متداول : مستحق الضمان الاجتماعي يقدر ياخذ شقة قصدها ٣٠٠ ريال لمدة ٢٠ سنة..

خراطي كلام با الهواء كان شفتم اللى با الضمان متملكين بيوت

اقسم بالله اي شي فيه شقق واسكان ومدري وش كله كذب عندنا ف صبيا ناس مقدمين من سنوات وناس الامطار دمرتهم السقف حق البيت بعضهم متدهور ويقولون تقديم وإسكان ومدري وش ولا شفنا شي. والجمعيات تروح يقولون قدمي وانتظري سنوات غيرك اصلا ماحصل ولهم فوق خمس سنوات.

من الاشياء اللي احبها في حياتي احب قراءة قصص الف ليلة وليلة ممتعه تطيرك بالسماء ومجرد ماتقرأها تسقط على الارض وتكتشف انك تحلم حلم جميل والواقع بائس 😂

الكلام سهل والواقع مرير تسجل بالجمعية وتنمغط سنوات وكل ماتراجعهم يقولو ماعندنا منتج للسكن الان ماتوفرت لدينا وعلى هذا الحال لسنوات الين الله ياخذ امانته ويجرو وراها الابناء واذا طلعو بشي الله لك الحمد حتى ترضى

مع احترامي له كلامه غير صحيح هو يتكلم عن السكن التنموي و300ريال هذي مقابل خدمات الشقه مايتلمكها وممنوع يسكن غيره وممنوع يااجرها

الأفضل تكون منحه أو هبه في سبيل الله خاصة وأنهم من أبناء الوطن.

وفي الواقع ما نشوف شي يا كثر الناس الي تقدم وما يجيهم شي تروح هل شقق للعاملين عليها 😂

وينكم والا بس كلام .. جونا وقالو ابشرو وننتظر لنا سنه ؟

الحين هم حاسدين المستفيدين على ٦٠٠ ريال تنزلهم وشهر يحطونهم مؤهلين و١٠ شهور غير مؤهلين وتبغاهم يعطون بيوت ، الا كويس ما اخذوا بيت المستفيد وقالوا انت ما تحتاجه وكثير عليك يكفيك غرفه ، ليت المستفيدين يسلمون منهم بس .

اتمنى من من بنك الراجحي يبادر كل بداية سنة يؤجل الاقساط شهر ويحط خيار رفض للي يبي يكمل دفع والناس ترتاح شهر وتدعيلكم وكل البنوك بتقلدك وتكون انت السباق والاجر كله يعود لك

نسمع بهذا الكلام ولا نشوفه على أرض الواقع

والله لو اسكن ببيت خرابه ما اخذ شققهم قدامك جار وبجنبك جار وفوقك جار ماترتاح لا بطلعه مع اهلك ولابدخله كلن يشرفك وانت وايح وانت جاي دامه اقساط ليش ماتعطونه فله او دور يسكنه وبنفس الوقت اقساط

كلام في طريق و الواقع في طريق ثاني مع الأسف

لي ٣ سنوات مقدم ماجاني شي

انت وش مصلحتك في تعطي الناس امال كاذبه حتى مافي اي شي واضح يربطك بكلامك الله يعين عليكم

طيب مو في ناس يقولو يوقف عليهم الضمان ، لو وقف كيف بيكملو تسديد القسط ؟

كلامك غير صحيح وانا اعرف ناس بالضمان ومستحقين للسكن ولهم الان ٩ سنوات انتظار

لنا سنتين ونصف ماشفنى شي

كذابين

واحد ثلاثة خمس ستين الفين هذا الهياط بسيف ما يذبح الجوع

٣٠٠في ٢٠سنه تساوي٧٢٠٠٠ فقط

فعلا الوالده ماخذه شقه قسطها 380 ريال في حي جليل بالطايف اربع غرف وصاله ومطبخ وثلاث دورات مياه اعزكم الله مركب مكيفات اسبلت ومطبخ وموجده نفسهل في جدة وابها مدري المدن الثانيه

والله كله كلام فاضي عندك واسطه تحصل على سكن كفايه مقدم على كل الجمعيات والإسكان بدون فايده حسبي الله ونعم الوكيل

كذاب كبير

@AlkabtnLy ياخوي الواحد شك في المعلومة من كتابتك قسطها (قصدها)!

هذا كله كذب انا مستفيد ضمان و البنك قال مالنا شغل بالضمان و راتبك قليل ما نمولك

ياصاحبي فيه ناس مقدمين من خمس سنوات والى الآن ماجاهم شي

غير صحيح كلامك

ولله 300 تخصمها من 1474 ريال للمستقل وش يبقى للكهرب والمويه والنت هذا عدا ان اليتيم والمحتاج ترا عنده حياة اذا ماعندكم خبر

وش هالشقه الي ب 72 الف واضح يقصد برنامج ثاني

وهذا ليش مايمنح مجانآ وهذا المفروض

أنا عندي قرض صندوق التنميه العقاري النظام القديم وماعندي قدره لسدادهم ومستحق الضمان هل اقدر احولهم للجمعيه بسداد ٣٠٠ ريال او لايشملني ياليت اللي عنده خبر يفيدنا

شوف غيرها

أنا رجل معاق مقعد مصاب بمرض التصلب المتعدد عمري ٤٠ حقوق المعاقين تقرأها تنسى نفسك من الفرحه على أرض الواقع تجيك صدمه لازم كفيل غارم لازم سكن مستقل ووووو زوجتي بعد مرضي خلعت وأنا تعبان جدا فرصه لاتعوض جاتها والوالده الله يحفظها هي إلي تهتم فيني وهي كبيره في السن حسبي الله وكفى