ضعيفه،هيچ حلقه مهمه وموضوع مهم،المفروض انطيه لواحد معلوماته قويه ويعرف شلون يطيح حظه،ويكشف كل چذبه گدام العالم،

شنغهاي شني هاي تنوكل تنشرب! #عتاگيات

هي شني شنگ هاي ها

يبدو انك من تحتاج للمطالعة جائزة نوبل احد شروط ومعايير التصنيف جامعة بغداد دخلت التصنيف "للتخصصات" في الهندسة الكيمياوية ولا علاقة لها "بكذبة لنعيم العبودي لان التصنيف في 2022 قبل استيزار العبودي اما التصنيف الحقيقي "الذي لم يدخله العراق ابدا" هو ان يكون ضمن افضل الف جامعة

اني دائماً انصح الناس تقرا وتفهم قبل لا تحجي حتى لا يكون كلامهة هراء … النوبل المشمولة هي جوائز نوبل للعلوم وليس نوبل للسلام … نوبل للسلام ونوبل للاداب مستثنات من اي تقييم في هذا التصنيف. اما باقي الهراء الي تفضلت بيه حضرتك فنصيحتي الك تعيد قراءة التغريدة مرة ثانية ، واضح انت ما فاهم المكتوب ولذلك راجع تكرر ما كتب اصلاً

على الاقل راجع تاريخ اعلان جامعة بغداد مع تاريخ استلام العبودي للوزارة لتستبعد نظرية المؤامرة على الاقل

هو التعليم العالي بادارته تقدم بشكل واضح و لهذا بقه وزير لفترة ثانية، كفاءة. الوضع بالوزارة كلش شنكهاي.

هي زينب هم من اخوه زينب بس بصوره كيوت

تايميز خرب حظي 😂😂😂😂 وين احمد البشير عنه

دشوفه شلون راح يحسن بيت الحكمه اللي انهملت من زمن العباسيين 😉😉 ويجعلها احسن من ناسا 😁

بس اتذكر انو اني دخلت على موقع شنگهاي وجانت جامعة بغداد موجودة واكو جامعتين او ثلاثة هم وياها، صراحة ما اتذكر شگد جان عددهم بس متأكد اكو جانت جامعات عراقية داخلة

خدمة اختصار التعليقات من ادم نعيم العبودي چذاب وميصلح يكون تدريسي مو النوب وزير التعليم وزينب اختهم جابهة بالنص عالواهس