مأذون شرعي : خروج المرأة من البيت مع زوجها للتنزه والمطاعم من ضروريات الحياة حتى لاتكون زوجتك ضعيفة أمام قربباتها..

يوم نقول ان الخلع بسبب تسلط الرجل ما كذبنا عينكم على الردود كيف يشوفون انه له الحق يمنعها الحياه و هو يعيشها بالطول و العرض الحمدالله ان البنات واعيات و محد يقدسكم و يفضلكم مثل حريم اول ماعاد فيه غير خلع

هذا المنفتح فيهم يقول طلعها كل شهر اقولك بالشهرين مره يعني بالسنه لك ٦ طلعات الانسان الطبيعي يطلعها باسبوع

مواضيع العالم الثالث بين مؤيد ومعارض

هههههه قسم بالله يضحكون العالم وين وصلت وهذول باقي يناقشون ذي المواضيع التافهه

بنات لحد يحرم عليك ما احل الله لك كائن من كان قبل ١٥ سنة ترى كانوا يحرمون دراسة الطب والحين الناس اللي كانوا يجرمون هالشيء يشجعون بناتهم يدرسون برى قالوا ايش الدنيا تغيرت فلاتخلين احد يحرمك من حقوقك دام مافيها معصية لله

الترفية و الترويح عن النفس للأسرة والأبناء واجب شرعًا وليس حسب الرغبة والمزاج والفراغ وتظهر قيمة الترويح عن النفس في قول الرسول، عليه الصلاة والسلام «روحوا القلوب ساعة بعد ساعة، فإن القلوب إذا كلّت عميت»، وقد كشفت الدراسات النفسية الحديثة أهمية التوازن في حياة الإنسان، بحيث يؤدي ما عليه من مهام ضرورية في حياته منها الأنشطة الذهنية التي يحتاج إليها في عمله وكذلك ما يفرض عليه من أعباء بدنية فيخصص للأسرة والأبناء وقت معين كل أسبوع للترويح عنهم ولتخفيف معاناتهم وضغوطهم النفسية وهذه من المسؤوليات المباشرة لولي الأسرة سواءً الأب أو الزوجأ أو الأخ الكبير 👇

نعم صحيح اقل حق لزوجاتك تطلعهن وتمشيهن كل زوجة على حدة وبالعدل ولكن بالمعقول تقدر تتمشون بمصاريف بسيطة جداً مو لازم تصير إمعة زي بعض الناس يطلع عياله أغلى مطعم ويشتري الطاولة كاملة يملاها بعشاء قيمته قيمة مقاضي شهر كامل بعدين يطفر بعدين يتسلف ..

[حتى لاتكون زوجتك ضعيفة أمام قريباتها] ياله من تعليل ، العلم بحر أيها المأذون الشرعي ليتك من تعليلك سالم !

ليت هذا المأذون وقف عند حدود تخصصه من كتابة عقود الزواج ونحو ذلك قال-عليه الصلاة والسلام -:"وبيوتهن خير لهن" هذا في زمنه بل قالت عائشة رضي الله عنها:(لو أدرك رسول الله عليه الصلاة والسلام ما أحدث النساء لمنعهن المسجد كما منعه نساء بني إسرائيل) هذا في زمن الصحابة فكيف بهذه الأزمان

لا مو من الضروريات الزوج ملزوم بالأساسيات مأكل مشرب مسكن ملبس أي شي غير هالأمور تعتبر كماليات ولما يوفرها الرجل فهي كرم وطيبة منه وليست واجب عليه ولا من الضروريات

١- فيما يخص المطاعم والقهاوي لايوجد أفضل من تحضير الطعام والشراب والشاي والقهوة في البيت من ناحية النظافة ومن ناحية التحضير الصحي والجودة. ٢- أما من ناحية التفسح والترفيه والترويح عن النفس فيكون في الذهاب للحدائق العامة والمنتزهات فهو جائز مع الاحتشام وتجنب الفتن.

بدل ما يكلمهم عن الهدف من الزواج واهميته للزوجين والرابط والميثاق الغليظ الذي بينهما وما يجب على كل منها تجاه الآخر ينصح الزوج بأخذها للكافيهات والمطاعم والاسواق وإن ذلك من الضروريات. مدري وش أقول لهذا المأذون ولكن الله يصلح حاله وحالنا وحال المسلمين يارب.

لما الزوجه لاتكون ناصحه وداعيه للخير لأخواتها لان البداية كانت الخروج للتنزه وبعدها تطور الوضع إلى مطعم وكوفي وحفلات ومهرجانات واختلاط حتى سار الحياء منزوع والأدب فلايستطيع بعضهن الجلوس بالمنزل فكان العلماء سابقاً يحبون التشدد في بعض المسائل لأنهم يعلمون إذا فتح الباب يصعب اغلاقة

اللي ما هو قد الزواج لا يتزوج يقعد في بيته ويقفل ع نفسه بنت الناس ما هي صابرة ع عاهه ومريض بعقله اذ شافته مو كفء تفسخ العقد وتشوف حياتها مع غيره

مو كل من أعفا اللحيه تسمع كلامه انتبهووو من البعض مغلوب على امره

مره بالشهر يعني تطلع ٦ مرات بالسنه كثر خيرك والله والله لو انها مسويه جريمه تحبس في البيت عشانها انثى وانت ذكر تلفح في كل مكان والله مالوم البنات يخلعون انفسهم دام الزواج حبس انفرادي بلا منه

سؤال اليوم ليش في مجالس الذكور وبالأخص المطاوعه والليبراليين هالفئتين لازم يتكلمون عن المرأة ليش مايتكلمون عن الصيد الاقتصاد التجارة عالم الحيوان ؟ نرجع للمطوع بيوديها مكان محافظ وفيه خصوصية مافي اجمل من تناقضك وانت تقول لا تحشرها 🤣👊🏼

اسوي زي الناس ولو كانوا على خطأ هذا هو الضعف والشعور بالنقص انا اتكلم عن تقليد الناس و لا اتكلم عن التنزه والمطاعم نحتاج وعي وفهم وادراك نحتاج نفرق بين الامور الاساسية والثانوية نحتاج نزرع الثقة والقناعة في انفسنا واهلنا التقليد في كل شي ضياع

عشان تنبسط لا عشان تنافس قريباتها ✅ الله يلعن اللي علمكم المرجله

في زمنا ذا مازال بعض الذكور يناقش امور بديهيه لا ويقول مرا بالشهر او مرتين 🤣🤣 ويستغربون ليه بناتهم يهربون من افكاركم ان الحياة فقط لذكور وان المرأة ممنوع تطلع حسبي الله عليكم تفشلوون والله

ايش هالكلام! من ضروريات الحياة؟ عشان بس انها تدخل سوالف مع اهلها وخواتها اذا تكلموا عن النطعم الفلاني.. ما تصير ساكته! وش هالتبرير! ترا هي تقدر تقلب الطاوله عليهم وتقول: الحمدلله ما نعرف هالخرابيط كوب ب ٢٠ ريال، يعني نطلع دافعين ١٠٠ علشان كوب وكيكه! لا والله رحنا وابونا للبر 1️⃣

واحسافاه على الدقن بس ! الله تبارك وتعالى يقول وقرنا فيى بيوتكن وانت تحرض على الخروج ، اعوذبالله من حال بعض الناس

ايوه زي ماقالو ان خدمة المراة لزوجها حسب العرف انا اقول ان نفقات الرجل على زوجته حسب العرف و من العرف شراء مستحضرات التجميل و سكين كار و السفريات و العلاج و المطاعم

اطالب بسحب رخصة عقد الانكحة منه لانه غير مؤتمن على إجراءات عقود الانكحة لعدم أهليته ✋

الله يجزاه خير كلامه سعاده بين الزوجين وإعمار بيوت !!! قال ف الشهر مره او مرتين قال مطعم محافظ قال لا تحبسها كلامه كله علمنا عليه رسول الله ..ودخلتوا ف نيته واتهمتوه ؟! اعوذ بالله من اتباع الهوى !! لو متكلم عن التعدد كان صفقتوا له !!! من انتم ؟! بعض الردود وغرضهم !

هو حر.. يتكلم عن طريقته مع زوجته لكن لو قال انها من شرع الله فهو دجال كذاب فالمطاعم ليست من الضروريات والتنزه يكون مع زوجها واما عشان انه مطوع فكم من لحية صاحبها خرطي

كيف الربط ؟ المهم ماتصبح ضعيفه 😅

المرأة مشغلتهم 😂 هؤلاء يعانون هوس المرأة ولديهم عقد إجتماعية منها .

الله المستعان كلام جانب الصواب أصبحت المقاهي و و و من ضروريات الحياة ؟؟؟؟

الان عرفنا سبب مجاكر الحريم بين بعض السبب الزوج الرخمة المهان اللي همه تصير زوجته مثل زوجة فلان

مافيه شك هذاامر طبيعي ولايحتاج لنقاش اصلاً

يا اخي الناس هذي من وين تطلع لنا الي ما هو ملتحي ما نفع قاموا طلعوا ملتحي علشان المرة تقول شف المطوع وش يقول وهل كل الناس عندها استطاعة لنفقة المطاعم و الكافيهات إذا الله منعم عليك انت احمد ربك و اسكت وخل الناس في حالها و انت ياصاحب الحساب ما نبغى فوائدك حسبي الله عليك ..

كلامه صحيح والله وشو انت تزوج وحده عشان تخليها محبوسه في البيت خلاص انت بعد اجلس معها ارجع من العمل واجلس خلو حياتكم كل يوم كذا مجانين والله