مختص أسري يشرح : معضلة الانثى "الزوجة" مع المال .. افضل شخص شرح علاقة البنت مع الفلوس

مو جاي يؤلف 🤣 صار لي ٢٠ سنة متزوجة واشتغل واحط في بيتي واصرف على عيالي معاه وما حسيت بولا شي من اللي يقوله يا فرحتي لما اشوف بيتي جميل عيالي مو قاصرهم شي! بأفضل المدراس واحسن الجامعات ونسافر كل سنة ونحصل على كل اللي نبيه.

هالكلام صحيح وردود النساء تعلمك إن المرأة ما تبي تدفع مع الرجل وإن النفقة هي مهمته. تروح أنت تخطب موظفة وتقول أبيها تساعدني ليش؟ ما تشوف كلامهن بعينك؟ اخطب ربة بيت وريح رأسك.

ولا معضلة ولا شي لاتتزوج وحدها عندها طموح وظيفي وريح راسك

يقول هذا واقع نعيشه الان؟! السؤال هالواقع وراه ماجا موظفات اول واللي تقاعدوا وعاشوا هم وازواجهم براحة بال و كبروا وزوجوا عيالهم و سفرات و خير ولاعرفوا هالمشاكل! جعل المال معضله ومحاسبة مسؤولية المستشارين الاسريين الجدد

مافي معضله بس هي لماتدفع في البيت تبقى رقم ٢ بعده مب شريكة ولا لها امتياز ، مهما كان زوجها طيب مجرد وجود عقد تخرج منه بكلمة وامكانية دخول ٣ شركاء غيرها يخلي مافي عدل انها تصرف في مشروع غير مضمون

في شيء اسمه معضلة الرجل الشرقي مع المرأة والسعودي خصوصًا يعني بيفهمني الرجل اللي اهتم بتكوين ثروته وماله أو علمه ما يفوق بيوم لاحتياجه للمرأة !!! هل هناك رجل عنده استعداد يكتب كل أملاكه باسم زوجته !!؟ هو يا دوب يعطيها النفقة ولأنها فرض عليه . أتمنى الرجل يتخطى المرأة ويركز على مستقبله بنات صغار صاروا وزيرات ومناصب وبعضهم لازال ماعنده شغله إلا المرأة .

طارت فوق ولا نزلت تحت في النهاية عشان تعيش المرأة بسلام يجب ان تخضع للرجل هذي فطرة المرأة تابع وليست قائد غير ذا الكلام ستتخبط الانثى يمنة ويسرى وبتصدم في جدار انتهى.

فلوسها كيفها تبي تدفع اهلاً وسهلاً كثر خيرها ماتبي مهيب مجبوره خل زوجها يدفع دامه راضي وش دخلكم بينهم

الرجل الي يأخذ من أنثى مال او يرمي عليها مسؤليات مالية كبيرة مع الوقت تكره وتستصغره. ما يملئ عينها أبدا تكرهه حرفيا تخسه ضعيف جدا وأنثوي 🤷🏻‍♀️

@Marry1371730 تتعاملي إنك عاوزاه يشاركك في كل حاجة بس يصرف أكتر؟ 😂😂

كلام دقيق والحل الوحيد لهذي المشكله العميقه هو انها تمارس دورها بالحياة وتكون ربة منزل👌🏼 صعود السلم الوظيفي للمرأه يملك علاقه عكسيه مع الشعور بالسلام والامان لانه يولد داخلها تناقضات جديده وغريبه تجاه الزوج في مدى حاجتها له وهذه المشاعر لم يكن لها وجود في سابق الازمان.

أتفق 👌

كلامه صح مية بالمية انا حاليا عم عيش الجو😂 تقلي عم ربيلك عيالك 😂 واصرف ع اولادك وبيتك 😂

الاساس هو ان الرجل لما قرر يتزوج هو يعرف كيف استعداديته يعني يوم شاف نفسه يقدر يفتح بيت ويتقدم يتزوج هو مؤهل مالياً وقتها لسه مايعرف مين الي ببختارونها اهله لذلك مو مهم اذا موظفة او لا لان الرجل المفروض انه وقتها عنده استعدادية لكن هذي الاستعدادية تختفي اذا تزوج موظفة😝

الباب يفوت جمل

يعني الانثى مجنونة 😔💔

قلت ان الردبلجي ينكشف من كلامه

لا واقع ولا بطيخ.. واحد قد ظهر له فيديو استخدم آية قرآنيه بسياق غير صحيح، عشان ينتصر لرأيه ويبرر عقده إتجاه الإنثى وهذا يوريك، عقلية الي يتصدرون المشهد انه مصلح إجتماعي او إستشاري أسري.. وهو نفسيًا غير مستقر وعنده مشاكل كثيره ويقعد يفضفض عن غضبه بحجة انه يقول "علم"

طب ما يتزوج بيها موضفة منذ البداية وش فيكم غاصبين نفسكم على الزواج سواء نساء او رجال الي مو عارف يتعامل مع المسؤولية ويقسمها او وجد ان خطيبته فيها شيء لا يقدر ان يتعايش معه لا يتزوجها

طبيعي وش عندك تقدم من حلا وجهك امك لو تطلبك ولا تعطيها طردتك

الأمان الذي يوفره الزوج .. لايمكن ينفع مع أخلاق سيئه منه مقارنة حياتها بغيرها المثالية مهما ملكت الأنثى .. لاغناة لها عن زوج

الى الذكور لترتاحون .. اعتبروا فلوسها مش موجوده الا بالعدم. كذا ترتاحون نفسيا انه هي افضل منكم.

غريزة انثويه انها هي الي تبي تتلقى الخدمة و الرعاية هذولي بس بنات السعودية يا حبيبيي مدلعينهم لما صارو يقلون أدبهم على الرجال و لسانهم طويل رح شف بنات امريكا كيف حاكتهم الدنيا، لدرجة انه إذا صار الرجال زود من عنده شوي بس شوي و تقدسه الموضوع هو الأنثى الي انت متزوجها من وين

يا عيال أنا في امريكا، و اقسم لكم بلله العلي العظيم انه وجع الراس الي قاعد يحصل معكم إذا جيتوا تتزوجون انه بس من بناتنا، كثرة الطلبات ذي ومايبون يساعدون واذا ساعدوك حملوك حملوك جميل مساعدتهم وذلوك عليها، ترا ذا الحركات بس عندكم شف المقطع هذا، يعطيك امل انه الدنيا واسعه وفيه خير!

الامان في الله وحده بس لا رجل و لا مال و لا شي 👌

كيف جعلتها غريزة أنثوية أنها تتلقى الدعم والرعاية . ‼️ مين يقول حتى وقت قريب كانت جداتنا هي من تصنع المال وتقدم الرعاية وتقوم على شئون الأسرة . هي من تسرح وتحطب وتجلب الماء وتحلب وتصنع اللبن ومشتقاته وهي من تنسج وتصنع البيت . وهي من تطهو الطعام. كانت تستقبل الرجال في غياب زوجها وتكرمهم . وتناقشهم في مورد ماء أو شؤون أسرتها . يكمن دور الرجل في الحماية من الغزو والنهب الذي يحصل عليهم وبعضهم رخمه حتى مايشارك . ثم جاءت الطفرة والوفرة المالية وبدأت تقل أدوار النساء مع خطابات وتشدد الصحوة و نهج ذكوري ملوث لقمعها . حتى أصبحت مجرد عورة عند البعض . الآن صارت صدمة عند البعض أن تستعيد دورها في استقلالية مالية و قضاء حوائجها دون احتياج الرجل في حياتها .

عندي بعض التحفظات من كلامه، لكن في حالات مثلما تحدث بس في الجانب الآخر في نساء متزوجات ومتفاهمات مع أزواجهن وعايشين بشكل طبيعي، لكن في الحقيقة نسبة ليست بهينة عندهن هذه المعضلة و شكرًا للنساء الكريمات في التعليقات لتأكيد نظريته بإمتياز. أخرًا أخي الرجل كُن رجل.