مارأيكم.. في اعتراض الضيف على تصوير العزيمة؟!

قبل العشاء للضيف يطفى له النور من شان ماتنشاف لقمة يمينه واليوم حتى الكاميرا فـوقـه تـدور كـن المعزب بالـكـرامـة يهينه الشاعر : خلف المشعان

نعم يعجبني هذا الضيف بتصرفه انت جاي تضيفه او تذله ابتلشنا بخبول التصوير والله لا يشكر خيرك

الضيف له حق ٍ فلا تجرح حقوقه له الكرامه والمعزه وتقديرك عزيمتك لا تصير هزله وممحوقه ولا تحرجه .. فكه من هبال تصويرك ( نايف )

ههههههه محتوى متفق عليه من الأطراف. والدليل بالصورة. تقوله وينه اقول شف مكان اللي مسوي نفسة الضيف موقعه على المفطح. هل يعقل اترك ضيفي ( والجميع) في هذا المكان. بالرغم اني مع المحتوى في عدم التصوير فيه ناس ما تلقى هذة النعمة يا بشر.

طبب شدخل يطلق بالسالفة 😂 على طول يروحون للحلقة الأضعف عشان يتشطرون عليها وهي الزوجة 🤦🏻‍♀️ قالك يعني رجال 😂😂

كفوووووو دق خشومهم ما يستحون الضيف حر وما يبغى التصوير وهذا اقل حق له تصور وتقول اسمه وتدله ما يبي إذا وافق عادي !؟ ودليل قلة ادب المضيف انه نشر المقطع واسم الرجل وشهر بهم !؟ المفروض استحى وحذف المقطع وتعذر !؟

يدخل هذا والعياذ بالله في باب الرياء وما يسميه العامة الفشخره الكاذبة وبث مثل هذا المقطع أثناء الأكل قد يصيب بعضهم بالعين التي سببها الحسد على النعمة وأما الحلف بالطلاق فهو من فعل الجهال وما ذنب المسكينات الغافلات عن أزواجهم الحمقى الذي يجعلون الطلاق لعبة في كل حين.

لاتسمح باحد بتصوير الطعام الذي تاكل منه الله يعلم ماهي المصائب التي تاتي بعد ذلك..ليست مبالغة..

واضح تمثيل الضيف لو زعل ماتكمل تصوير بهذا الثبات لكن في النهاية مايصور معازيمه الا السفيه

انا مع الضيف بكامل قواي العقلية والجسدية

واضح انه مقطع توعوي الا انهم اصابو كبد الحقيقه مايصور الا مفاخر ولا احترم محله قبل ضيفه كرامتك واجب لضيفك ماهي لمتابعين وجمهور

الطلاق عند أهل الجنوب من إكرام الضيف🙊

مايدري عن الي بينهم يمكن فيها نوع من المنه والتفضل امام ناس يعرفونهم والضيف مايبي تكون لها نشر لناس يعرفهم مجرد استنباط لان فيه ناس تسوي وتتفق ان فلان يدخل بيتي وهو يعرف انه مايدخل بيوت ناس لهم وقفه معه قد يكون وقد لا يكون

كفو. تنطح كفو،،،خلهم يتوبون عن الهياط وتصوير النعم وغيرهم جوعان.

والله العظيم أن معه حق يرفض انه ما يصور الاكل وهم يأكلون هذه أصبحت عادة سيئة جدآ جدآ في مجتمعاتنا

عيب عندك ضيفة تقلطه و تصور الذبيحة تشهد خلق الله عليه لا وبعضهم يزيد بالبجاحة يصور الضيف واللقمة بحلقه والله العظيم لاهي من الدين و لا من العادات الي مو قد العزيمة لا يعزم

بعضهم وصل به هوس التصوير انه يصور نفسه هو يصلي ويتابع التعليقات وهو بالتشهد الاخير الله لا يبلانا

واضح انه متفق عليها لإيصال رساله للمجتمع

لما تكون عازم لك >> كلب 🐕 نابح 😂😂

ماطقع من المعزب الا ضيفه

من حقه والله يكثر من امثاله 😎 تعزمني عشان تصور 😉 الخلا انت وعزيمتك 🤫

واضح التمثيل لتوصيل فكره … ولكن فعلا اللي يجمع ضيوفه ويصورهم ، خصوصا وهم قالطين على واجبهم ،، هذا رخمه ويدور المدح والهياط … المفترض تحتسب الاجر في اكرام ضيفك بدون كذب وهياط.. من كان يؤمن بالله وباليوم الاخر فليكرم ضيفه.. والله ماعمري صورت سواء انا معزب والا ضيف،، عيب وشق جيب

تمثيل لكن ماله داعي بالحقيقة التصوير والناس تأكل وقبل الأكل

معه حق يرفض التصوير فقط وبأدب

اللي اقبح من التصوير ( لفظ على الطلاق .. وكأن الطلاق مثل أكل الشاورما .. ) ونجهل فوق جهل الجاهلينا

كفو. هذا التصرف الصحيح من وجهة نظري

تمثيلية .. ليش ماورونا وجوه الضيوف والمضيف .. إسمعوا الضيف وهو يغادر طلاقه غير مكتمل .. الفكرةجيدة.ولكن لك على التنفيذ.

والله انه حصان من ظهر حصان

ابتلينا بقوم نص اولادهم حرام على كل شي ( علي الطلاق ) الله المستعان

أخيرا في انسان فاهم ان تفاهات التصوير مو بكل مكان ووقت ومو عند الكل حطوه بالمتحف عملة نادرة مافي منه

اتفق هو بيكرمني ولا بيهايط على حسابي

فعلا قال الشيخ سليمان الرحيلي حفظه الله ليس من الكرم تصوير الضيف والأكل

صادق ما الومه من حقه يزعل على التصوير مو شرط التصوير لكن خلاص قديها خذيلة ، انا ما احب اصور واكره التصوير حتى مناظر طبيعية ما احب اصور وانما اصور اشياء ضرورية كشراء اغراض للبيت ، تصوير الأكل لا يليق لأن قد يصل المقطع لأسرة فقيرة محتاجة فيكسر قلوبهم يتمنونها وكذلك من المباهاة بالأكل انه عزم فلان وعشاه من اكله وكذلك قد تكون نيته مدح وثناء الناس عليه على الضيافة

معه حق 👌 لا للتصوير في العزائم في الافراح في العزاء في المطاعم في الحوادث ✋️ فهناك اناس يتضورون جوعا ! واناس شرار الاعين ! واناس يعاتبون على عدم دعوتهم ! واناس يصوروون لغيظ اناس فأتقوا الله

المقطع توعوي وهذا الي يصير في أغلب العزائم