متداول: عفوية أبو عجيب أثناء تجسيده شخصية باتمان 👀.

يمكن تقولون إني معقده الأمور لكن هذا رأيي وقناعتي ولأن الصورة النمطية في ذهني عن الرجل هي الاتزان والوقار والهيبة ولا أحب أشوفه بغير كذا ولا يمكن احترمه لأنه ما احترم نفسه وهذا اللي شفته من أبوي الله يرحمه وأخواني الله يحفظهم ونقول الحمد لله حتى لا نبتلى بيوم الأيام بأحد من أهلنا

سماجه وإهانة النفس امام الاخرين من اجل محتوى لكسب المال سميتوها عفويه!!! والله عيب واقسم بالله انه مهرج ولايضحك ولاله قبول

ابو حصة مستغل ابو عجيب واخوانه وقاعد يصنع محتوى من ظهورهم. وياليت هالمحتوى يسوى تهريج وقلة حيا

والله من التفاهه والسماجه… خلاص نظام سوي نفسك مجنون وضحك المشاهدين انتهت من ايام طاش .. اذا تبي مشاهدات وفلوس شف لك محتوى غير المناقز والهبال ذا ..

ياصبر الارض ، سقى الله ايام الخبل مايعرفه الا اهله

بصراحة ابوعجيب وقروب ابو حصه خاصة في السناب شات من افضل القروبات من خلال المحتوى أو الترفيه الي يقدمونه 👍🇸🇦

سخافة وقلة حياء وين العفوية بالموضوع رجال خمسيني وهذا تصرفاته🤷‍♀️🦋

يقال من رَقَص نَقَص وذهب جمهور العلماء أنه من مسقطات المروءة والسفه. قبل يظهر الشخص للعامة يفكر أن ظهوره لا يخصه وحده، ظهور يشمل جميع من له علاقة بِه. تخيّل لو له ولد يدرس كيف بيتحمل تنمر زملائه على أبوه !!!!

ابو عجيب فكاهي من الدرجة الاولى حتى البعض ما يتابع ابو حصه إلا عشان ابوعجيب شخصيه جميلة النفسيات و اهل الثقل تحصلهم بعضهم يتابعون ابوعجيب وابوحصه اول باول وجايين هنا يسبون

الناس صارو نفسيه بذات الي في هالتطبيق! والله انهم القروب الوحيد الي يونسونا وبذات ابوعجيب كثر خيره قد مايسعدنا ، وناس حتى ماتتابعهم ولاتعرفهم جايه من بعد اول تعليق مايدري وش السالفه بس عشان يسب 🙂

ياثقل دمه هو وقروبه ياكرهي للي يمسخر نفسه عشان محتوى وعشان يضحك كم سخيف يطبل له

واهل حايل مضطرين يعززون ويدافعون لهم عشان من منظقتهم 😂

"مايلفظ من قول إلا لديه رقيب عتيد " قبل ماتكتب تعليق قول أنا مالي دخل كررها ١٠ مرات عشان تفكنا من ظنك السيء بالناس ثانياً والله ان ابو عجيب رجل محترم وطيّب القلب واللي يتابعه يعرف هالكلام ، واذا في تصرفات ماعجبتك محد مهتم لرأيك . كلو قمح وحبو بعض : القائل ابو عجيب

أسلوب من أساليب الترفيه يشكرون عليه أتوقع أنهم أفضل قروب في التواصل الاجتماعي

كمية استشراف ووقاحة حساد بالتعليقات لا تعقل ومعروف وش وراها ... وقروب ابو حصه مستمر واذا فيه انتقاد لاي تصرف غير مقبول تقدر تقول رأيك بأدب ولا تستشرفون علينا ابو النفسيات انتم لا جمعكم الله من جد

أمحق عفوية !، سخافة ماهو مجبور عليها.

استهبل يرزقك الله المثقفين العقلاء ما عندهم متابعين

عمره 46 وعنده عيال الله يقلع الحاجه اللي تخليك تسوي كذا بنفسك

سخافة ومسخرة واهانة لنفس مين يتابع كذا مشاهير وكذا تفاهه

الله يسعده يارب 😂😂 ولي ف التعليقات ماهو داري عنكم لو تموتو

صاير عليهم ملاحظات وتصرفاتهم احيان غريبة جداً !..

حلبهم ابو حصه واضطروا يسمجون اكثر واكثر والمشكلة المعززين اللي يقولون محتوى نظيف هذا شخص عمره قريب 40 ويتصرف كذا بالله وين الشيمه والمروءة والعقل والثقل

والله من ثقالة الدم الكوميدي يولد بالفطرة مايحتاج يصير معاق عشان نضحك ابو عجيب مافي شي ماسواه ولا قدر يوصل لمرحلة الكوميديا

أنا أكتشفت شيء أي شيء يطول يكون ممل ويزول الإبداع في البداية تكون منبهر وتضحك من قروب أبو حصة ، وبعدين صرت أنقز سناباتهم ، أدور شيء جديد ومختلف والحين صرت ماأفتح سناباتهم إلا قليل بسبب كثرتها ، مع إني أحبهم ، لكن خلاص وقت توهجهم إنطفئ

بعيدًا عن التهريج وحري بالمؤمن أن ينتقي أفضل مايليق به! "الأصل في الملابس أنها جائزة ، إلا ما استثناه الشرع مطلقاً ؛ كالذهب للرجال وكالحرير لهم ،ولبس البنطلون الضيق منه، الذي يحدد أعضاء الجسم حتى العورة: لا يجوز . فتاوى اللجنة الدائمة" (24/40) :

كل ما شفت مقاطع لمشاهير مقاطعهم كلها ضحك وهزل كمية سماجة بس يتكلم واحد يضحكون كلهم هل في موقف يستدعي الضحك مجرد تهريج .

الله يلعن الفلوس والشهرة اللي تخليني مهرج وانا ابو عيال.. مايفكر الواحد بعياله اذا كبروا وشافوه؟ ياخي شلون بيحترمونك ويهابونك ويقدرونك؟ حتى زوجتك بتشوفك خيخة.. الله لا يبلانا مابلاه

ليتهم يسترون على انفسهم وسخافتهم وثقل طينتهم ويخلونها بينهم بدون تصوير ونشر

والله من افضل القروبات ولكن لهم فتره بعض تصرفاتهم غير لائقة لهم وراح تهبط مستواهم

روحه حلوه ابوعجيب

الهبال مايبي غز بيارق من اول المهابيل مايعرفهم الا اهلهم الحين طلعو للناس عن طريق الشاشات

هذولا مستخفين صدق الشخص الوحيد اللي كان يجذب الناس لمشاهدتهم انتقل إلى رحمة الله ابومرداع

يلعن ابو فلوس او أرباح تذل رجال يوصل إلى هالمرحلة

سبحان الله ما عمره خيب ظني و خلاني اضحك سماجة

سبحان الله ياذا القروب ما أهضمه ولا أحبهم ومستحيل أكملهم أي مقطع. أحسهم اراقوزات ويبالغون مره ومتصنعين.