مبادرة للسعوديين الموظفين لتحسين الدخل

اذا وجد الطرفين اقتراحي كل طرف يطبع برنت من ناجز لكل طرف انه ماعليه قضايا تنفيذ هذا اولا ثانياً تقرير من سمة لكل طرفين ثالثاً عمل عقد الشراكة وتوثيقه في مكتب محامي يتحمله الطرفين

احسن تكون ثلاثه انت والمستثمر والشاب علشان تضمن للمستثمر نجاحها وتكون البضاعه من عندك على الطلب مايحتاج محلات وخساير بكذا الكل استفاد واذا خسر ماتحملوا مصاريف مالها داعي

اخوي ناصر المبادره هي دعم وتدريب الشباب وتدريب عمالتهم ودعمهم بالعملاء لكن اذا اشترى مني البضاعه فانا اعتبره فاشل وماينفع يكون تاجر لان التاجر لازم يشتري من كل الموردين عشان يميز نفسه وبعد فترة يستورد لحسابه الخاص ولا تخيل بكرة غيرت نشاطي وش راح يسوون ممكن تقولي

فكرة ماعتقد أحد سبقك عليها في مجال التجارة.. الحد من التستر التجاري - الحد من العبث بمشاريع السعوديين من بعض الأجانب، فكرة أنك تجعل المواطن يستطيع أن يدخل في مجال التجارة ويعرف أنها أفضل مصدر دخل له .. والله شكرًا وانا أحييك وأهنيك عليها، وانا بشارك بس طبعًا بجهدي رأس المال ماهو متوفر 🤣😂

تعليقات عجيبه يعني السعودي اللي ماهو فاضي يسلم الاجنبي السجل التجاري بالكامل وياخذ منه أقل من ١٠ ٪ بل حتى الاجنبي يلعب عليه محل يطلع بالشهر مبلغ وقدره ويرمي عليه ٢٠٠٠ ريال شهري.. لكن يوم جاء يسلمها للسعودي مثله صارت مثل هالتعليقات شي عجيب والله

فين مشاهير الفلس عن المبادرات هذه !!! . اسال الله ان يقوينا على السيطرة على سوقنا وحلالنا في بلدنا

نصيحة: تحتاج دراسة وتنظيم، الموضوع ماهو سهل .. اولا: يكون السجل شركة وليس مؤسسة بعقد تأسيس، و يكون فيها المستثمر برأس المال والشريك الثاني بالعمل.. (تحتاج تفصيل) ملاحظة :الموظف مسموح له الدخول شريك و تكون شراكة 50٪ مقابل تسديد 50٪ للمستثمر على فترات ربع سنوي تابع مثال:👇🏼

مبادرة ممتازة واشوف انها تدعم من @MonshaatSA ، لتحقيق أحد اهدافها الجوهرية وتساعد على جعلها بتنظيم ودراسة جدوى مقننة بينكم وبين الاطراف المشاركة . وفقكم الله

انا شاب سعودي جاهز للعمل عندي خبره مسبقه للاداره و التعامل مع العملاء لكن للاسف ناقصني رأس المال

أنا شغال بالقطاع الخاص وجاهز استقيل وابدا معي ٣٠ الف وسياره حوض