مشروع ملحمه دخلها الشهري مايقل عن 36 الف ريال شهرياً .. ولو عندك 5 ملاحم دخلهم الشهري 180 الف ! - هل كلامه مقنع ؟

ياخوي الكلام ببلاش !! اعرف ملحمة فتح في وسط حي سكني مليان بشر واغلبهم من اهل الجنوب ونسبة كبار السنه عاليه ماشاء الله تبارك الله ولا جلس الا شهرين وقفل. التجارة حظ ونصيب والرازق الله.

الكلام سهل جدا انا ببسطها لك ، لو كان عندك مشروع وودك تسوي خطة تسويقية له. لابد تجاوب سؤالين مهمين جدا : ١) من هي الفئة المستهدفة وكم تشكل من اجمالي السوق ٢) كم الربح المستهدف حتى نصل لكمية البيع المستهدفة وهل الرقم بكون منطقي او لا؟ خلنا ناخذ الرياض كمثال لو جينا لطريقة شراء اللحمة في الرياض الغالبية العظمى اما يشتري من الهايبرماركت او ذبايح كاملة وقليل تحصلهم ياخذ من ملحمة ويكون غالبا قريب منها كثير (مسافة مشي) كذا لا عاد في فئة مستهدفة واجل الربح سلامتك اذا وش الحل؟ لابد نوسع الفئة المستهدفة من خلال انه الملحمة تكون ملحقة لبقابة كبيرة (خمس الى ١٠ ابواب) او ملحقة الى مطعم مشاوي مع شرط الطعم الممتاز وتركيز بيع اللحمة يكون لاغراض الشواء ولا تقولي اون لاين وتوصيل لانها فشلت في اللحوم الطازجة عذرا للاطالة

الرزق مقسوم ومقدر من الرزاق أنت مجرد إنسان لا حول لك ولا قوة فلا تعتمد على ذاتك وشطارتك وفهمك بل الفضل لله وحده أسعى كما أمرك وتوكل عليه في كل أمرك ان الله هو الرزاق ذو القوة المتين يرزقك من غير حول منك ولا قوة لا نقلل من أهمية السعي المشروع ولكن حطها في بالك انك لن تسعى وتتحرك وتتوسع إلا بتوفيقه وتدبيره ولن تأخذ إلا ما كتب لك سواء فتحت مليون مشروع أو مشروع واحد

الحاشي وهو مصدوم من المعلومة

بعد المقطع رايح اخذ قرض خلاص ابي اصير مليونير

الكلام سهل والتنظير ( اي ملحمه ) تحتاج محل مؤثث وموقع واضح وثلاجه ع سيارة متنقله 2 عمال وعامل يجيد المعرفه بالحشو والحلال ويتنقل من هجره لهجره وحوش وأعلاف وعلاج ووووو .. كل هذي إذا كونتها جاتك الدراهم .. الاخوان المنظرين التجارب في التجاره قبل الكلام مطلب للنصيحه ..

كيف صافي 2000 ! صافي المبيعات يختلف عن صافي الدخل صافي المبيعات ال2000 الي يقول عنهم فيه نسبة منهم بتروح لعدة اشياء : ▪️رواتب العمال ▪️قيمة اجار المحل ▪️مصاريف السيارة الي تنقل اللحم وراتب السواق ▪️مصاريف (فواتير تلفون ، ماي كهرباء ، مواد نظافة ، اكياس تغليف قفازات ، 🔪 و و و الخ) وبعد ماتخصم كل الي فات الحين تخصم المبلغ الي بتشتري فيه اللحم لليوم الثاني او الشهر الثاني على حسب الحسبة الي شغال عليها الي تكلم مايعرف في التجارة غير حرف التاء

اتحداه اذ صدق. الحاشي قيمته الحين 9 او 10 الاف. اول صح كان تلاقيه ب4 و 5

اعطيك رأس المال وتضمن لي الربحية بهذا المشروع ؟ 😅 وتصير أنت مدير المشروع وتأخذ ٣٥٪ من الأرباح

غير مقنع ابداً وسهل التنظير، بعض الملاحم يبقى في الثلاجة الى ثلاثة ايام.