مع كل قدوم عيد الاضحى اغلبنا يفكر مثله نشتري راس ب ٨٠٠ ريال مع أعلافهم ممكن يوصل ١١٠٠ ريال ونبيع الرأس ب ٢٠٠٠ ريال يعني المكسب ٩٠٠ ريال إذا بعنا ٢٠٠٠ راس المكسب مليون و ٨٠٠ الف ريال اللي ما يفهم في التجارة يشوف ان تحقيق هذا الرقم سهل... جدا ومنطقي وطريق للثراء واهم شي توفير راس المال حتى لو كان من قرض ولكن الواقع يختلف كثيراshow more

ألفين راس تاكل 100 بلكة برسيم و 50 كيس شعير يوميا البلكة تقريبا 33 ريال والشعير 67 ريال عاملين براتب 1,500 علفهن مع العمال في السنه 2.5 مليون اشتريتهم على 800 ريال 1.6 مليون راس مالك 4.1 مليون بعتهم على 2,000 الناتج 4 مليون خسران ماحسبت ايجار الحوش والماء والكهرباء وكم يموت 😅

صحيح ضروري انه يحسب كل التكاليف قبل لا يفكر يبيع ويضع جميع الاحتمالات

اللي ماجرب الواقع لا يدخل في التجاره بالذات الايام هذي ما عاد فيه ربح سهل تطلع لك تكاليف ما تتوقعها الكل يبي يصير تاجر القوه الشرائيه في ادنى مستوياتها المنافسه وصلت مرحله البيع بخساره اذا احد عنده راس مال كبير يستثمره في عقار او سهم مثل الراجحي او stc افضل له

بعض الناس عندهم المشاريع مجرد كلام ولا جرب يدخل فيها تربية الحلال صعبه والاعلاف غاليه كثير من الناس يتذمرون من ارتفاع اسعار الاضاحي مايدرون انه المربي يجلس سنه وهو يعلفها ويشربها ويحصنها من الامراض بأدويه غاليه اما المستورد غير مرغوب الا السواكني وهذه تحتاج ثلاث اشهر تعليف

صحيح التحديات والعقبات ما يعرفها اي احد ما دخل هذا المجال بالتالي بيخسر

100 رأس تربيه مصروفها اليومي 400 ريال تقريبا بمدة اربعه شهورحول خمسين الف وقيمتها 90الف ناهيك خلال الاربعه شهور كم بيموت منها ويمرض وتبيعها الراس بمتوسط البيع 1600 وعليك الحساب

ربط الاضاحي بقصد إعادة بيعيها في السوق مخاطرة عالية منها الجوائح وتقلبات السوق. ولكن اللي اعرفه خص الناس اللي فاهمه . يشترون فصلة كاملة من مراح غنم ساسها جروم ورفع ويشرط على البايع ياخذها بعد الفطام وبعدها يجهز لها محل منظم ويتوكل على الله .

الناس اللي فاهمة وعندها زباين جاهزة وحوش وعمال وعلف ممكن يطلعون ارباح

يتبع؛ بذلك يكون اشترى اقل من السوق ب نصف القيمة ويكون الهامش في البيع مرتفع

نعم صحيح

الراس ياكل فالشهر ٩٠ ومعدل ربحك فالراس اقل شي خلال ٤ شهور ١٥٠ صافي وقبل هذي كلها اعرف كيف تشتري بعض الحلال لو يجلس عندك سنة مايتغير شكلة

لو كلامكم صحيح إنها صعبة وكلفة ليش مستمرين في مشروع خسران، انتم تتكلمون عن أعداد أضاحي مشتراه وليس منتجة عن طريق الولادة أغلب المربين يكسب من إنتاج المواليد على مدى ستة أشهر ولا يعطونها شعير وبرسيم بالكمية اللي تقولونها ويستخدمون أعلاف أخرى ولا يوجد موقع مستأجر والعامل واحد فقط

السوق فيه خير وأرباح للناس اللي فاهمة وعندها زباين جاهزين للشراء

الاعلاف غالية جدا والمكسب صفر ..

اصحاب المزارع وتربية الماشية ليس لهم دور في رفع الأسعار معظمهم يقتنع بالربح اليسير لكن تدخل الشريطية والسماسرة واتفاقهم في رفع الأسعار يقومون بشراء المنتج سواء المحصول النباتي أو الحيواني بأقل الأسعار ويتفقون على الرفع ١٠٠٠٪ وينشرون الدعاية والإرجاف بقلة المعروض

وين الي يبيعك الراس ب٨٠٠ حتى لو انه جمله مستحيل

الواقع يدخلك بجدار ماحسب الرواتب ولا حسب الاعلاف بطريقة صحيحة ولا حسب العلاجات وكم راس بيموت قبل الموسم ولا غيره غير كذا المستورد مايوصل هالقيمة ابد

عشان كذا أنا استغربت من طريقة حسبته وإنه ما حسب باقي التكاليف

كل حسبته غلط المستورد مايوصل 2000 النعيمي والحري من 1500 يبدا فمابالك بالمستورد

طيب بدون ماتحسب روح قبل العيد بااربعه ايام واحجز عدد الاضاحي اللي تبيها حاليا الراس نقول ١٧٥٠ حجزها اربعه ايام ووتبيع مع التوصيل من ٢٠٠٠ الى ٢١٠٠

اتفق معك إذا عندك مشتريين جاهزين واعرف أشخاص يسوونها كل سنة يعني وساطة بعمولة

@wOBYdNMSYxh2jGC التصريف اهم نقطه فالموضوع .. اما اشتري واورط فيها هنا المشكله ..

@jamalalfadhli لابد يكون عندك مشترين وتتعامل معهم طول السنه ويكون شغلك نظيف ولاتغشهم حتى لو ترفع السعر مقابل تجيب لهم شي عدل لانه الغش في سوق الغنم كبير ومغري

اللي يشتري ويبيع بعد 10 ايام زين

الي ما اشتغلو قبل 2017 لا يشتغلون الان خلاص خذ الضمان ونام

٨٠٠ تجيب لك داغور يدغر ولابد تشتري لك معزا حلوب ب ٨٠٠ ريال وتربطه الين الضحيه ب ٤٠٠ ريال والعامل كل شهر ١٠٠ يعني ك ربحك بالناقص ٥٠٠ ريال

والعامل والموقع والشبوك واحسب السرقات والمرض

طيب جرب اشتر ٢٠٠٠ راس من ٨٠٠ واذا بعتها راجع حساباتك

قبل لا أدخل التجارة كان تفكيري "جب تيس ب١٠٠٠ تطلع منه ٣٠٠٠ انت كسبان ٢٠٠٠" وبعد مادخلت طلع فيه تكاليف تشغيل ثانية الإيجار، الرخصة، الشهادات، الكهرباء، الماء، الرواتب، الصرف النثري ووووو طلع الموضوع يبي له محاسب يعرف كم الدخل وكم الصافي وكم الربح

السؤال انت سويتها ؟؟؟ تعرف احد سواها او احد يعرف احد سواها او احد يعرف احد يعرف احد سواها ؟؟ تربية المواشي الله يرضى عليك ماهي فوضى لها اهلها وناسها ماهو هاتني جيتك لنا في الحلال اكثر من ٧٠ سنه من مختلف الانواع فبلاش مشاريع للي مايفهم فيها وتوهقون الناس والله يرزق الجميع

إذا تقصدني لو تقرأ إلى الأخير بتعرف أني احذر من مثل هذه الفيديوهات

انا ماقصدك انا اتكلم ع راعي الفيديو عزيزي الفاضل غيري ماراح يقرا راح يتم تحميل الفيديو وارساله لغيره وغيره وغيره تحياتي لك

والله من دخلته عليها والله مايربط خروف واحد وانت ترزق الله فالمشاهدات وحتى النازل من الباخره ماتاخذه بالسعر هذا ابد

انا اشتري ابيع في الاغنام من 15 سنه غير صحيح تشتري في 800 ريال تبيع في 2000 ريال تشتري في 1700 تبيع من 1800الى 1900 ريال اذا طيب مره تبيعه 1950

سواليف ليل 😂😂😂

واحد من الربع عنده ١٥ ألف رأس من الحلال مليونير ماشاء الله

غير صحيح الاسعار اقل من الايام العاديه أنا في السوق اليوم الي ارتفع اسعار السلخ إلى ١٣٥ ريال البلديه والملاحم ارفعت اسعار التقطيع ٥٠٪ اما الأضاحي الاسعار اقل من الايام العاديه

الأرزاق بيد الله وكل مشروع فيه مكسب وفيه لا سمح الله خسارة لي زميل مدرس تقاعد وفكر بالتجارة واستأجر له حوش كبير وحط فيه غنم قبل ستة أشهر على أساس يبيعها في عيد الأضحى .. ويشاء الله قبل العيد ب ٣ أسابيع يكلمه شخص ويقوله عندي غنم بجيبهم عندك في الحوش لحد ما يجي العيد وخوينا راعي فزعه قاله هاتهم وللأسف فيهم فايروس وعدوا غنهم وأمرضوهم وصابهم اسهال ومات عليه كم تيس وعالج الباقيه وخسر المسكين وقال أول مرة وآخر مرة أتاجر فالغنم .. الله يعوضه خير إن شاء الله أهم الأخطاء اللي وقع فيها هذا التاجر المبتدئ : ١ - شراء الغنم بسعر غالي وبالتالي هامش الربح صار قليل ٢ - تكلفة التشغيل أكبر من الربح المتوقع .. بمنعى إنه إستأجر حوش كبير بمبلغ كبير واستقدم عامل بتكلفه كبيره وتجارته كلها فقط ٢٠ رأس وكان يكفيه لو راح أطراف المدينة في حظائر غنم تؤجر بأسعار رمزية ومعاها عامل راعي مسؤول عنها ٣ - استقبل غنم صاحبه بدون ما يتأكد من سلامتهم والنتيجة مرض أغنامه وموت بعضها ٤ - وهي أهم نقطة .. التفكير في الأرباح فقط دون دراسة جدوى للمشروع ومدى نجاحه والوقت المناسب لبداية المشروع

الحسبه الللي ضيعت أغلب الداخلين الجدد . الغريب هذا يحدث كل المجالات وفي في الدول وليس حكر على بلد معين

انا اقول دورك حلال يعيش على الطاقه الشمسيه افضل 👍سوالف السعه زينه

Po

لو خلص العيد وما بعت الا ربع الحلال تراك اكلت هواء 😂

👌

اهلا جمال ،، انا اشتغل بالسوق صدقني الناس تحسب انك تربح مبالغ خياليه ووو كلام كثير ،، الزبده السوق فيه خير والرازق الله ممكن تأخذ جملة حلال وتكسب مكسب كبير وطيب وومكن نصها او اغلبها تمرض وتموت فالرازق الله لكن الموضوع مو مثل ما يفكروا الناس الموضوع متعب نفسي قبل الجسدي ،، يتبع

تماماً مثل حسبت الكتاكيت .. 5 الاف فروج من 2 واخليها شهرين وابيعها من 14 ريال وتطلع خسران

هروج