ماشاء الله ، فن ومهارة وابدااااااع واتقااااان في إخراج سيارة لديها حالة طارئة من وسط الزحمة ... تحية تقدير وإجـلال لـ رجال أمننا الأبـــطال في كل مكان 🫡🇸🇦 #السعودية

حنا صار لنا موقف مشابه كنا راجعين من زواج ٣ الفجر وطفت السيارة بنص النفق والسيارات رايحة جاية يا دوب ٣ دقائق الا والشرطة جاية سيارتين حاولوا بالبطارية عيت تشتغل صار واحد يدفنا والثاني قدامنا يسوي لنا طريق الى ان وصلنا لفة بيتنا ، اخخخ ألف شكر يا أمننا .

كفووووو عليهم ابطالنا الله يحفظهم و يحميهم يارب

عام 2015 ابوي جاته جلطه و نقلوه من الثميري إلى مستشفى الشميسي بإسعاف فزعنا أنا و الاهل بسيارة من انس بن مالك و مسكنا الملك فهد و كلمت راعي مرور و فتحي لي الخط إلى ان وصلنا الشميسي.. و وصلنا مع الإسعاف الله يبيض وجهه و يرفع قدره دنيا و آخره إلى هذا اليوم و أنا ادعي له

الحمدلله على سلامته ، كفو عليهم ما يقصرون كعادتهم الله يحميهم ويقويهم يارب

الله يسلمك ايه والله انهم كفو

إذا شفت الدوريات الأمنية على طول اتذكر المقاطع هذي الله يحفظهم يقويهم ياررب 🫡🇸🇦

بدون مبالغه انا الان راجع من الرياض متجه للكويت تعرضت قبل قليل لمشكله مع باكستاني مما ادى الي تعديه علي في الطريق ثم هرب اتصلت على 911 بدون مبالغه مسكو الباكستاني وحولوه وقالولي درب السلامه ولا تشيل هم انت اخونا اقسم بالله شيء يحسسك بلمفخره ونعمه المواطن الخليجي في الخليج

شكرًا على المساعدة والتحية يا غروك 😆

موقف حصل لي مع رجال امننا الله يوفقهم كان عندي حاله طارئه للمستشفى وصلت نقطة امن الطرق واستغرب ليه مسرع قلت عندي حاله طارئه للمستشفى طلع مع بسيارة امن الطرق قال خلك وراي اي اشارة تقابلك لاتوقف عندها رحم الله والديه موقف صغير لكنه عظيم في نفس المكروب

امس وقفت سياره بالشارع عند الاشاره على الطول الدوريه وراها ما افتحت الاشاره إلا السياره تمشي معنا والدوريه تدفها حتى ما انتظر ولا دقيقه ما شاء الله

كفو عليهم كعادتهم الله يحفظهم ويحميهم يارب

ليش مايلغى المرور ونكتفي بهولاء الاشاوس ونعزز راتبهم ونزيد الافراد ؟ المرور مااات

كنا مسافرينا وقفنا نصلي وغرزت سيارتنا والله ما كملنا دقيقتين الا وجا امن الطُرق وطلب لنا سيارة طلعتنا وظل معنا الين تاكد ان امورنا تمام . الله يعز حكومتنا ورجال امننا ولا يعز عليهم 🇸🇦🇸🇦🇸🇦

ترى هذا نقطه في بحر من الي يعملوه رجال امننا للمواطن والقيم في زمان ومكان ماعليك سوى ان تتصل عليهم في اي مشكله كانت ثواني وهم عندك وفي خدمتك بدون حتى ان ينتظرو منك كلمة شكراً ، الله يوفقهم ويسدد خطاهم ويحفظ ولاة امرنا ويعزهم ويعز دولتنا وحكومتنا

والله العظيم ان لقب آلسعوديه العظمى مو عبث 🫡

مافهمت شي وين الحاله طارئه بالموضوع ؟

قبل كم سنة ، كنت طالع طريق المدينة و ركنت يمين كنت نعسان و وصل امن الطرق وافتكر صاير معي شي و أخبرته إني نايم لان غلبني النعاس … بقي منتظرني اكتر من ٢٠ دقيقة لين ما صحصحت كويس و تحركت و اخدت الطريق … الله يحمي المملكة العربية السعودية 🇸🇦❤️ و أهلها و حكامها و قيادتها و يديم عليها الأمن والأمان و الازدهار يا رب 🤲

حصلت معي شخصيا ، المرور السعودي افضل من كثير من دول اجنبيه كثيره ويمكن امريكا ، تحيه وتقدير لهم

يازين الردود اللي تثلج الصدر وهذا يدل علي توجبهات طال عمره في كل دقيقه متابع حالة الشعب الله يطول في اعمارهم وبمدهم بالصحه والعافيه

طيب قولوا الحمد لله والشكر له خلوا عظيم امتنانكم لله عز وجل ثم ماعداه من الخلق

والله ما انسى يوم ما كنت بالرياض وتعطلت سيارتي بالإشارة وكنت احس اني ساقط من السماء ولا أستطيع أن أفعل اي شي... لقيت شرطي المرور الله يباركله يدفي سيارتي من الخلف و يدفعني لأقرب شارع فاضي وهو يتحدث بالمايك يقول لي ع الاتجاهات والله انعم واكرم بأهل السعوديه و يعز مملكتنا 💞مصري 💝

تحية اجلال بس والله خطر عكس السير.

عارفين شغلهم ذيابه لا تخاف عليهم

مافهمت ولا شي بالمقطع ولا فيه سياره تخارجت

كنت ماسك خط الرين باقي حدود 40 ك على بيشة واخر الليل طلعت من الخط ابي اقضي حاجتي والخط فاضي وماخذ احتياطي مابي ابعد المهم فجاءة الدورية مادري من وين طلعت وقف جنبي وسلم قال تحتاج شي قلت سلامتك للامانه عطاني كمية امان وطمأنينه بيض الله وجيهم

رجال امننا البواسل حفظكم الله جميعا لانوفيكم جميلكم وفزعاتكم الدائمه ، ولي موقف جميل معهم حيث تعطلت بي السيارة ووقف رجل الامن وساعدني جزاه الله خير الجزاء ورفع قدره في الدنيا والاخرة

اتذكر مره كنت مسافر انا واهلي بالليل والمسافه طويله جاني النوم فجأه لدرجة ماقدر افتح عيوني واقرب مدينه بيني وبينها ٨٠ كيلو قلت خلني اصفط واغفي لي شوي وبعدين امشي ،نمت ساعتين واهلي ماناموا ، لما صحيت لقيت دورية امن الطرق واقفه قريب مني قالوا اهلي من يوم وقفنا جو وقفوا عندنا.

الحمدالله على نعمة بلدنا وولاة امرنا وشعبنا الوفي الله يديم علينا الأمن والأمان والاستقرار والازدهار والرخاء

يا لبى قلوبهم الله يحفظهم بحفظه ❤️

ما فهمت هو ليه عاكس

بصرحه شي جميل ده مش بس كده ..قسم بالله في الرياض شارع خريص..والله تاني شفت بعيني شرطي .في قلب الشارع بيهوي للشخص تعبان في السياره .بيده للحين تيجي النجده..والله والله موقف ما راح انسي طول حياتي ..وانتو عارفين شارع خريص الساعه اربعه عصرا بيق عامل اذي .الكلام ده قبل تشغيل المترو ..

رجال الامن في المملكة ، الحقيقة عندهم كفائة واحترافية عالية

اقول خلي الكذب، هذا بروتوكول لايقاف حركة السير اذا فيه بيمر من امامهم من فوق الكبري ينزل على على الطريق اللي اغلقوه،،،بيض الله وجيه حكومتنا ماتحتاج احد يكذب عشان يرفع من شأنها.

عام 1980 تقريبا، نمت عن الاختبار ولا صحيت إلا بعد أن بدأ الاختبار،ساكن في العليا، والمدرسة عند معهد العاصمة، قطعت إشارة، وقفني المرور، مع بداية دخول سيارات المرور، شرحت الموقف بسرعة، شغل السفتي وقال امش .. وصلني ولا قدرت أشكره، لكن شكرت وكيل المدرسة الي سمح بدخولي بعد نص الوقت.

وش الحالة ما فهمت؟

خذوني على قد عقلي لاني ساكن بقريه ومتعود اكثر زحمه ٨ سيارات بالشارع سؤالي وش لون السيارة او شكلها اللي اخرجوها اشوف كل السيارات انطلقت بعد الدوريات

هذه ليست حالة طارئة… فيه موكب قدام ويحاولون يبطئون السير من الخلف وهذا بروتوكول إذا فيه شخصية مهمة

السعودية بلد الخير والمحبة الله يديم عليهم الامن والامان والاستقرار

مره في عز الصيف كنا مسافرين باتجاه الجنوب مع خط الساحل لمن كان خط رايح وخط جاي بنشرت السيارة وكان وقت العشاء والدنيا غبار وعج شديد اتصل اخوي بأمن الطرق جاء وفك الكفرة وراح وداها بنشر وجاء ومعه البنشري صلح الكفرة ومشينا وهو رجع يوصل البنشري محله والله دايم ادعي له