متداول: امرأة صينية متزوجة من رجل سعودي تُوثق تجهيزاتها وتحضيراتها لسفرة رمضان 😍.

ماتعبت نفسها فتحت الثلاجة وقطعت لهم خضار .. والإندوني على جنب لو من بناتنا فضحوها لكن تيس الشعيب يحب العنز الغريب ..

اهم شي الاندومي 😁 لو سعوديه مفطره زوجها اندومي فضحوها بالعالمين

الحين ابو فيصل ياكل ذا الخويس الله يعز النعمه!! اتابعهم من فتره بس جد يعني اللي سوته ما ينأكل 😅 شفت كل شي الا اصناف رمضان لو متزوج سعوديه كان يتنقد و ما خلا تعليق سلبي ما قاله و الأجنبيه مدت له انواع سلطات وعلى قلبه زي العسل

يا جماعه هي مسويه hotpot يعني هي تحط موية مغليه وانت تطبخ الاكل مثل كذا

وش يعني ؟! مافهمت مافيه زي السعودية في فنها ونظافتها وجمالها وطبخها ولا لازم تصور علشان تثبت هالشي ؟!

الرجال اللي بيموتون في التعليقات .. غاسلة خضار عشان الضيوف يسون لنفسهم اندومي …هذه السناعة اللي تبون؟

تكرم النعمه وين الطبخ بالموضوع كله نيئ 🤢 شفت لحم نيئ وذرة وزهره وفطر نيئ بس صفتهم بالصحون بدون طبخ 🤮🤢

هي ليش كاشخه وتطبخ ولمن خلصت فكت شعرها بس اااخ بمووت تروشي ي ماما 😭😭

ولا حاجة تتاكل ناقص تحط صراصير وضفادع 🤢🤢🤢🤢🤢

الله يكرم النعمه اكلها مايصلح للسعودي. ماعليش ههههه شاطرين بس بانتقاد المرأه السعوديه وطبخها والله ياطبخها له نفس ويشتهييه الواحد من شكله مو زي ذا كلش حلو فيها الا اكلها 😅

صواني حاطه فيها ذره وزهره ونقانق وسلطه هههههههههه

وش الفرق بين المفرزن واليومي كلها شغل يدها بس انت اهبل تردد بدون ماتفهم كلهم جزاهم الله خيرا ورمضان شهر عبادة مو شهر طفح بالبطون الي تفرزن تبي تصلي تقراء قران محد نافعها الى عملها الصالح اما انت تطفح وتسب

ماشاء الله ماقال ايش نسبها وقبيلتها وماقال دبا ولا قال عيونها ممطوطه ولا قال بيضحكون ع عيالي امهم صينيه مالها نسب

الرجال عورة والزوجة قدامنا. عجيب هذا الزمن.

شالسالفة ليش تتزوج من برا ياخي💔 انا وصعوبة انه في سعوديه تقبل فيني بسبب الاعاقة مع انه اعاقتي فقط ب رجولي ماقدر امشي بحاول بكل جهدي اني ابحث عن سعوديه مو متخيل شكلي متزوج اجنبيه ونعم فيهم لكن بنت بلدي غير

يارب اكون غلطانه

عنز الشعيب ما تحب إلا التيس الغريب

الله يديم النعمه مافي زي طبخ السعوديات لذيذ 😋

أصلا مافيه شي ينأكل الله يعز النعمة كله نيء وشكلها تخدم نفسك بنفسك عينكم ع الاندومي🤣🤣

لو خيروني بين اجنبيه تطبخ جميع مالذ وطاب او سعوديه تطبخ لي حصى لاخترت السعوديه الواحد مهما راح وجاء ماله الا بنت ديرته وبس

ونعم بكل الجنسيات لكن ماتخيل اني اتزوج غير السعوديه حياة مختلفه تماما

الي يتزوج منهم 🫣 ليييييه دمهم قوي بيجيك اجيال صينين والله منتو صاحيين

كثر الله خيركم ابي واحد اندومي و ملة عيش صيني

الاغنياء السعوديين يتزوجون اجنبيات و يتركون لبنات البلد الموقفه خدماتهم عشان توقف معه

الصينين اقتصادين. جاو عندنا خربناهم ...

اندومي 😂

لو تلقين رجل يعبى لك الخيرات مخلي لك بيت فيه كل شي الصحون والاكل مب يتنقد طبخك وهو مقاضي مايجب نفس اليوم تجيبين الاغراض بقاله يئستي مالك الا تدفعين يزعجون الاجنبيات احسن الاجنبيه مقدره والسعوديه 😒 🇸🇦 يحسسه طالبت بالمن والسلوى ماقدر ارحميني وهو ياكل برا ولاينعزم مسويه قطيه يبلع

شكله يبي يدور اسر منتجه

فيه قصة لسعودي جاه طلب اوبر من صينيه وصار بينهم علاقة وتزوجها والصدمة انها طلعت مليونيره شكلها هذي هي 🤣

الله يسعدهم ويهنّيهم. لكن اعتقد الأكل غير جاهز الفطر واللحم نيء وأكياس أندومي جديدة. يمكن بعدين أثناء التقديم يُطبخ أو يضاف عليه مرق كما يفعل أكثر الآسيويين مع النودلز.

مامثل طبخ السعوديه شغلها غريب وطريقه تقدموها السلطه بصحن كبسه

اشوف الحسابات اخذينا محتوى كل مقطع ينزل يكتبون سعودي سعودية ؟ مشاهدات واثارت جدل وارباح على حسابنا ؟