ماشاءالله هذا كيف يربح اذا يبيع شاورما صامولي ب 2.5 ريال فقط والصاروخ 6 ريال وترا هذا السعر ثابت في المنيو ماهو عرض مؤقت وعندهم دجاج نص حبه مع الرز ب 19ريال ويستخدم دجاج مبرد من شركة اليوم طبعا المطعم في بريده

البيع بأقل سعر ( يعني رخيص ) يجذب مبيعات أكثر .. أرباح أكثر .. دوران للمخزون أكثر .. تشغيل العمال أكثر .. شهرة أكثر .. ولتحقيق البيع أكثر يلزم فروع أكثر أو توصيل نطاق واسع. - أما لو تم تنزيل الأسعار ولم تتجاوز المبيعات ( الطلبات ) 3 أضعاف عدد الطلبات ما قبل تنزيل الأسعار. فهذا يعني خسارة أكثر ..

سعر منخفض وبيع مستدام هو النموذج الافضل للمطاعم والمتاجر فكره اختفت مع موضة المطاعم السعوديه والاسعار الفلكيه

الله يبارك له, لزوم نعلم فيصل شاكر يالسالفة😀

😄😄😄 فيصل شاكر يقول احتمال نقفل 5 من مطاعمنا الفاخرة

الي يسأل عن اسم المطعم مطعم الخيمه الموقع

يطبق قاعدة بيع كثير بربح قليل .. أفضل من وبح كثير في بيع قليل .. كل تاجر وله سياسته في التسعير والبيع .

كيف كذا سعر الدجاج ٣﷼ في كل صامولي مع قيمة الخبز ١﷼ مع الثوم ريالين مع البطاطس ريال ونص مع راتب العمال ٤٠٠٠ شهريا على الأقل احسب عندك ٣ عمال مع الكاشير إضافةً لأجار المحل، إضافةً الى رسوم شركات التوصيل إضافةً الى رواتب المندوب إضافةً الى ضريبة القيمة المضافة ١٥٪ إضافة لقيمة الزكاة من ربح المحل ٢،٥٪ يجب أن لا يقل سعر الشاورما الواحدة عن ٥٠٠﷼ أخي الكريم، ويادوب نرد خسارتنا😢

تابع لأسواق المحسن (سوبر ماركت له عدة فروع في بريدة قرابة 5 فروع) ينزلون كميات كبيرة من المواد الغذائية بسعر جملة الجملة من الشركات الأم ، و عنده سحب عالي من الزبائن و حتى المطاعم بسبب أسعار التفريد الفارقة عن سعر السوق العادي ، و بتواريخ جديدة طبعًا . فأكيد له سعر خاص عند شركة دجاج اليوم و غيرها .

وين موقع المطعم؟

في #بريدة حي الفاخرية 🚩 مطعم الخيمة

هذا ذكاء تجاري وراح يكسب اكثر مع مرور الوقت

هذا المطعم ماشاءالله المالك يعتبر من كبار تجار المواد الغذائية فامايعتمد على موردين بحتياحاته ياخذ مواد الخام من المصب وله وضعه بالاسعار كذلك المخبز عنده سوبر ماركت كذا فرع وفيها مخابز وبكذا بتقل عليه التكاليف ويقدر يتحكم بالاسعار خاصة اذا خطته يصرف كثير ويربح قليل المهم

البركه من الله الله يفتح عليه ويرزقه من واسع فضله

@ksa_food_drinks غالباً العماره ملكه وبالتالي حاذف تكاليف الايجار واللي المفترض تضمن كتكلفه ضمنيه عشان في المستقبل لو توسع يصير اسعاره موحده او اسعار الايجار رخيصه بمنطقته هذا والله اعلم🤷🏻‍♀️

مثل هذا نقول الله يبارك له برزقه ويزيده ويكثر من امثاله

ليش دايم حقين القصيم مممممخخخخ

الايجار عليه اقل من الرياض،اذا يعتمد على التصريف ولا يبقى عنده راكد بيكسب لو بالقليل.

ليت في مثله بالرياض للاسف اسعار المطاعم صارت مرتفعه هذه الفترة و صرت تفكر الف مره قبل لا تروح حتى لو انت مشتهي شي معين. اتذكر كنت لو تبي تشتري شاورما كمثال الفاتوره ما تجي ٥٠ ريال الحين تعدي ١٢٠ ريال بالراحه ببعض المطاعم

هذا المفروض السعر المعقول اما بخصوص الربح والمقارنة في اسعار مطاعم اخرى فهو كسبان تحت بند ( قليل مستمر خير من كثير منقطع ) الله يرزقهم ويرزق كل شخص يراعي الله في حلاله و يرضى بالقليل المبارك

لو ع حسبك ٢٨الف المبيعات اكيد خسارن ميه بالميه ١٥%ضريبه والعمال لو ماعنده عمال ٥عمال روتبهم لن تقل عن ١٠الاف ريال ايجار لو كان في منطقه غيرمرغوبه شهري ٣٠٠٠ريال كهرب وغاز ونت ونثريات لن تقل ٣الاف ريال رسوم حكوميه واقامات لن تقل شهري عن ١٥٠٠ريال الغرمات ماراح نذكره وقيمةاصول المحل

ببريدة اجل ماعليك هو حاسبها صح واكيد انه يكسب

نجيب لهم محل رخيص يروحون يزعلون ويقولون شلون المحل يبي يربح 🤦🏼‍♂️

اسم مطعم ممكن

سبحان الله كل المعلنين يستخدمون لفظة تخيلوا ، تخيل .

سعر ممتاز

هذي الاسعار الطبيعية فيها مكسب وفائدة ولو قليل المهم ربحان لكن بعض التجار ماعاد يرضى بالقليل الطمع أعمى عيونهم

ممكن هو صاحب المبنى و بكذا افتك من الايجار … ان كان توقعي صحيح فمعناته ان العقار متى ما انخفض راح تنحل ٨٥٪ من مشاكل تضخم الاسعار

الله يبارك له

الله يبارك له ويرزقه

يربح دبل

طيب هو معتمد على كثرة الاقبال لكن اظن تكلفة السندويش طالع عليه اكثر من 2.5

طيب لحم أيش 🧐

المشكلة أن البعض تجتمع عنده عدة المشاعر وأنا منهم، إن كان السعر رخيص، تشك في جودة المنتج، ولا تشتري. وإن كان غالي، تتضايق من الإرتفاع ولا تشتري.

والله الي يسوي دعاية قليل ذمة ويكذب بس علشان الفلوس والا الاسعار تعتبر غالية لان فيه مطاعم كثيرة أرخص منه فالله يصلح حالك انت واصابعك المزعجة