متداول: بعد دخول عائلة الراجحي لتجارة العطور وحرقهم للاسعار.. رجل يطلب عدم دخول التجار الكبار في تجارة اللحوم 🤯!!

بطلو جشع وطمع قبل مايجونكم عيال الراجحي وياكلون السوق عليكم بالربح المعقول . مو معقولة ابي اشتري ذبيحة وادفع الفين ونص !! هذا سوق وبالنهاية انا ابحث عن الاجود والاقل سعر، ولايهمني مين التاجر ولا كم ثروته !

وش دخل الاغنام في العطور !!! هذا الظاهر اشترى سبورة وما عرف وش يسوي فيها، وقال خلني اصير محلل اقتصادي

@Yazeed_AlRajhi طال عمرك نطلب منكم دخول سوق المواشي

ياليت #يزيد_الراجحي واخوانه يدخلون تجارة المواشي ويحرقون اهل الغنم النصابين

رزقك مكتوب لك بتاخذه لو وقف دونه مليون سبب وشخص يمنعه لو وقفوا الجن والإنس محد يقدر يردّه دامه انكتب لك الله سبحانه يسخر لك الأسباب والأقدار والنّاس لين يوصلك بالطريقة اللي ما كنت متوقعها وهذا شيء مطمئن ان الرزق بيد أكرم الأكرمين سبحانه ماهو بيد أحد تطمنوا

خلها تنهار والا نزلوا الاسعار

وضع اللي مو تاجر منشغل باالحر ههههههههههههههههههههههههههههههههههههههههههههههههههههههههههههههه

بالعكس خلهم يكسرون السوق انا كمستهلك مايهمني تاجر كبير او صغير. يهمني جودة و سعر

ابناء الراجحي الاسره القصيميه الناجحه والله ان مايقومون فيه شي يرفع الراس واتمنى ان تعم تجارتهم كل قطاعات التجاره لوقف الجشع والطمع من بعض الذين يكسبون 1000٪ تحية احترام وتقدير لأبناء الراجحي وعلى رأسهم الاستاذ يزيد اوقفو نزيف الجشع بوضع اسعار معتدله للسلع التي دخلو فيها كالعطور والمطاعم وانمنى ان نراهم في مجال العقار والاسكان والسيارات والاثاث والمواد الغذائيه والملابس يكفي انهم من ابناء الوطن المخلصين لاتستر ولا جشع بل مباركين في كل سلعه يبيعونها ومن يحاربهم هم من كسبو مئات الملايين من الناس بجشعهم وطمعهم الله يوفقهم

التاجر مين ما كان اللي يحط أسعار معقولة للناس ويربح ويستفيد "حتى لو ربح بسيط " والناس تستفيد من هالأسعار، عسى ربي يوفقه ويبارك له في رزقه ويكثّر من أمثاله وكلنا معه وندعمه ❤️